مسجدد وقبٌــــــــــــــــــــه

مسجدد وقبٌــــــــــــــــــــه

من ضمير الشاعر اللي كل طرقا تلتعبٌه=يا سلام الله على الحضار من قاصي وداني

والشعر تالي الزمن خلا من الهامي مسبٌه=بس انا من بين خلق الله ظاهر في زماني

كل دا بين النشاما لازم يلاقون طبٌه=والليالي تكشف اللي خبته عوج المحاني

يا هجوسي كل عرقٍ في طريق العز ذبٌه=وان بغيت العز كله فارتكز في كل شاني

دام ناصر من يجيبك شب نظم القاف شبٌه=لي تشعل للجمل نبراس في روس المباني

لا لفاك الزين شله وان لفاك الشين كبٌه=واحذر انك تحني الهامه على النذل الجباني

هب مثل الريح كل احساس ينتال المحبٌه=وامطر بوقعك على الاسماع من صلب المعاني

انتزع جزل الكلام وخذ من الموضوع لبٌه=واعلن اهاتك على العالم وقل ناصر بزاني

ايه انا اللي قمت اشيد للشعر مسجد وقبٌه=ثم تلوته زي ما يتلو المطوع للبياني

شي واضح في قلوب الناس بالعفه نصبٌه=وشي غامض لازم مفسر حديث وترجماني

ساسه الطاغي متين وماحد من الناس هبٌه=كنه طويق المسمى والذي جابه بناني

اختلاف الراي وارد والبحر مرسى وغبٌه=والدرر في قاعته وين الذي يهوى السماني

والطريق المستوي لا جا على عرضه مطبٌه=ما تاثر فالطريق اللي عليه السيل ساني

كل شاعر ينتهض ويبين في حزة منبٌه=بس ما حد في مغيبي يقدر يغطي مكاني

ناصر اللي ما عبد فالكون غير الله ربٌه=ما تهيب من فلان ولا وضع قيمة فلاني

عارفٍ قدره ونفسه للعلا تمشي مكبٌه=رايته بيضا ونبراسه سطع فالفرقداني

بس في تالي الزمن شعري وضع مني مسبٌه=والله الباقي وغير الله في ذا الكون فاني

المصدر: الملتقى الجماهيري للشاعر محمد بن فطيس المري

مذهل ياناصر لله درررك

ايه كذا كما عودتناا


صح لسانك يالاصيل ولاهنت

والنعم يا ابن الاجواد،،،،
انت كفو وشعرك كفو،،،
يبدولي القصيدة طااااااااازة يالغالي<<<< هههههههههههههه

سلطان المري

صح بدنك ولا تهون على المرور

تقبل تحياتي

فرح الاحزان

تسلم والله لا يهينك

وما عليك زود والقصيده طازه على قولتك

مالها ربع ساعه

تقبل تحياتي وخالص تقديري

صح الله لسآنك أخوي ناصر الشريف

هذا القصيد إللي عرفناك به
لاهنت

ماقدر اقول الا قمّة ... شاعر وما فيك حيله

بصراااحه قمه الابدااااع اخوي ناصر ع القصيده
الجميله.. صح لسااانك..
لك ودي .. وتقبل مروري ..

انتزع جزل الكلام وخذ من الموضوع لبٌه
حِكم وجزاله هكذعرفنا ناصر الشريف

<اختلاف الراي وارد والبحر مرسى وغبٌه>

صح لسانك ’’واختلاف الرأي لايفسد للود قضيه

والشعر الجيد يفرض نفسه

تحيآآآتي وتقديري.

تسلم اخوي الغالي جزله من راس جزل
ومافيك حيله وانت ابو الشعر
قصيده رائعه وانت اروع
لاهنت