الطفل الغريق - ابراهيم محمد البجيدي

الطفل الغريق - ابراهيم محمد البجيدي

سلّط الله على بشّار وأعوانه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


ياوسع صدري جعل صدري مايضيق
من الزمن ، و أيامنا ، و غبونها

لكن يالهاجس يابو لسان طليق
انا أنشدك والجمره بغليونها

اليا انتهض حظ الخواجه بلّ ريق؟
حلوقنا نشفت ، بجوع بطونها !!

زفير دعوى الصعلكه فوق الشهيق
يا كم قصيدة ماعرفنا لحونها

محافل الحكّام هرشٍ يوم سيق
بِرّك مابين الخزنه و مامونها

مصالحٍ تجمع عدوٍ مع صديق
شبه الجزيرة ، ماعرفنا ركونها

لان اكثر اعهود العرب حيد الطريق
اوبامها ، مع بوشها ، لشارونها

تشوف غزة وشامنا - جرح ٍ عميق
وبغدادنا وحدّ اليمن - يبكونها

ماعاد باقي بالزمن حبلٍ وثيق
أكثر سكاكين البشر بصحونها

نامت عزاوينا وعيّت لاتفيق
نخلة وطن نصف الشهر عرجونها

الباطنه نارٍ حطبها من بقيق
ومواطن بلادي خذى قالونها

صار الخبر عاجل لنا بثٍ يويق
بشّار نشرتها - مفصّل شونها

بعد جبل طارق بكى ذل المضيق
ذبيحة العيدين ، حنا دونها

صرنا الضحايا لامدرّب لافريق
خميني بذرتها ، ويهود غصونها

الحرّ ماضي - حاضره غراب النعيق
وأم الكباير :مخضّبين قرونها

شفنا الطفل ! والبحر موْجه مستضيق
حتى أبسط حقوق الطفولة نخونها

هذي الرسالة وأنت يالحر الطليق
العامرية عااارفٍ مجنونهاا

سر البحر تلقااه في صدر الغريق
وكحل البيوت يكفّ ملح عيونها


منقول - الشاعر ابراهيم محمد البجيدي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

المصدر: الملتقى الجماهيري للشاعر محمد بن فطيس المري

تسلم يمينك على هالطرح
والله يعيننا على هالنا المتردي كامه لا تسير امورها
ودي

وانت سالم من كل شر يا اخوي ماجد… احوال الله يزينها