كلنا لجل الملك والمملكه

كلنا لجل الملك والمملكه

السلام عليكم ورحمة الله وبركاته

اسمحو لي اقدم لكم هذه الوطنيه المتواضعه بمناسبة اليوم الوطني

للمملكه العربيه السعوديه مع انها اول محاوله لي في هذا المجال

قابله للانتقاد

للوطن بقلوب شعبه حاجتين
ــــــــــــــــــــ الولاء والحب حتى التهلكه

وتستثار الحالتين بحالتين
ــــــــــــــــــــــــ من عبث بأمن الوطن والا سفكه

ياوطنا لو نووك الحاقدين
ـــــــــــــــــــــ دون حدك ما نهاب المعركه

بالشجاعه والوفاء متحزمين
ــــــــــــــــــــــــ الولد مغوآر والعود بركه

كل شخصٍ يخدمه ساعد وعين
ـــــــــــــــــــــــ وأي دورٍ مسندٍ له يحبكه

ياوطنا حن جنودٍ مخلصين
ــــــــــــــــــــــ في سبيلك نبذل اللي نملكه

تحت راية خادم البيت الامين
ــــــــــــــــــــ أنعمي بأمن ورخى يالمملكه

حاكمٍ حبوه كل المسلمين
ـــــــــــــــــــ كل دربٍ في رضى الرب سلكه

خادمين الطآئفين المحرمين
ـــــــــــــــــــ كل محرم يهتني في منسكه

للصديق الّطف من الماء المعين
ـــــــــــــــــ ومن تعادا له بكفه يفركه

سامَح اللي خانه من الخاينين
ـــــــــــــــــ لجل وجه الله وعطفه يتركه

ماخسر من كان بالله يستعين
ـــــــــــــــــــ كل ما يبغى لزومٍ يدركه

البلد طيّب وشعبه طيبين
ـــــــــــــــــ دام ابو متعب زمامه يمسكه

رآيته بيضاء ومنهاجه ثمين
ــــــــــــــــ ما يحب اللفلفه والفبركه

نفتدي بأعمارنا ومبايعين
ـــــــــــــــ كلنا لجل الملك والمملكه

وسلامتكم

المصدر: الملتقى الجماهيري للشاعر محمد بن فطيس المري

صح لســانك مره ..و مرآت يالمــري

هديــه جميله تقدمها للوطــن بيوم عيدهـ

صح منطوقك مداد

ابيات رائعه كـروعتك استاذي

هديه رائعه للوطن من شاعر رائع

ربي يحفظك

صح لسآنك يامحمد نص ينبض بالوطنيه
لاهنت ,والوطن يستحق .,ودآم عزك ياوطن
والله يديم علينا نعمه الامن والامان والاستقرار


تحيآتي وتقديري.

الله يطول في عمرك ويعطيك الصحه والعافيه يامحمد

والله لايضرك على ما تملكه من ابداااع يعانق السحاب

للأمانه انت ثروه للوطن وللصرح .. يستاهل الوطن هذه الكلمات

التي لا تستغرب من شاعر مثلك يمتلك مخزون شعري غزير

صح لسانك والله لايحرمنا مثلك وشرواك

وانت مجملنا في كل محفل وفي كل مناااااسبه

لاخلا ولا عدم

اخوك
ابو مشاري

اقتباس المشاركة الأصلية كتبت بواسطة رمق صح لســانك مره ..و مرآت يالمــري هديــه جميله تقدمها للوطــن بيوم عيدهـ

هلا وغلا يا رمق


الله يديم نعمة الامن والايمان على المسلمين




ودي

اقتباس المشاركة الأصلية كتبت بواسطة بنت برقا صح منطوقك مداد ابيات رائعه كـروعتك استاذي هديه رائعه للوطن من شاعر رائع ربي يحفظك

يا مرحبا يا بنت برقا


صح الله بدنش يالغاليه والوطن يستاهل كل الولاء والتقدير



لاهنتي

اقتباس المشاركة الأصلية كتبت بواسطة الهــــــــوى صح لسآنك يامحمد نص ينبض بالوطنيه لاهنت ,والوطن يستحق .,ودآم عزك ياوطن والله يديم علينا نعمه الامن والامان والاستقرار تحيآتي وتقديري.

مرحبتين يالهوى الله يصح بدنش يالغاليه


امين امين الله يديم علينا نعمة الامن والايمان والسلامه والاسلام


لاهنتي على المرور

اقتباس المشاركة الأصلية كتبت بواسطة أبو مشاري الله يطول في عمرك ويعطيك الصحه والعافيه يامحمد والله لايضرك على ما تملكه من ابداااع يعانق السحاب للأمانه انت ثروه للوطن وللصرح .. يستاهل الوطن هذه الكلمات التي لا تستغرب من شاعر مثلك يمتلك مخزون شعري غزير صح لسانك والله لايحرمنا مثلك وشرواك وانت مجملنا في كل محفل وفي كل مناااااسبه لاخلا ولا عدم اخوك ابو مشاري

يا مرحباااا مليوووووون يا ابو مشاري


الفخر والله والمعزه معرفتك يالغالي والمنتدى ما تجمل ولا جمل الا بحضورك

واشرافك المستمر وتواجدك في خدمة الاعضاء

انت مكسب يا ابو مشاري لي وللاعضاء المحترمين وكلنا لنا الشرف بك


الله لا يحرمنا تواجدك يالغالي وبيض الله وجهك على كل حاال

شاعرنا المتألق دائماً وابداً محمد المري

بيض الله وجهك يا خوي وصح الله لسانك قصيدة شامخة تستحق بأن تشمخ

للعلا في هذا اليوم احتفالاً وتزامناً مع اليوم الوطني للمملكة العربية السعودية

حفظ بلاد الحرمين الشريفين ان شاء الله وبادرتك يا خوي محمد ليست بغريبة

ع ابن من ابناء هذه المملكة بهذا الولاء ودامت دياركم عامرة بالأفراح يا خوي

محمد ورائعة بكل ما تعنية الكلمة يا شاعرنا وفقك الله وإلى الامام ..

تقبل مروري بحضوري أختك في الله حروف من نور بخالص الشكر والتقدير