لانـيـب لا عـنتـر،/؛ ولا انـتي بــ عـبلـه،,

لانـيـب لا عـنتـر،/؛ ولا انـتي بــ عـبلـه،,

يابو العيون اللي هدبها مراييش
يابو الدلع ياللي شفاياك ذبله

ياما على شانك نويت المطاريش
ياما تبعتك شرق والناس قبله

واليوم كني شفت فالوضع تشويش
شيٍ مجمعة العلوم تــحــسب له

وش عاد لو تزعل علي الدراويش
انا بدويٍ راح يطرد هوى ابله

عفط الرقاب اللي وبرها عكاريش
لاربعت قلبي يزين الطرب له

ننزل بها في منزلٍ مابعد نيش
روضٍ خضر عشبه خزامى ورمله

في ليلتن ياتي مطرها الرشاريش
هذا ربيع القلب عقبه وقبله

لا تحسبيني عقب فرقاك ماعيش
من لا حسب لي,,عادتي ماحسب له

حتى ايش لو بينتي الصد حتى ايش
لانيب لاعنتر,,ولا انتي بــ عبله

للشاعر الكبير/سلطان الهاجري

المصدر: الملتقى الجماهيري للشاعر محمد بن فطيس المري