إنكـ على النيّه وملعون خيّــر

إنكـ على النيّه وملعون خيّــر

الاثنين 7 محرم 1432 هـ

افتتحت مدونتي , اتمنى ان تلاقي القبول والرضا من الجميع

هنا سأضع مالدي , شعرا ونثراً s7


بونواف التميمي

المصدر: الملتقى الجماهيري للشاعر محمد بن فطيس المري

.

كم لي اكن الغيض ضايق ومكبوت
والبوح ثامن معجـزات المحالـي

كنز القناعه داخل الصدر منحوت
وش عاد لو ان الزمن ماصفالـي

دام العمر لوطال فاني ومحتـوت
ولاأحداً على حاله مبـدَّل لحالـي

اسرار عمري تنولد فييَّ وتمـوت
مأبيَّح لسـدَّي لطيـف السؤالـي

اتفوت لا واللي رفع سبع ما تفوت
علـى خفوقـاً لوّعتـه الليالـي

راحت سنينه كنَّه بعيـن جالـوت
بين المشوَّك والسهـم والنبالـي

صحيح ماجربت انا سكرة المـوت
لكن عوضها سكرة فراق غااااالي

.

.

مافيه داعي تسوي لي حضــــور اختبار
تبي تسوي ذكي لكن حضـــــورك غبي

المسأله ماتبي زحــــــــــمه ورد اعتبار
هي كلها كلمتين وتاخذ اللــــــــــي تبي

لا طاحت الشمس يعني طاح وجه النهار
وان طحت انا من حياتك ياصلاة النبي

.

.

أعذرك تماما ً ..
لأنك تجهلني تماما ً ، وقديما قال أهل نجد في أمثالهم ( اللي مايعرفك مايثمنك ) وقد صدقوا في ذلك كجهلك بي تماما ً !!

همسه ..

الوداع اللي كسرني في عيون احبابي ....... ماترك لي في حياتي غير ذكرى مُره

.

اسمح لي ابدي اعجابي بقلمك وتميزك واسلوبك الراقي وتالقك

وصح لسااااااااااااااااااااانك وأشعااارك جناااان

ماشاء الله علييييييييك


صحيح ماجربت انا سكرة المـوت
لكن عوضها سكرة فراق غااااالي


يا سلام عليك تشبيه بليغ جداً


بس لي تسأل ليه ما تكتب أسمك لحفظ حقوقك النصيه ؟؟؟؟

تقبل تحياتي ...

عاشق المحيط

والمدونة ترقى بمتابعتك / على طول

يسلم راسك يابعد راسي

الف شكر وتحية

برايفت /

ما وضعته وسأضعه مستقبلا سيكون من مقولي ومنقولي / ولكن ما سأكتب اسفله بونواف التميمي فهو لي فقط ... وغيره سأشير الى شاعره اذا عرفته او سأتركه كما وضعت قبل هذا الرد ..


ممتن كثيرا سيدي

.

اقوى سلاح الردع حقر الملاعين
وكلمه افا تحكم على الطيّب اعدام

.

للغياب اسباب وللاسباب دواعي تجبر اثنين على الابتعاد / لا داعي لذكرها
بالامس وصلني مسج ممن غابوا عن العين وبقوا في القلب....


الا ياليل لا منك / غشيته والعباد ارقود
امانه حب لي راسه / وقبلّي طرف خدهـ

الا ياليل قل له / لا يصير بجيته محدود
ترى كلي تحت امره / وانا من يده ليدهـ

.............

بصراحه الغالي خلاني اكتب هالبيتين :

الا يا قلبي النابض / ترى دربك سهود امهود
ابد لا ينحني راسك / وقلبي ما انهدم سدّهـ

انا في مدة اغيابك / احاتي رجعتك بقصوود
واقول القلب ما ينسى / ولكن طالت المدّهـ

انا ودي اذا ودك / تجيني والامل موجود
اباضمك بعد غيبة / شهورن كلها شدّهـ

مبطي.. وانا بيني وبينـه علامـات
حْـلــول عـســراتٍ أفــكــك نـشـبـهـا

مـرْه اجيـب العيـد ومـرْه سلامـات
ومرهْ احاكي : يامسا العيد جـــبْــها

.

أخطو بإتزانٍ بك , و أتعثّر بهم

فأنت جهاتي الأربع و أنا البوصلة التي لا تُشير إلا إليك

.