محاوره قويه بين عامر الشيب وشاعر الهيلا

محاوره قويه بين عامر الشيب وشاعر الهيلا

عامر الشيب




هلا يامرحبا ترحيبة(ن) من صادق الوجدان
هواجيسي تحضّرها وانا حاضر وأغنيهـا
ليا منّه حضر شاعر مطير وشاعر العتبان
حلات الملعبه لـو إنهـا كثـرت بلاويهـا





شاعر الهيلا




يدوم الك البقا يالشيب عامر شاعر المطران
من اهجوس العتيبي والخيانه مـا يدانيهـا
ليا منه حضر شاعر عتيبه واستوى الميدان
يبا ينشب لسانك في جماك وتبتلـش فيهـا





عامر الشيب




أنا الليله نويت اسري على العتبان بالقيفان
وراح احشر لك اولها يالين يجيب تاليهـا
مدام انك تحداني على الميـدان ياحميـدان
وانا قدّ المواقف مير روحـك لا تدهويهـا





شاعر الهيلا




يقولون الرجال الزود دايم يعتبر نقصان
وأنا شاعر وأقول السابقه تطلع براعيها
وأنا فارس من العتبان وأخيرك ياذيبان
على كيفك يامال العافيه ورقا واناحيهـا





عامر الشيب




الا ياشاعر الهيلا تركّد لا تجي عجـلان
ترى بعض البنادق لا رمت ثارت براميها
تفاخر يالعتيبي وانت تاكلها على البيبان
قضيه والقضيه حلّها في يدين قاضيهـا





شاعر الهيلا




ولا ياللي تنشدني ترى الحبه على النيشـان
مضاربها على الصاح المناحر وانت توحيها
ولا يا لعنبو رجل(ن) مايفخر واهله الفرسان
هوازن من عصور الانبياء تعرف عزاويها





عامر الشيب




تقول علوم لاكن ماتثبّتها علـى البرهـان
على ماقيل والكذبه تبيّـن مـن مواريهـا
ليا منا وصلنا للعزاوي ربعـي الشجعـان
مطير أهل الثلاث المعجزات ولا أنت ناسيها





شاعر الهيلا




ترى عيب(ن) تكذب لك رجال(ن) تحكم القيفان
وتحكـم هيـة الاكـوان لا خبثـت شواريهـا
كفرتوا يامطير اهل الوفا بسـم الله الرحمـن
ترى مابه بشر سـوى كـذا ربـي يسويهـا





عامر الشيب




أكذّب من يقول الكذب وأعرف جرّة السرقان
وأخبر النار ماتحرق سوى رجلين واطيهـا
كفرنا بالرجال إليا غـدى للمعركـه دخـان
نطّلق حرمة الرجال غصب ولا أنت غاويها





شاعر الهيلا




ترى ماهي غريبه لو يخـون ويكـذب الخـوان
خبل من هو وثق بالخاينـه وامسـى مصافيهـا
صدقتوا وأسمها (سلمى) ولا أحدن كذب الصدقان
تراهـا (عبدليـه) (ناصـر الشغـار) وآليهـا





عامر الشيب




بلشنا وابتلشنا فالكذوب وشلّة الكذبـان
تخطّف للسوالف يالعتيبي ثـم تخطيهـا
ونوره حرمة الحنتير طلقّها وهو زعلان
عتيبيه ويمكنـك بعـد تطلـع بناخيهـا





شاعر الهيلا




بلشتوا ياجماعه وأشربوا من صافي القلبان
وهاذي ثابته بين القبايـل مانـت غاويهـا
هاذي وحده بوحده لا تفاخر واحد(ن) طفران
يكرر لي علومـه مالقـا حاجـات يبديهـا





عامر الشيب




أنا أبنشدك يوم إن العتيبيـه خـذت فتنـان
وشنهو شرطها لا تجحد القصـه وتخفيهـا
عقب حكم السعودي جيت تبلشنا ومعك لسان
رح انشد يالعتيبي عن ربوعك ويش ماضيها





شاعر الهيلا




وأنا بنشدك وش سوى الزلامي كان ياماكان
مع أربع عبدليات(ن) مانجهل كل اساميهـا
نشدناهم وقالوا طاردينه من ورى الريعـان
وشال الحمل من (ريع الثنيه) مانثنا فيهـا





عامر الشيب




ليامني نشدتـك لاتهـرب والعلـوم سمـان
تروح تلـف ثـم تـدور وتضيّـع معانيهـا
تجيب علوم من عندك وهي أكبر من الضلعان
علومك يالعتيبـي تـوّك البـارح مسوّيهـا





شاعر الهيلا




علوم طايله والكذب واجد والوفا مابـان
ولا يسكن بيوت اهل الشجاعه غير بانيها
طبيعي تنكرون أفعولنا من ماظي الازمان
لا كنك لا تخلينا علـى ربعـك ندربيهـا





عامر الشيب




ليامني قريت الفاتحه قمت العن الشيطان
ومن خلّى الصلاه الفايته لازم يصليهـا
عتيبه تشعل النيران ودواها من النيران
وأنا والله لعلمها الدواء وأكوي علابيها





شاعر الهيلا




أقول أضبط صلاتك وأنتبه لا تخلف الاركان
قبل والله لا نجعل راسها من بين رجليهـا
تقوله ميرأنا بقول لك عتبـان يـا تعبـان
عتيبه مادرت بك والعلوم اللـي تدوديهـا

المصدر: الملتقى الجماهيري للشاعر محمد بن فطيس المري

حياااك الله بنت الروووقه ,,

صح الله لسان عامر الشيب ,, وصح الله لسان شاعر الهيلا ,,

والله يلطف بحالها لين تصبح ,,

بيض الله وجهك ولاهنتي على هالنقل الجزل وبلا شك مثل هذى معهود منك ,,

لك كل شكري وكل تقديري .