أخذت في دنياي درسٍ ولازال

أخذت في دنياي درسٍ ولازال

.


أخذت في دنياي درسٍ ولازال

باقي بذهني ماتغّير نظامه

الدرس حق , وكلمة الحق تنقال

هذي تجاريب النبْيه وكلامه

ماهو بعيب آليا خسرت إلك رجال

العيب لأمنك خسرت الكرامه

ماينحني راسٍ له المجد منزال

اللي تعّود بالوفاء والشهامه

ومَنْ لا يَقدم عزة النفس ماطال

ما طالعزه والهلامه هلامه

دايم عزيز النفس مضرب للامثال

والا ضعيف النفس فوقه علامه

من تجربة واقع ومن تجربة حال

اموت فقر ولاغناة الندامه

العز عز الروح ماهو بالاموال

والطيب طيب الذات رفعه وهامه

والفقر فقر الفكر مع مَر الاجيال

يامن تحْسَب الفقر عيب وملامه

والفعل فعل القلب ماهو بالاقوال

وماقف شجيعاً ماتراعد إعظامه

ياحي رجلٍ مالتفت صوب الانذال

يمشي بالارض ونظرته للغمامه

ماعاش كِبْر ولاتَكبّر ولا اختْال

واثق ويَعرف عند قومه مقامه

ماهو ب(...) ريال ياعابد ريال

فقير لله والغناه : ابتسامه

رابح وكاسب في زمن قيل ماقال

وصامد ويَفْرَق عن حلاله حرامه

هذا الكلام وباقي الدرس مازال

لو زال لايُمكن تزول الكرامه

-

مازن العوني

.

المصدر: الملتقى الجماهيري للشاعر محمد بن فطيس المري

الله قصيدة جزله صح لسان شاعرنا ولا هنت رشيد للانتقاء الجميل


تحيتي وتقديري وتقيمي

الله الله
على هالسيفونيه العذبه والجميلة
تسلم يا رشيد
قطف رائع ومميز
ودي

اشكركم جزيل الشكر