يافهد ياقمة المجد وسنامه

يافهد ياقمة المجد وسنامه

بسم الله الرحمن الرحيم

أحبتي الكرام السلام عليكم اسعد الله
جميع اوقاتكم بالخير والمسرات يسرني
ان اقدم لكم هذاه المشاركه المتواضعه امل ان
تحوز على رضاكم
ألقصيده قلتها في
(فهد بن مطلق بن زنيفر العجمي)


راكب اللي يوصل السائق مرامه
...............منوة اللي ضاق والمجلاس مله

مابعد حطو على بابه علامه
...................كود لوحاته توضح مصدرله

وسايقٍ لا حاربت عينه منامه
.......................ماتريح لين يقضي لازم له

نوع شاصٍ مثل ذئبٍ بانهزامه
........شاف نور الصبح والشاوي فطن له

كت حسه حس شعفٍ في غمامه
........................في مقاديم المزون المستهله

زودو مع فن تصميمه نظامه
...................من تساوى فوق سيته مايمله

صانعه يرمزله ارهاب وفخامه
.....................تحدتي منه المواتر حشمة له

بعد ما شغل وروح بالسلامه
..........................فوقه اللي كل منهاجٍ يدله

لا فرق خط البويب من الثمامه
..........................وجهته قدام والمنعاج خله

نصه اللي بالنبا شيد خيامه
..................عند ابو مطلق زعيم الطيب كله

قبل اجي واروح يلزمني سلامه
..................منصح له بالسلام وامخلص له

يافهد ياقمة المجد وسنامه
...................ياسعد من شاف من الايام خله

يافرح عين الصديق ويا حزامه
....................ماغوى من حط مثلك محزم له

ياعما عين الخصيم ويا خزامه
...................،انت ياسيفٍ ينومس من يسله

عنوتي للي ينومسني مقامه
...................مكرم إكبار الشوارب في محله

.جيت لك والوقت حاديني عسامه
......................كل همٍ جيت وضلوعي تشله

رحت اسوق الهيم باديار المهامه
.................في ضحاضيح الرياد المضمحله

وردتني مشربٍ تسعين قامه
....................يصدر الضامي واريقه مايبله

لعنبو من يلحق الطيب ملامه
...................ومسند الشكوى لاغير الله مذله

والسلام بداية الهرج وختامه
.....................هاذي علومي وجاك العلم كله

المصدر: الملتقى الجماهيري للشاعر محمد بن فطيس المري

صح لسانك يااالغالي


مميز كاالعادة ربي يحفظك



ونعم المادح ونعم الممدوح


تحياتي وتقديري لشخصك

قصيده جزله
وصح السانك وسلم بنانك ابيات جميله ورائعه
تقبل مروري وتقيمي

صح لسآانك سعيد
أبيآت راااائعة . .
ك العآده عودتنآ على جمآل قصآئدك
ومع إني ماأعرف فهد بس متأكده
إنك ماتكتب إلا برجال كفوو . .
أحلآ تقييم خيوو . والله يحفظك يآارب

صح لسانك

واعتلا شانك

شاعر جزل

مبدع دوم ي ابومحمد

لا فرق خط البويب من الثمامه
..........................وجهته قدام والمنعاج خله

نصه اللي بالنبا شيد خيامه
..................عند ابو مطلق زعيم الطيب كله

صصح الله لسسسانك مبدع ومهو غريبه عليك والله

تقبل مروري خيو

اقتباس وردتني مشربٍ تسعين قامه ....................يصدر الضامي واريقه مايبله لعنبو من يلحق الطيب ملامه ...................ومسند الشكوى لاغير الله مذله والسلام بداية الهرج وختامه .....................هاذي علومي وجاك العلم كله

سعيد دايماً أقولك مبدع وجزل

واليووم وعلى هالقصيده ماراح

أعيد نفس الكلااام تدري ليه؟؟

لأنك ( مجرم حرب في الشعر ) ههههههههه

.. صح لسانك واعتلااااا شانك .. تقييم عزاام باشااااا

صح السانك واعتلى شانك

تحيتي

مشكووور انت مبدع وصح لسانك واعتلا شانك
كماعودتنا على الجزاله والله لايضرك
و ما ننحرم من طرح قلمك الرائع
دمت بخير

اقتباس المشاركة الأصلية كتبت بواسطة فيصل البقمي صح لسانك يااالغالي مميز كاالعادة ربي يحفظك ونعم المادح ونعم الممدوح تحياتي وتقديري لشخصك

فيصل البقمي والنعم فيك وصح بدنك
التميز والابداع حضورك جعلك تسلم
مشكور على حضورك الموقر ولاهنت