ألفيه موجهه للشاعر خالد العبيريد العتيبي

ألفيه موجهه للشاعر خالد العبيريد العتيبي

السلام عليكم ورحمة الله وبركاته
بعد الغياب والانقطاع عدنا اليكم بالجديد على امل ان يرتقي للذائقة
ألفيه موجهه للشاعر خالد بن سهيل العتيبي ولي الشرف في مساجلته

أختج صـدري بخلج ٍ راج مـن عــوجه
فرخ ٍ طمخ بي ألين أفرست من غـوجه
هجـس ٍ تــوجستها طــرب ٍ من أخلوجه
و أولــفــت عما طمــخ بـــي نـــدّر ألفـيه

حرف الألف أدرج المــعنى علـى فــاقه
وأهـــنـــدبه هنـــدبـــــــي وأنوخ الناقه
وأورد على العد لا شفـــــق ٍولا اشفاقه
اذا اكـــثــــر النـــــاس مغلـــوبه ومشقيه

والباء بلا الناس يـــا صاح ٍ ولا صاحـي
بعــض العقــل فــي معـــاملها تبجــاحـي
بسّمل علـــيهــا وخل العـــلـــم وضــاحي
وبـــرّك مـن النية البيضــــاء لـك أمطية

والتـــاء تـلت لي قســـاوس جن عبــرية
تعــبّرت ليـــن قمــت أحــيـــك قــــافـية
وتهـــندمــة من تــوجـــادي على أبـــنـية
تـــوجـــد إللي يـــكن الضــيــم مـــن خيه

والثــاء ثمـل ثــامـله وأثكل على الثـومة
ثلــث ٍ من العـــزم وادمثها عن القوـمه
ثـــلاثــة اثــلاث ما بــاقـــي من عزومه
ثبـــاطهن ثـــبـــط والحـــيــلات عســريه

والجيم جــمـّــة دمـوعـي على الذي قفى
جـــرهــادهـا أوفــا بحالــي يوم ما وفـاّ
جـــيــتـه من أشفــايتي والشـف لا شفّى
جبّته عــوق ٍ ولـــو هــي النفس منهيه

والحاء حيرت الرجل عن طرقة أدروبه
وحـــيــام نفســـي تلد الرجل من صـوبه
حيل الله اقــوى يـا وقت ٍ دار دالـــوبــه
حيثي عن الحـــوج ما طــاوعت رجليه

والخاء خشير الصدر أجــمـالــة اوصافه
خــفــر ٍ عليه الحــيـــا متلحف ألــحــافـه
وخـــشـــف ٍ رعـى البيد حدّرها ونفافـه
وخــصــــر ٍ ليــامــن تعكّف لا رحم حيه

والـــدال دلــــو النهود اللي كما الـركّـز
دون النحــــر نــابــــي ٍ رز ٍ ومترزرز
ودوّك لــــيــــــــانه ليامن حـرّكه يـهتز
دوبــــــه على سنة العشــريـن وشـويه

والـــذال ذكـــّى بروحـي دون لا يسمّي
ذكـــايـــة اللـــي مــاهو مسلم ولا ذمي
ذمـــــة على ذمـــتـــي مـــا يـلحقه ذمي
ذي ذبحــتــه واضــحـه والحـــد شبريه

والـــراء رعــى الله يوم اقبل على فـاقه
رحـــابي الصــــدر والمعـلاق معـــلاقـه
رحـــنــا مـــن العـــام لا عيرٍ ٍ ولا نـاقة
أرواحــت (أمــقــيط) لا هــــذي ولا ذيـه

والــــزاي زمـــّت بــــراسي زمـلة ٍ زمه
زمـــلة ولـــد روق خــــالد بـادي القمة
زيــزوم مطلق حــجــــاج ٍ لا زغل دمـه
زم الثــقــيـلة وســـرّجهـا علــــى أعبيه

والسيــن سيــرة هل الامجــاد يا عتيبه
ســـــلام مــرســـول والطيّب على طيبه
ســقته من الجود واهل الجـــود تدريبه
ســــلالـــة العـــز واهل الصيت والهيه

والشين شـــفــق العلوم اللي على بالي
شـــفــنا هـــل الشــــعـر رجليه وخـيالي
شـــعر ٍ كمــــا الما قـــراح العد وزلالي
وشـــي ٍ تهم هــــــاجته عكـــرّ بصافيه

والصــــاد صلى بنا شــرق ٍ عن القبلة
صــــح به تـــرا حلنا ما هوب من حله
صمنا على مــــاش من جله ومــن قله
صــبــراً عليــــهـا ولــكن مـاش قدريه

والضــــاد ضعـــنا وضيّعنا مع ضاده
ضعفين يا ضعف ميتّها مع احـــــاده
ضعف ٍعلى ضعف والسبه من ألحاده
ضـــمة عــلـى قـــو تغـــريــب العقيديه

والـــطاء طويت الجرايد طويت المكره
طــلّــي يــــا عيني عليها طلـّـت المّكره
طــــعنا من أعــلام وأعلام ٍ بـــها نكره
طـــلبتك يــــــــا الله مــن غزو ٍ علانية

والظـــاء ظــمــينا وجينا نلهث الحاجة
ظــــلنا وراهــــا نـــدج وحـــظــنا ماجه
ظــلــم ٍ تكّـــسى بجـــوخ ٍ حرّضه تاجه
ظـــل ٍ وظــلــمة ونـــــار وجـمرة ٍ حيه

والعين علمي وعلمك مــن هل الكرسي
عظمين في كفــها ولحم ٍ على الطـرسي
عيب ٍ من أعــيابـها لا شك هــــي نفسي
عــــلامـــة ٍ فـــي نــــواصــيها النزيهية

والغين غـــــرّت بـــنــا بكـــثر التبـساطي
وغـــزه وعـــمّـــان إلين أم التــــربـــاطي
غــــدق ٍ علـــيــها بزمــزم حيط وحياطي
غــــيـــر الله اللـــي كـــفـــيل ٍ جل واليه

والـــفاء فــريــقــين لا شيـــعي وشــيعيه
فــــرق ٍ علـــيــــها لــــها بــالــحكم سنيه
فـــبــراكــــة ٍ وأضــحه وأذنـــاب غـربيه
فــــــال الله اكـــبر علـى القــوم العصاميه

والقــاف قــدمـــي وقـــدمك قـوم وقيامـة
قــــومـــيــة ٍ مـــا لها فـــالــديـــن علامّه
قــــبـــيلتــي يـــــا قبــيلي قــوّم القـــامـه
قــلنــــا انـــتــمي مــير للــــدين أنتمائـية

والكــاف كــــرّ الـــطريق ولا رجع غادي
كمـــلت ومـــن هي ضحيتها سـوا بلادي
كـــفيلها اللـــي تســيّد فـــوق الاســـيادي
كــان الله الي نــــكح جــــنــس ٍ بجنسيه

والــــــلام لا حـــول لا حـــيـل ٍ ولا حيله
لــحـّـق بها طــــرّ جيب وشــــيق منديله
لـله مـــا رمـــت يــــا فــــاقــد مـــداليله
لـــك عنـــدي انــي اعــزي وارفع ايديه

والــمــيــم مــد ٍ وجــــزر ٍ بالفكر صافي
ومــرمى الهــدف صايب ٍوالسهم هـدّافي
مــريــــت مما بــقـــلبي قلت به شــــافي
مــرور سفط ٍ على بـــعـــض أعتبــاريه

والــنــون نـــم يــــا قلم علّ الفجر يطلع
نــــــوت ٍ على نوت والمحبر له المطمع
نفــتــل عليهــا ومنــــها نــــختم المطلع
وننحر لها من هـــجـــوس الشعر قافيه

والـــهاء هـوا النفس ما يلحق بجدواها
هــيـــل ٍ تهـــايــل بها من سفح فحواها
هــــدم لهـــا كل عــــراويها من اقواها
هــــو ليه يــا نفس مــــا بالوقت ماويه

والـــــواو ويــــلاه يا غشي ويــا طشي
ويني و ويـــن الذي قفى على الطرشي
ودي ولـــو كــــان قــــربنّي من النعشي
وســـّم بصــدره على صـــــدري بحنيه

والــياء يجي للصــــدور البيض مخلفها
يـــوم ٍ عــلى وعــــد ربي حين ينصفها
يـــا الله وش لــي ولــي نفس ٍ وتعرفها
يـــا رب ياللي تغْــفـْـر الــذنــب والسيه

والخـــتــم يـــــا قاف شعر ٍ يـا توّل لافه
تمـــت بـعــــد مـــا تولّف منك مــا حافه
شــاعــــر يـــغنــــي على شفه وميلافه
واولـــف من الـــــولف وألّف ندر ألفيه

وسلامتكم وسلامة نواظركم
عامر صالح ال شنيف

المصدر: الملتقى الجماهيري للشاعر محمد بن فطيس المري

يبو صالح جدّ في قلبي حنين
صحّ صحّ صحّ لسانك مليون
ألفيّه تطرّقت فيها لمواضيع متعدّده وراقيه
وحبكتها حبك وسبك ورواقه عجيبه
أهنّيك من كلّ قلبي يا الغالي
وشاعرنا الراقي خالد العبيريد يستاهل كلّ خير
وونعم به وبربعه ،، أهنّيك من كلّ قلبي يبو صالح
مروري واعجابي اخوووي الغالي
تقبّل مروري وموفور الاحترام
أخوكـ
عبد العزيز الهزّاع

.. درووووب وسكك طويله

رحله شتاء وصيف شعريّه

ارحم ياهوه .. هع

.. عاامر صح بوحك

ننظر الشااعر الآخر العبيريد

ولاهنت ولاهاان منطووقك ولااهاان خااالد والجميع ..

ماشاء الله دافور . .
ماهو شاعر جني هذا هههههه

اتريق عامر ماشاء الله لاقوة الا بالله
وصح لسانك مليون والله
ماشاء الله عليك الله يحفظك يارب
هي كثيره وزادت اللهجه مره صعبه
بس ماشاء الله ابداع والله ومايكتبها اي واحد
الله يحميك يارب

وخالد يستاهل من يوجها له

شآعرنأ عآمر
قصيدة اكثر من رااائعه
صح لسآآآنك وسلم فكرك وبيض الله وجهك..
ماشاء الله عليك شاعر مبدع..
يستاهل ابوسهيل ,,
دمت ب سعادهـ ,

توثيق لابداع شعري لا اكثر

صح لسانك ياعامر ولاهنت وخالد يستاهل
من يسند له وويوجه له

مبدع حينما تحل

عذب التحايا

وعليكم السلام ورحمة الله وبركاته ,,

هلا يابو صالح حياك الله وحي الله هالافيه الفريده ,,

صح الله لساانك وصح قلبك ولاهنت وافي ووصلت الابيات وأتشرف بها طال عمرك ,,

رغم انها جات في وقت ضيق عندي وظروف خاصه لكن بأذن الله تسهل الامور ,,

أنتظرني وأن شاء الله يجيك الرد الي يجمل تقديري لك.

الفيه رائعـــــــــــــــــــه من اخ غالي لأخ غالي صح لسانكـ عامر من جد ابداع مشالله عليكـ الله يوفقكـ يارب
تقيمــــــــــــــــــــــــي للتميــــــــــــــــــــــز المتواصـــــــــل

ٍٍ ما شاء الله الفيه رائعه ٍٍٍ

ٍٍ يعطيك العافيه ٍٍٍ

صح لسانك