جديد غشام

جديد غشام

سلام يانسل الرجال المناعير
ياطير حر ماكرك روس الاطلال
تسليمة تنساق سوق المظاهير
على الذي يفرق عن رجال ورجال
اقولها بالصدق ماهوب تزوير
ويدري بصدقي عالم خافي الحال
سبحانه المعبود كافل عشى الطير
وكافل معوشتنا على كل الاحوال
البارحه منداش ويا التفاكير
وشعيل حمله ماذكر يوم قد مال
وسندت بعلومي على الي كما النير
فيه انتخي وهوه الي برد وظلال
مشعل ولد مفلح زعيم المناعير
بخوته افخر مع كل الازوال
ياصاح ماوالله يجي منك تقصير
بالقيل والا يارفيقي بالافعال
بالصدر فوح مثل فوح المباهير
الي بوسط النار ماهيب بالجال
افزع ترى سحمان في قاعة البير
اما اسعفه والا تعذر بمرسال
واسباب ماهيض جميع المشاعير
عقد مضى وانا على نفس هالحال


القصيده مهداه للاستاذ مشعل بن فلاح الحميداني المطيري

المصدر: الملتقى الجماهيري للشاعر محمد بن فطيس المري