لا يا هوى القلـب المعــنّـا ورجـواه

لا يا هوى القلـب المعــنّـا ورجـواه

[youtube].................................................. ...........لا يا هوى القلـب المعــنّـا ورجـواه
لا تتركيـن أحداً يحّـس بوجعنـا

ما ضنتي أحداً يحمـل اللـي حملنـاه
حنـا خلقنـا والمعاناة معـنـا

الهـم بادرنـا وحـنـا كتمـنـاه
والوقـت شتتنـا بعـد ما اجتمعنا

والصبـر حنـا فالغـرام ابتدعنـاه
لكـن حسافـه صبرنـا ما نفعـنـا

مـا مـر يـوم ببعدنـا ما بكينـاه
ومن ضيقنا كل الوطـن ما وسعنـا

لا من ذكرنا وقتنـا اللـي قضينـاه
صحنا بعالي الصوت ما أحـداًً سمعنـا

للوصل دربٍ مـن عنانـا مشينـاه
وتاليه لـدروب المفـارق رجعنـا

يومن جزعنـا مـن حمول المعاناة
ما أحدًا درى عن حالنـا لـو جزعنـا

أرواحنا تلقـى بعـض فالمناجاة
نبحر وننسى همنـا اللي تبعنـا

مـا واحـداً منـا تنّكـر لمـبـداه
في إحسـاسـنـا ما قد شرينا وبعنا

لو غيرنا زلـت بـه أقدامه وتاه
وأهداف عمره كلها دون معنى

حنا عرفنا الوقـت فأولـه وأتلاه
لو ينخدع به غيرنا .. مـا خدعنـا

ويا نـور عينـي بادلينـي المواساة
يكفـي ترى ممـا دهانـا شبعنـا

أرجوك كفي دمعتك .. واكتمي الآآه
لا تتركيـن أحداً يحـس بوجعنـا

المصدر: الملتقى الجماهيري للشاعر محمد بن فطيس المري

ذائقه مرهفه وطرح مميز
شيله راااائعه
شكرا ضامي الشوق لاعدمناك

والصبـر حنـا فالغـرام ابتدعنـاه
لكـن حسافـه صبرنـا ما نفعـنـا



هلابك ضامي
طرح رااايق يارايييق
دوم ماتجيب الا النادره والمميزه
قصيده تنبض بالإحساس المرهف
تحيااتي

ماشاء الله ذوق
تسلم ضآامي
اختيآار رائع . .
الله يحفظك يآارب

للوصل دربٍ مـن عنانـا مشينـاه
وتاليه لـدروب المفـارق رجعنـا

الله الله على روعة الابيات والاداء العذب ,,

صح الله لسان شاعرها وصح لسان مهنا وصح كلك ياضامي ,,

اشكرك كل الشكر على هالنقل الجزززل ماشاء الله تبارك الله ,,

تقديري ووافر احتراااامي يالقررم .

أختيار جميل ..

يعطيك العافيه

ذوق راقي واختيار مميز وماهي غريبه عليك
الله يعطيك العاافيه


ودي ،،،،،،،

خيي ضامي الشووق
لاهنت وتسلم علي هل شيلة الرائعة بحق
ابياتها خيال وروعه والصوت زادهاعذوبة
لقلبك الورد وتقديري لشخصك المميز

قصيده ذوق

يسلموا

لاهنت على النقل المميز

ومهنا من الاصوات اللي احبها ماشاء الله عليه مميز