قصت غرام .....جديد عيد بن دمخه

قصت غرام .....جديد عيد بن دمخه

على درب العتب ومعاتب الاشواق للعشاق = سرى ليلي وطاروقي يناديلي والبيله
وغنتلي بنات الفكر تعلن خافي الاعماق = تبيّح كل مستورن ربا بالجوف كم ليله
ابعلنها حكايت عشق انا عاشق وانا مشتاق = تحدرت لغرام الضبي واصبحت بمحابيله
عليك الله ياشعري تخفف حمل ماينطاق = وترسم صورة المشتاق وتلحن مواويله
عشقت الجادل اللي نضرته تحبس سنا البراق = ليامنه سطع نوره وأحيتنا هماليله
خرافة وصف أعجوبه من الله ر بنا الخلاق = ولامنه حكّا شلّ الركون بسمع اقاويله
عشقته عشق مثل السيل لامنه علينا راق = وفزو له هل النوق الضمايا شوق ومحيّله
الايامملكة حب ومجنن حب دون فراق = كان الحب له تأثير انا اكبر مهابيله
سكرت بحبه وقلبي من السكره ابد مافاق = الحن له يلحن لي يغنيلي واغنيله
الا ياشعري المحشوّم شق افاق دون افاق = وقله شاعرك قلبه وروحه من مقاتيله
تشرق شمس ثم تغيب ثم تعاود الاشراق = ومجنونك يكّتب شعر مخنوقن بتئويله
ويوسع خاطره طاريك لامن خاطره بك ضاق = ثم يفزّ من شوقه يسامر هاجسه ليله
ابكتب في سما العشاق انا بالحيل له مشتاق = عساه يحن ويلّحّق على باقي مقاتيله

وسلامتكم / عيد بن دمخه

المصدر: الملتقى الجماهيري للشاعر محمد بن فطيس المري

الله

صح لسانك يالغلا قصيده جزله من شاعر
لا يعرف قلمه

سواالجزاله والشموخ

يعطيك العافيه

لك صادق الود~

هلابك ياثامر العنزي

وصح الله بدنك ولاهنت على الرد طال عمرك
لك كل الود والاحترام

عيد مافيك حيله ياعيد .. شاعر كبير وباينه بصمتك من بدايتك في هذا الصرح .. استمتع دائماً بقصائدك واستبيحك العذر بتخزينهاا في مفكرة نوادر الذي احتفظ به .. للقصائد التي تطربني لكي اعود اليها مجدد لكي استمتع واروي ضماي بقصيدك وقصيد شعراء المنتدى كل الشكر لك على هذا المخزون الشعري العظيم .. تقبل مريري واعجابي الشديد .. لك تحيه طاهره كطهرك

هلابك يافيصل

وصح الله بدنك طال عمرك

وانا وقصيدي فداك انا افداك

لاهنت على مرورك وردك

لك كل الود والاحترام

عيد ابن دمخه صح لسانك حتى ترضى

نص باذخ مليء بما فيه من المعاني

يمثل شموخ صاحبه صح لسانك مره ثانيه

حتى ترضى تقبل تحياتي وخالص تقديري

ياهلابك والله ومرحبا ياناصر

وصح الله بدنك حتا تقوم القيامه

والله يبيض وجهك على المرور وترك بصمتك اللي افتخر فيها طال عمرك

لاهنت على المرور

لك كل الود والاحترام

الشاعر بدا بداية فكرية وصار على نفس المنهج بما يصوره ويتدرج في

تناسق القصيدة ويركز على المفرد اللتي تضفي على النص الشروق

وهنا اجد في جميع البيوت التسامي والثقافة العالية وهذا دليل قاطع

على فحوليت هذا الشاعر وعسف المعضلات حتى تكون طايعة فندما

اختار القافية رسم مسار القصيدة بإبداع ورونق جميل وأتقن ذلك فحبك

البيوت وسبك المعنى فالقصيدة اللتي لاتهدف على امر من أمور الشعر اي

من اغراضه لاتسماء قصيدة بل نص مثل مايوجد في الجرايد من انباء

ولكن الشاعر اقدق واجاد وأفاد وكان الابداع حليف القصيدة من بدايتها

الى اخرها بتميز لك الشكر وشاعر مبدع وسجني من متابعينك وأسمح لي

بنقد قصايدك والتعليق عليها لأنها تنومسك وترفع الراس والله لايضرك تقبل مروري يالمبدع كان

هنا سلطان الحجاز

بن دمخه

لاهنت على ماقدمت من ابيات مميزه وراقيه

صح لسااانك وفالك التميز الدائم

لاعدمنا جديدك الراقي

تحيااااااااااتي

اقتباس المشاركة الأصلية كتبت بواسطة عبدالله السفياني الشاعر بدا بداية فكرية وصار على نفس المنهج بما يصوره ويتدرج في تناسق القصيدة ويركز على المفرد اللتي تضفي على النص الشروق وهنا اجد في جميع البيوت التسامي والثقافة العالية وهذا دليل قاطع على فحوليت هذا الشاعر وعسف المعضلات حتى تكون طايعة فندما اختار القافية رسم مسار القصيدة بإبداع ورونق جميل وأتقن ذلك فحبك البيوت وسبك المعنى فالقصيدة اللتي لاتهدف على امر من أمور الشعر اي من اغراضه لاتسماء قصيدة بل نص مثل مايوجد في الجرايد من انباء ولكن الشاعر اقدق واجاد وأفاد وكان الابداع حليف القصيدة من بدايتها الى اخرها بتميز لك الشكر وشاعر مبدع وسجني من متابعينك وأسمح لي بنقد قصايدك والتعليق عليها لأنها تنومسك وترفع الراس والله لايضرك تقبل مروري يالمبدع كان هنا سلطان الحجاز

هلابك ياعبدالله وصح الله بدنك وبيض الله وجهك

ولي الفخر انك تنقد قصيدي وافتخر طال عمرك بهالشيء

ولاهنت طال عمرك على النقد لك كل الود والاحترام