عبدالله الميزاني & عبدالحميد الفهمي

عبدالله الميزاني & عبدالحميد الفهمي

(عبدالحميـد الفهمـي * *عبدالله الميزآني)

عبدالله الميزآني
سلام ياهل الديار اللي عوا من دونها الذيب * * بني فهم موقفين البحر عن ساحل تهامه
اشوف بعض العيون اللي كما روس المشاهيب * * لكن مدري ظفرولا تطيش من الرخآمه

عبدالحميـد الفهمـي
يامرحبا ياهلا ياضيف في حلت معازيب * * والا فهم يالمطيري في جبين المجد شامه
ياجار يثرب عليك الهون مايلحقك تثريب * * مير احمدالله ياعبدالله ليا جات السلامه

عبدالله الميزآني
الروح صيده على شان المنايا و المخاليب * * عسى فهم ماتجيب اخبار عن يوم القيامه
انا ادري إنك مربع في محاجي ضلع وشعيب * * بس اكثر احيان ماتصلح عليك الإبتسامه

عبدالحميـد الفهمـي
الروح ماصــادها غير المنايا و المكاتيب * * ولا القيامه لها يالشيخ عبدالله علامه
حنا نلومك ليا ضليت في صف الأجانيب * * وانته ولد عمنا نبغا نلبسك العمامه

عبدالله الميزآني
انتم دقوناً تواما في الحجاز وروس اشانيب * * واطيبكم اللي يشوف البرق ويطوي خيامه
ماني مصاحبك حتى نص راسك يمتلي شيب * * واليا نحرت الجمل والله لا عشيكم سنامه

عبدالحميـد الفهمـي
حنا دقوناً بعيده عن علوم الشك و الريب * * ماني معاتبك والمكلوم بين من كلامه
العاده الجاهليه ضيعتك من الاصاحيب * * لكن ياللي جلبت شعيل لا تفلت خطامه

عبدالله الميزآني
إليا لقيت الحرار اللي على روس المراقيب * * يروح شاعر فهم يرقد وبقشه في حزآمه
ماهو بدايم تبى تطلع عليك الشمس وتغيب * * والله ولا علم ياقف بك على باب الندامه

عبدالحميـد الفهمـي
يامسبل الثوب لوننصحك عن بعض الاساليب * * تدري ان عود السلم ماهو كما عود الثمامه

المصدر: الملتقى الجماهيري للشاعر محمد بن فطيس المري

إبددددددددددددددددددددددددددددددداع

كل الشكر لك يالمسافر

القرني اشكر لك مرورك

وذائقتك الشعرية..

سوار الذهب علم من اعلام المحاوره والفهمي شاعر كبير
لاهنت يالمسافرعلى النقل وبيض الله وجهك

محاوره جيده