يا سلام الله سلامٍ وجهته مخصوصه

يا سلام الله سلامٍ وجهته مخصوصه

مشاركة آمــــــل أَن تَحـــوزَ على رِضاكم

ياسلام الله ســلامٍ وجهته مخصــوصه = من صميم القلب يحمل في كــفوف الراحه
والسلام اللي بقلبي مجمله وخصــوصه = ارسله للي خذا قلبي وزاد جراحــه
صاحبٍ خلا معاليـق الحشا مقروصه = تهت في حبه وركز في الخفوق رماحه
ودي اجهر به واخاف السالفة مخبوصه = خايفٍ لا طب لي في عالمٍ فضاحه
والبلا لا اتعب وتطلع قنـصتي مقنــوصه = اتخيل واتمنــى والبشـر مرتاحه
وابتــلش في واحد حلقه ثلاثه بـوصه = يمكن انه يذكــر اسمي في قنـاة الساحه
مادرى اني كل بحر في القصيد اغوصه = يحتزم واجيــه واطرح خنـجره وسلاحه
لايســلم كل ليــل بيده المـقـصوصه = يمدح الشاعر ويصبح سارق مسـباحه
اتحاشى لـجل عين الدرة المرصوصـه = واتحرى للعــلوم اللي تزيد افراحه
والسموحه كان باقي السالفة منقوصه = خايفٍ لا طب لي في عاله فضــاحه

المصدر: الملتقى الجماهيري للشاعر محمد بن فطيس المري

ماشآء الله صح لسآنك سعيد
وربي روعه قصيدتك
ابدعت فيهآ الله يحفظك يآرب

صح لسانك ياسعيد

شاعر متمكن


يعطيك العافيه

صح لسانك اخي سعيد شاعر مميز كل
مشاركاتك مميزه يعطيك الف عافيه تحياتي واتقديري
وافضل تقييم لاهنت

صح لسانك سعيد الهباش
ابيات وقافيه جميله تستحق التقيم
لك ودي وتقديري.......

مشاء الله تبارك الرحمن شاعر جزل ونعم
قصيده رائعه من شخص رائع
لاهنت اخوي وسلمت
تستاهل التقييم

صح لسآنك ..وبوحك

قصيدهـ رآئعه

لبى قلبك ، ولبى الجزالة ياجزل ،،،
يامروض الصعب ،،،

وابتلـش فـي واحـد حلقـه ثلاثـه بـوصـه
يمكن انه يذكر اسمـي فـي قنـاة الساحـه
" ههههههههههه" اي والله انك صآدق....

الله يسعدك وينور دربك يالنور بحد ذآآآآآآته،،

يا سلام عليك اخي سعيد ابداع في ابداع

صح لسانك حتى ترضى تقبل تحياتي وخالص تقديري

صح لسانك
تقبل تواجدي