كل ماخاب ظني قلت سجل فدا

كل ماخاب ظني قلت سجل فدا

بسم الله الرحمن الرحيم
هذي ابيات من الجديد اتمنى ان تحوز على رضاكم

والله ان الردى في بعض الاحيان طيب=والدليل الردي جازه بمثله ردى
كم عرفنا وشفنا في زمنا حبيب=قدم عينك حبيب وفالحقايق عدى
كم تهقويت في ناساً وظني يخيب=وكل ماخاب ظني قلت سجل فدى
كم جليساً ليا جاني لسانه لبيب=وأدري انه ليا من شاف كبوه عدى
ازرع الطيب ولالي في حصاده نصيب=أمةٍ يذهب المعروف فيها سدى
من تركني بوقت اللين مثل الغريب=لاشكى الضيق جاني قلت ميده بدى
مايهم العوى للذيب وسط القليب=ومن بغاني عشاء جروة خذيته غدى
الحقايق تراها تستغش وتغيب=مثل عرق الشري مدسوس وسط الندى
فالحوايج ترى ماهو يسرك قريب=وبالمهمه يغيب اللي عليها بدى
موقف الرجل بين فالزمان العصيب=وموقف الخبل مابين الجدايد صدى
ليت كل التجارب قبل وقت المشيب=لجل لاشاب راسي قد عرفت القدى
مايون الالم غير الجريح الصويب=والسكات اعرفه راعيه ماله مدى
المعرفه تجارة وكثرة الهرج عيب=والمزح مثل حرباً لاتزايد هدى

المصدر: الملتقى الجماهيري للشاعر محمد بن فطيس المري

ياهلا ويامرحبا ياهياف السبيعي ارررحب ترااحيب الغلا ,,

صح الله لساانك شاعرنا الجززل وافي وقصيدك مايختلف عليه اثنين سوا جديد والا قدييم شاعر جزل وشهادتي فيك مجروحه يالقررم ,,

كل شكري وتقديري لك وفي انتظار المزيد يالغالي .

الله الله ياهياف السبيعي صح السانك وقلبك ابدعت واجزلت ياغالي
تحيتي لك ومتابع لك دائمأ

الشاعر هياف السبيعي
هلا وغلا فيك يا الغاالي
صح صح صح الله السااانك وعتلا شااانك
ابيااات قسم بالله انها جرح وانها وااافيه كل بيت عن قصيدة معنى ومبنى
لله درك والله لا يضرك
جزل وبحق
تقبل مروري المتواااضع

ماشاء الله
صح لسآنك هايف
قصيده رائعه من شاعر اروع
وهذا مو غريب عليك
ابدعت فيها الله يحفظك يآرب

لله درها من قصيده ياهياف ابداع وربي صح لسانك ولاهنت

شاعرنا المميز هياف السبيعي
صح كلك ولااااااااااا هنت
شاعر يطربني
تقبل تحيتي وتقديري
ترانيم المطر

كــم عرفـنـا وشفـنـا فــي زمـنـا حـبـيـبقــدم عيـنـك حبـيـب وفالحقـايـق عـــدى
كـم تهقـويـت فــي نـاسـاً وظـنـي يخـيـبوكــل مـاخـاب ظـنـي قـلـت سـجـل فــدى
كــم جليـسـاً لـيـا جـانـي لـسـانـه لـبـيـبوأدري انـه ليـا مـن شـاف كبـوه عــدى
ازرع الطيب ولالي فـي حصـاده نصيـبأمــةٍ يـذهـب الـمـعـروف فـيـهـا ســـدى

الله الله عليك..
كلمات روعه ومعنى سامي...
دام طيبك يالغالي..
وصحيت + مودتي...

مشكورين جميعاً على تواجدكم وصح الله ابدانكم واعتذر من الجميع على الرد المنفرد والله اني دوب حصلت فرصه مسافر والله يردنا وياكم بالسلامه

اشكر الجميع