القبول الزين

القبول الزين

.
.

ودي أعلن ما طرا لي ضحى يوم الربوع
استمع للي طرى يا عريب المنسبي

لوّ ماتذبح ذبايح ترى الخاطر قنوع
القبول الزين همي وغاية مطلبي

كلمةٍ زينه على دلةٍ معها قدوع
عندي احسن من ذبيحة ولو كانت ظبي

ساعتينٍ مع النشاما ولا مجلس سبوع
مع كظومٍ وقهوتهم يسويها صبي

من ظما ما جيت يمك ولا من شان جوع
جيت من شان المحبة وما قال النبي

مرحبا لا جيت يمي وانا بجيك طوع
الصداقة نحترمها ولا فينا غبي

زادك النفس العزيزة مع حسن الطبوع
وزادي التقوى النقية وصاف المشربي

طاعة الله واجتهد بالسجود وبالركوع
لا تخلِ ابليس يضحك عليك ويلعبي

-

#شعر//
تراحيب بن سويلم العتيبي

.

المصدر: الملتقى الجماهيري للشاعر محمد بن فطيس المري