ابغى جواب يسد لازم سوالي

ابغى جواب يسد لازم سوالي

تخالفت في داخلي بعض الاثار=واستلهم الشعر الحقيقي خيالي

وانتجت للعالم من حروفي اصدار=ولا نسيت ابث معنى مجالي

شاعر ولكن ما عليه اية غبار=شعره سكن داخل صدور الرجالي

واليوم دوا بالهواجيس واختار=فكره وثور من وراها جدالي

يا ملتقانا لا تبثون الاعذار=واقرو تعابير اللغه في مقالي

انا كشفت حروف والقاب وستار=واعلنت ما في خاطري باحتمالي

للصمت هيبه قبل لا يضرب انذار=وان دقت الاجراس ثار النزالي

شبكت في قلبي للافكار تيار=لما بغيته ثار صوبي وجالي

ما اخص شخص ولاني بهادم الدار=ولا بنيت بجال جرفٍ هيالي

انا تعليت المنابر والانبار=واشعلت حسي فوق روس الجبالي

لني سليل رجال شجعان واحرار=اشراف دايم يحتمون التوالي

اضرب على البيدا ثم اضرب على القار=واقطع معى القمرا شعوبٍ خوالي

واسرح معى مسراح بيحات الانوار=واقول لجزال القوافي تعالي

فياما حلا الدله معى بن وبهار=في عثعثٍ خالي بعيد المنالي

معى رجالٍ تحتمي الضيف والجار=يتواردون العز من كل جالي

ما بينهم خاين ولا فيه غدار=ما غير زمره من قروم العوالي

يطرب لخوتهم هل السيف والنار=لا ثور البارود قامت تلالي

هذا منا بالي ولا فيه معذار=عن لازم اهل الجود واهل المعالي

فكيت لحروف التعابير مضمار=واسرجت لابيات القوافي رحالي

حتى نسجت من المضامين مزمار=يطرب له اهل الغنج واهل الدلالي

انا موردها على كل الاخطار=ما تارد الا للقراح الزلالي

مضمونها يمشي على كل الاعمار=واحساسها يرضي كرام السبالي

حس المجامل يوم جا بين فجار=هل هو يراضي النفس والا يصالي

مديت بحروفي على كل الافكار=وابغى جواب يسد لازم سوالي

المصدر: الملتقى الجماهيري للشاعر محمد بن فطيس المري

الله علييييك ناصر قصيده رااائعه صح لسااانك

ابيات في قمه الروووعه ..

لك ودي واحترااااامي .

صح لسانك واعتلا شانك

قصيده جزله من شاعر جزل

لاهنت على الابداع الجميل

دمت بخير

صح لسانك وانت كفو ياناصر

قصيدة فيها اعتذار والاعتذار من شيّم الكبار وانت كبير

وتفاخر بالنفس وبالشاعرية من حقك طال عمرك

نص جزل ياملك الجزالة

والله وسبعين نعم ياناصر بك وبربعك


وانت ماخصيت شخص مع اني داري انهم بردو الاغلبيه ولاحد فهم المقصود

ويعجبني هذا التفاخر الي فيك والله من حققك شاعر كبير

وانت ياناصر انسان ماتجأمل وهذي اعتبرها ميزه ، ولاكن في هذا الزمن جامله ولا كرهك

غرام نجد صح بدنك

والروعه لا تكتمل الا بمرورك ااختي العزيزه

تقبلي تحياتي وخالص تقديري

الاخ العزيز مشعل الحربي صح بدنك

ولا هنت على الاطراء الجميل والرائع

تقبل تحياتي وخالص تقديري

الاخ العزيز رائد العصيمي

صح بدنك وما عليك زود

ولا هنت على الاطراء والشهاده وسام

تقبل تحياتي وخالص تقديري

اخي العزيز هوجاس

ما عليك زود والله يعطيك العافيه على المرور اولا

ولا اشكك في احد اخي العزيز والمجامل لا يزيد من الشخص

بل يبقى على ما كان فالصراحه تحتاج الى ايضاح

اما الكره فان شاء الله ما يكون هناك كره من احد

فالدعوى قصيد وتعليق على نصوص اما الكرامه فهي محفوظه

تحياتي لك واشكرك على كل حرف هنا

صــــح لسانــــگ ناصــــر
الابــــدااااع وماهــــو غريب
والتميز دائمــــا
قسم قصيدتــــگ تجنن دائما يعجبنيـــے قصيدگ
لكن هذيــے أحــــلا وحــــدهـ
ماشاء الله عليـــگ نــــاصر
الله يحفظــــگ ويحميــــگ يــــارب