إتصال إاللي سواتك عن زياره ,, الشاعر محمد بن فطيس المري

إتصال إاللي سواتك عن زياره ,, الشاعر محمد بن فطيس المري

إتصال إاللي سواتك عن زياره

.................................والزياره من سواتك ماتقاس

ليه لا؟ مادمت شهم وساس أماره

.................................طيب راس وعز ساس وقو باس

قد لك بصدري من الحشمه عماره

.................................موقفك وزيارتك كانت الأساس

موقفك لكسورنا مثل الجباره

................................بث في صدري وفي الشعر الحماس

يايمين اللي تردت به يساره

...............................وياحزاام اللي شكا في الوقت ياس

وياعديم يذهل الباخس شناره

..............................أشقر كن في عيونه لمع ماس

(( مايهد الا ايلا قدهي شراره

.............................لاغدى عند الصقاقير ألتباس

تختلف في الجو لاشافت طياااره

.............................علمها به تحت ويجيها إنتكاس))

ولايشاف الا مع فتحت غماره

..............................صامل ماعين لسبقه قياااس

فيه حزات الهدد قطع وحراره

.............................. بالكفوف اللي سكاكين وفاس

(( وظربته تنبيك وش معنى الجساره

..............................وصيدته دايم تحول دون راس))

وانت مثله بالجساره والنداره

..............................والله انك اخير فعل وخير ساس

انت للتايه مثل نور المناره

..............................وانت مثل الماء على العرق اليباس

وانت لك في قمة المجد الصداره

...................................ولك حما من هيبتك ماهو يداس

في لزومك عدني رهن الأشاااره

..................................دام روحي فوقها جسمي لباااااس

سقت يانهيان في شوفك بشاااااره

.................................وجيت أسوق الشعر يدفعني حماااس



الشاعر محمد بن حمد بن فطيس المري


للمشاهده وتحميل القصيده فيديو وصوت بأمكانكم زيارة قسم المرئيات والصوتيات للشاعر محمد بن فطيس


مع تحيات فريق عمل الموقع

المصدر: الملتقى الجماهيري للشاعر محمد بن فطيس المري

يسعدني ان اكون اول من يرد على هاذا الابداع

صح لسان الشاعر محمد معودنااا على جمال الشعر
لاهنت بو حمد

وجعل من نقلهااا وكتبهاااا ونزلهااا ماتمسه الناار
تحياتي القلبيه لجميع

صح لسان ابو حمد

قصيدة مدح وافيه

بيض الله وجهكم ادارتنا على نقلهااااااااااا

ممتع بن فطيس في كل اغراض الشعر

الله لا يضره

مشكورين يا ادارتنا الكريمه

فديت أبوحمد وقصيده وصح لسانه ولاهنت

صح لسان ابو حمد

شكــرا ادارتنا

صح الله لسان ابن فطيس
ولسانك اخوي
لكـِ خالص احترامي

فريق عمل الموقع .. أشكركم على هذا العطا
وصح لسان الشاعر محمد بن فطيس على هذه الشامخه ..
كل شكري وتقديري لجهودكم الطيبه

صح لسااان أبو حمد
وسلمت أناملكـ على الطرح
كنت هنا
هيض شجوني

صح لسسسسسسسان بو حمد مبدع