ملك شعراء القلطه وشاعر الوطن

ملك شعراء القلطه وشاعر الوطن

هذي محاوره قديمه قبل أكثر من 15 سنه على أول بدايات حبيب العازمي

لفت انتباهي قوة الشاعر حبيب العازمي وصموده أمام الهرم الشعري خلف هذال

رغم صغر سن حبيب في ذالك الوقت

فشاعرنا من اول محاوره له وهو بادي بجزاله وقوه بعكس باقي الشعراء الذين ينشئون من نقطة ضعف ثم يبدؤون في تصاعد

أما حبيب العازمي كان ولايزال يغرد خارج السرب لوحده فهو شخصيه لن تتكرر في شعر القلطه واجزم وابصم بالعشره انه لايوجد الان على ساحة القلطه شاعر نظيره

بأستثناء الشاعر الكبير رشيد الزلامي ولا اعتقد احد يخالفني في ذالك فحبيب العازمي شاعر متجدد

في كل حفله يحضر بمفردات جديده ومعاني غامضه و مختلفه واسلوب يجذب الجمهور ويجعله يستمتع ويتلذذ بالمتابعه

وهو من ادخل على شعر المحاوره فن الموال كما ابتكر كثير من الالحان الحديثه والألوان الشعريه المختلفه

وقد قرءات مقابله لأحد الشعراء الكبار يقول فيها ( لو لم يدعو صاحب الحفله الا حبيب العازمي لوحده لنجحت الملعبه )

ويقول رشيد الزلامي ( اصعب بيت وجه للي كان من الشاعر حبيب العازمي )

ومن مايميز حبيب ان جمهوره من جميع القبايل بعكس هاؤلاك الذين لاتتعدا جماهريتهم مستوى القبيله فلله درك يابا فيصل بداءت ملكاً وستبقى ملك


المحاوره جمعت كل من :

الشاعر الكبير شاعر الوطن "الفريق" /خلف بن هذال الحافي الروقي العتيبي
و الشاعر الكبير الشبح ملك شعراء القلطه /حبيب بن دغيم العازمي الروقي العتيبي

وقد كان لقائهم في حفلة المغتره أمام صاحب السمو الملكي الأمير/ فيصل بن خالد



حبيــب العازمــــي


ياخلف هذال جينالك على الميعادي
بعد قلت إن الوعد في حفلة المغتره


اسفرت والخيل قرح والسيوف حدادي
سجها من بطن نجد ليا القرى والحره




خلــف بن هــــذال



ياحبيب خاطري لملاعبك منقادي
لليالي بيض وصدور العرب مستره


كان جوك يالعتيبي للمعاني هادي
من طلوع الشمس حضرصانعين الذره




حبيــب العازمــــي



الليال البيض يزهاها قمرها البادي
والخبير اللي مع الجره يقص الجره


شغل أبراج القناه وصك عنك الرادي
لاتشوش بالقناه الموجه المفتره





خلــف بن هــــذال



كان سارلك ذهيب وفي طريقك غادي
حضر المري ويكفونك عيال المره


لا تزيد الملح وتكدر عليه الــزادي
الحوايج ردها واربط عليها الصره




حبيــب العازمــــي



الذهيبه فالجبل والمشكله فالـوادي
ليت خير المري القصاص يكفي شره


ياخلف ماضاع ريح المسك وسط الكادي
والغشيم اللي يذوق الكحل قبل يذره




خلــف بن هــــذال



قبل صياد الفهود الغافله ينصــادي
ينعثر في ساعة من شمسها محتره


قالوا إنك عام الأول حاضر لك نادي
ياعساك الصبح ياحبيب تعيد الكره




حبيــب العازمــــي


البعير بعير جدي والشداد شدادي
ماعلي من الحسود اللي زمانه غره


كان كل اللي مضى فالمعركه مافادي
يا جماعتنا عتيبــه جربوا هالمـره




خلــف بن هــــذال



لا لا ترفع لي خشيمك ياصغير أولادي
غص بغبات البحر واجذب علي الدره


تلحق النار الفتيل ليافهقت زنــادي
ياغلام امرح ومرح في لسانك مره




حبيــب العازمــــي



اذكر الله ياخلف ماأنته بشخص عادي
مار قل للعازمــي شاعر وللــه دره


كل عمر له مصير وكل ثوب بــادي
وآخر الأيام يبقى الحضرمي والجره




خلــف بن هــــذال


ليش أكبر راس توه في حياته بادي
قدمه الدرب الطويل وحملته مفتره



.

المصدر: الملتقى الجماهيري للشاعر محمد بن فطيس المري

نعم هذوالا عمالقه الشعر من كل النواحي
وهم غنيين عن التعريف
وبيض الله وجهك على هذا النقل

بس حسب معلوماتي ان خلف من قبيله برقا والله اعلم

ارحب ياسنجار ولاهنت على مرورك طال عمرك ووجهك ابيض

وخلف بن هذال بن سمران الحافي الطلحي الروقي العتيبي

اخذ العلم من ابن عمه فزاع المرشدي الروقي العتيبي

وبرقاء بني عمنا وحنا وياهم شي واحد

ياسلام شعـار كبار ولافيهم كلام ومن قبيله وافيه وكفو ونعم فيهم كلهم

وامـا من ناحية مدحك لحبيب فأضنك تماديت كثيرا فهناك الشاعر {علي ابن بلال اليامي} اللذي تحاور معى خلف بن

هذال في الجنادريه ومن بعد هاذيك المحاوره الملك فيصل قال انت الشاعر الاول للمحاوره بس انت ممنوع تلعبها

وكان من ابيات له {انتبه ياخلف ناطحٍ لك جبل0ياجراده كلا النار جنحانها}

وكذالك الشاعر سوار الذهب ابو غازي من الشعار الكبار الفطاحله

وذالك لايدل اني اقلل من حبيب حبيب علم وملك للمحاوره الوقت الحالي بس الشعار كثير المهم لاهنت يافزاع على النقل

شاعرين مبدعين ولهم بصمه واضحه في شعر المحاورة
سلمت فزاع على النقل الأكثر من رااااااااااااااااائع

اقتباس:
المشاركة الأصلية كتبت بواسطة محمد الشريف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ياسلام شعـار كبار ولافيهم كلام ومن قبيله وافيه وكفو ونعم فيهم كلهم

وامـا من ناحية مدحك لحبيب فأضنك تماديت كثيرا فهناك الشاعر {علي ابن بلال اليامي} اللذي تحاور معى خلف بن

هذال في الجنادريه ومن بعد هاذيك المحاوره الملك فيصل قال انت الشاعر الاول للمحاوره بس انت ممنوع تلعبها

وكان من ابيات له {انتبه ياخلف ناطحٍ لك جبل0ياجراده كلا النار جنحانها}

وكذالك الشاعر سوار الذهب ابو غازي من الشعار الكبار الفطاحله

وذالك لايدل اني اقلل من حبيب حبيب علم وملك للمحاوره الوقت الحالي بس الشعار كثير المهم لاهنت يافزاع على النقل




اهلاً وسهلاً بالشاعر الرائع محمد الشريف اسفرت وانورت بمرورك وتعليقك

وأنا لم اتمادى في مدح الشاعر حبيب العازمي ولم اقدم له ربع مايستحق

وأنت ذكرت الشاعر علي بن بلال اليامي ونعم فيه وفي قبيلته

ولكن ابغى اسألك هل هو موجود الان ولماذا يمنعه الملك فيصل من المحاوره

وياليت تزودنا بمحاورته هو وخلف هذال كامله لأنني متشوق لسماعها

بعدين أنا اقول الوقت الحالي لايوجد اقوى من حبيب العازمي بعد رشيد الزلامي

ولو عدنا للوقت الماضي كان هناك مطلق الثبيتي وصياف و المسعودي وخلف هذال قبل يعتزل المحاوره

وشليويح المطيري والمعنا البقمي وغيرهم لكن لحبيب مميزات لم تكن فيهم

وأنا اتكلم عن وقتنا الأن

وعبدالله الميزاني شاعري المفضل ولايختلف عليه اثنان انه من اقوى الشعراء

وهو اشبه مايكون شعرياً بحبيب العازمي لكن ارجع للجميع محاوراته مع حبيب وسوف ترى

الفرق وتلاحظ تفوق حبيب عليه وأنا مستعد اطرح لك محاوراتهم واوضح لك ذالك

تحياتي لك يامحمد الشريف

اقتباس:
المشاركة الأصلية كتبت بواسطة سحابة الطائف [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
شاعرين مبدعين ولهم بصمه واضحه في شعر المحاورة
سلمت فزاع على النقل الأكثر من رااااااااااااااااائع




ياهلا ومرحبا ياسحابه

الله يسلمك ويعافيك طال عمرك

الرائع مرورك طال عمرك

حياك يافزاع ارحب,,

نقل شامخ والله يشفي حبيب ويعافي خلف والشعر ماهوب محصور لاحد يالقرم ,,

وبالنسبه لعلي بن بلال يامحمد اشهد له شهادة حق ياقليل الي مثله في هالوقت الحاضر لكن مظلوم من الاعلام حتى في قصايد النظم قليل مايظهر الله يطول بعمره,,

(تراني لو لحقت على وقتهم هالشيبان كان طيرتهم من الشعر كله ههههههههه)

كل تقديري وخالص تحيااتي لكم يالغوالي ,

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
حياك يافزاع ارحب,,

نقل شامخ والله يشفي حبيب ويعافي خلف والشعر ماهوب محصور لاحد يالقرم ,,

وبالنسبه لعلي بن بلال يامحمد اشهد له شهادة حق ياقليل الي مثله في هالوقت الحاضر لكن مظلوم من الاعلام حتى في قصايد النظم قليل مايظهر الله يطول بعمره,,

(تراني لو لحقت على وقتهم هالشيبان كان طيرتهم من الشعر كله ههههههههه)

كل تقديري وخالص تحيااتي لكم يالغوالي ,




ياعسى فيك البقاء ياخالد الله يسلمك ويعافيك ياشاعرنا القدير

وابشرك حبيب العازمي بخير وعافيه وقبل اسببوع حضر له محاوره في الحجاز

وأنا اعلم ياخالد ان الشعر ليس بمحصور لأحد

ولكن هل تعلم أن الشعراء درجات ؟؟؟

شكراً على مرورك وأنت كفوووو كفووووو كفووووو ياولد عاضي


0