الهوى جوره عظيم ويتعب الرجل الشديد,,

الهوى جوره عظيم ويتعب الرجل الشديد,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله مساكم وصباحكم بكل خير وسرور,,

يقولون ليه ماتعطينا من الغزل وهاذي غزل عساها تجمل بس,,

من هجوس ٍ لانخيته قال حاضر وش تريد=ابدع القيفان والقيفان تاصل للمرادي
اتسلى لابدة ضيقة فوادي بالقصيد=بعد ذكر الله وشكره عالم ٍ خافي فوادي
واسند المكتوب لااحمد خابره رجل ٍ سديد=ماقصر عزمه عن الواجب ولاصابه حيادي
يأاحمد اببدي لك الشكوى وانا منك استفيد=وجه الي طال مشيه فالهوى هايم وغادي
طاح قلبي في هوى بنت ٍ لها طبع ٍ عنيد=تجرح العاشق برمح الهجر وتزود العنادي
وان نويت اصد عنها تضحك بثغرن فريد=وتشر برمش النواظر بعد مرفوع الايادي
وارجع من الشوق مسرع وانهض الحض البليد=ثم مشت عني وقفت ماكمل بالسرع مادي
ااه يااحمد خافقي من صدها ينزف صديد=وانبرا جسمي ولافاده مع الايام زادي
ذااب قلبي وسط صدري مثل ماذاب الجليد=لابدت شمس النهار وضاع نسناس البرادي
الهوى جوره عظيم ويتعب الرجل الشديد=مال قلب العاشق المجروح صبر ٍ واجتلادي
والهواوي خافقه دايم مثل غصن الجريد=يتناحا صاحبه لاهب نسناس وبرااادي

وسلامة نواظركم وقلوبكم,, خالد العبيريد.

المصدر: الملتقى الجماهيري للشاعر محمد بن فطيس المري

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
بسم الله الرحمن الرحيم ,,

السلام عليكم ورحمة الله وبركاته ,,

اسعد الله مساكم وصباحكم بكل خير وسرور,,

يقولون ليه ماتعطينا من الغزل وهاذي غزل عساها تجمل بس,,

من هجوس ٍ لانخيته قال حاضر وش تريد=ابدع القيفان والقيفان تاصل للمرادي
اتسلى لابدة ضيقة فوادي بالقصيد=بعد ذكر الله وشكره عالم ٍ خافي فوادي
واسند المكتوب لااحمد خابره رجل ٍ سديد=ماقصر عزمه عن الواجب ولاصابه حيادي
يأاحمد اببدي لك الشكوى وانا منك استفيد=وجه الي طال مشيه فالهوى هايم وغادي
طاح قلبي في هوى بنت ٍ لها طبع ٍ عنيد=تجرح العاشق برمح الهجر وتزود العنادي
وان نويت اصد عنها تضحك بثغرن فريد=وتشر برمش النواظر بعد مرفوع الايادي
وارجع من الشوق مسرع وانهض الحض البليد=ثم مشت عني وقفت ماكمل بالسرع مادي
ااه يااحمد خافقي من صدها ينزف صديد=وانبرا جسمي ولافاده مع الايام زادي
ذااب قلبي وسط صدري مثل ماذاب الجليد=لابدت شمس النهار وضاع نسناس البرادي
الهوى جوره عظيم ويتعب الرجل الشديد=مال قلب العاشق المجروح صبر ٍ واجتلادي
والهواوي خافقه دايم مثل غصن الجريد=يتناحا صاحبه لاهب نسناس وبرااادي

وسلامة نواظركم وقلوبكم,, خالد العبيريد.



هلا هلا هلا هلا هلا
وعليك السلام ورحمة الله وبركاته
ارررررررررررررررررررحب يبو سهيل
والله عليك يا الغااالي
صح صح صح صح الله الساااااااااااانك وعتلا شااااااااااااانك
ويا لبى قلبك على هالقصيدة الفاخرة حراام انها خذت مابقلبي كله من جزالتها
وليه ما اردفتها برد ابو سهيل
بيض الله وجهك ولا هنت

هلا يابو صالح حياك الله ,,

انت لو تفكنا من الاحراج كان حنا بخير ههههههه,,

صح الله بدنك وصح قلبك وجهك ابيض يالغالي والجزل مرورك ,,

والرد والله ماجاني والا لونه عندي كان نزلته معه,,

كل تقديري وخالص تحياتي لك وشكري لمرورك المضئ.

_

ذااب قلـبـي وســط صــدري مـثـل مـــاذاب الجـلـيـد
لابـدت شمـس النـهـار وضــاع نسـنـاس الـبـرادي


الله عليك
دام نبضك يَ خالد و صح الله لسانك
قصيده جميله الى حد الإرتواء ,

مرحبا ياقايدة الريم حياك الله ,,

صح الله بدنك وصح قلبك وكلك والله لايهينك على حضورك المضئ ,,

تحياتي وكل تقديري لك وشكري .

خالد العبيريد صح كلك ياجزل فاشهادتي فيك خابرها دمها ينزف إلي الان
يالقرم
اعذب الود

صح لسانك ثم صح لسانك ثم صح لسانك

غزليه راااااائعه جداً رغم مافيها من معاناه

الله يلطف بحالك ياشاعرنا والله اني داري ان مانت بصري ههههه

مرحبا يابددر حياك الله ,,

صح الله بدنك وصح قلبك وكلك ولاهنت شهاده منك على راسي من فوق,,

كل شكري وتقديري لك.

هلا فزاع حياك الله ,,

صح الله بدنك وصح الله قلبك وكلك ياغالي ومنت صري هاذي أصرفها ترا مانقبل شيكات ههههه ,,

شكري وتقديري لك ياغالي .

ذااب قلبـي وســط صــدري مـثـل مــاذاب الجلـيـد . لابـدت شمـس النهـار وضـاع نسـنـاس الـبـرادي

الـهـوى جــوره عظـيـم ويتـعـب الـرجـل الـشـديـد . مـال قلـب العاشـق المجـروح صـبـر ٍ واجـتـلادي

مبدددددددددددع استاذ صح لســــــــــــانكـ واعتلى شانكـ وبيض الله وجهكـ قصيده جزله وقسم موغريبه عليكـ تستاهل التقيم ولاهنت