![]() |
![]() |
![]() |
![]() |
|
![]() |
![]() |
![]() |
|
أدوات الموضوع | انواع عرض الموضوع |
#1
|
||||||
|
||||||
![]()
سلام يأهل العز والجود والطيب
يأهل الوفا والمجد يأهل الكرامه رتبت شعري يأهل العرف ترتيب وحقن على الرجال يثبت كلامه حنى وبني شهوان فينا مواجيب حنى وهم مثل الفشق في حزامه جيران خير ولا يجي بيننا عيب في ديرتن للطيب فيها علامه ديرة هل الوقفات يوم المصاعيب ومن ينشد التاريخ يلقى كلامه الديره اللي لاحدتني لواهيب أجي لها من دون شك وملامه أحبها من دون كذبن ولا ريب حبن بني في وسط قلبي خيامه الي يجيها ماتجيه العذاريب يلقى بها رجالن تحب الشهامه ان جيت للشهوان تلقى تراحيب في مجلسن بالطيب عالي مقامه عيال عودن لاحتزم للنواشيب مثل الصقر ليا كفخ للحمامه تاريخهم معروف شرقن وتغريب مثل القمر بالليل يجلي ظلامه وان جيت للهويدي تراهم أشانيب اللي لهم بالطيب ذروة سنامه رجالهم لاقام جاب المكاسيب من روس قومن ماتعرف الرخامه في كل يومن تشرق الشمس وتغيب الطيب يبقى للنشامى علامه يالله يالمعبود ياعالم الغيب تسقي ثرى الديره بوبل الغمامه يارب ترحم من كسى روسهم شيب واغفر لهم يارب يوم القيامه وسلامتكم |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Rss Rss 2.0
Html
Xml Sitemap SiteMap
Info-SiteMap
Seo By RaWABeTvB_Seo