لوحة أشواقي

لوحة أشواقي

كما وعدتكم أحبائي رواد منتدانا الرائع بطرح جديد قصائدي عبر هذا المنتدى المميز فإنني أقدم لكم
قصيدتي هذه وأتمنى أن تنال رضاكم واستحسانكم ودمتم لي بكل الحب كما تحبون وأحب.

سرت بي بارقــة فكــر بخيــال يداعـــب الوجدان
بنــات أفــكاري سهوم(ن) على نفـس(ن) خلاويّه


رســمت أحــلى معانــاتــي بروعـة ريشة الفنـّان
شعــور بداخلــي حرّك جنـون من الهــوى فيّــــه


أترجم لوحــة أشواقــي من إحســاسي بكل إتقان
عسى تحكي حواديـث الغرام وما جـــرى لــيّــه


وقفت أستجمع أفكاري عن اللي صار واللي كان
وبـدت تسـتوضح الصــوره بذهــني كنّــها حيّــه


أنا عاشق رماه الوقت على شاطي الكحل حيران
أســير عيـــون فتــّــانه بنظــرتهــا الــهـــواويّــه


خطيت أخطر بحور الشوق على مركب بلا ربان
وأرى بعــد المدى يقصــر بروحــه مالهــا جيّــه


تلاطــم فيــني أمــواج الغرام الســـاحر الفتــّــان
وخانــتــني مجـــاديفي بــلــوعــة آآآآه مــخــفيّـه


وحيد أنــثر هواجيسي وأزيـد أحزان فوق أحزان
وطــالت بــي مســافات الدروب المظــلمه ذيّـــه


أسلـّي ليــلي بأغــرب قصــايد مــالها عــنـــوان
حــليــل أهل الــهوى دايم قصــايدهم على النيّـه


يقولوا الحـب من نظره وأقول الحب له سلطان
علــى نبض القــلوب اللـي بنـاااار العشق مبليّه


يمـوت أحلى الكلام بصمت إذا تطلب عليه أثمان
ويبقــى خــالــد المعــنى إذا تــوصــف به بنيّــه


وهذي لهفة أشواقي على لوحــة شعــور إنسان
مـــن أول بارقـــة شــمــس الغرام لمــنتهى فيّه


خــلاصتــهـا وروعــتــها بــلمــسة ريشة الفنـّان
"متيّـم عاشــق ومغــرم يناظــر عــين حوريّــه".

المصدر: الملتقى الجماهيري للشاعر محمد بن فطيس المري

خــلاصتــهـا وروعــتــها بــلمــسة ريشة الفنـّان
"متيّـم عاشــق ومغــرم يناظــر عــين حوريّــه".


صح لسآآآآنك ,,,كلمات تفننت وأبدعت برسمها

تحيآآآتي وتقديري .

صح لسسانك
يعطيك الف عافيه
ودي..

ياسلام عليك

فعلآ شاعر عذب وقصائدك سلسة وعذبة

صح لسااانك حتى ترضى

ونبي زود

تسلم يمين قايلها وتسلم يمين كاتبها
جزله من راس جزل والله يعطيك الصحه والعافيه
اعجبتني بحق
تقبل موروي وودي واحترامي وتقييمي

صـح لســانك اخـوي على الابيـات الذوق
وتسلم يمنــاك
لاهنت

أبدعت كعادتك يالشريف

لاهنت والله ولا هان حرفك

استمتعت كثيراً بقراءت هالنص الشامخ

ولا حرمنا والله نبض حرفك

تقبل مروري واعجابي

أخوك ابو مشاري

الشريف

صح لسانك امتعتني بهذي الابيات

عودتنا على الابداع حتى ادمناه لاعدمنا جديدك

تحيااااااااااااتي

صح لسآنك يالسبيعي ..!!
أبدعت فيمآ كتبت ..!!

ملىحظة بسيطة :

اقتباس أنا عاشق رماه الوقت على شاطي الكحل حيران

اقتباس خطيت أخطر بحور الشوق على مركب بلا ربان

الشطرين أعلآه .. كل شطر .. في حرف زآيد ..!!
والنص جدآ جميل ..!!

السبعي ياسلام عليك يابعدهم نص رائع اشكرك عليهاا

تحيات لك يابعدهم

مررت