لا ضاق صدرك وازعجتك الدواكيـك ..!

لا ضاق صدرك وازعجتك الدواكيـك ..!

لا ضاق صدرك وازعجتك الدواكيـك


رسالة إلى مهموم


لا ضاق صدرك وازعجتك الدواكيـك
وقامت همومك وســط صدرك تزنـا

استغفرالله عن خطـاك ومعاصيـك

لــــيـــن ان غيمـات القلـق ينجلنـا



وادفن وسط حدب المحاني بلاويـك

لــــــو قيل لك فضفـض لنـا وبثهنـا



الناس يــــاخــلٍ تلوعـه مشاكيـك

والا شمـوتٍ بــــــــس يشتالهنـا



وانته وش الي من هدومك مجزيـك

تحمـد الله هــــــــــــم غـيـرك مثـنـا



تمشي على رجليـك والله معافيـك

وغيرك على بــــيـــض السرايـر يونـا



كان الذي مجزعك شيٍ بماضيك

ما انته معـدل مايـلاتٍ مضنـا



مثل الرمـاد تحرثـه ليـن يكويـك

تنسى الهمـوم وترجـع تعيشهنـا



يانعمة النسيان وشلـون اجازيـك

لولاك كان النـاس راحـت مجنـا



وان كان همك غيب مقبـل لياليـك

يمكـن تـــوفــــى قـبـل لايا صلـنـا



الله خلقـك وكافلـك مــــــا يخلـيـك

يرزق خشـاش الارض بجحور هنـا



عش بس يومك وانبسط مع بني خيك

ما فات مـات وباكــــــــر بغيـب عنـا



والناس لوتركض بــرجـــلــــك واياديـك

كــايـــــد رضـــــاهـــــم كلـهـم لاتعـنـا



اطلب رضا الله واترك الناس يرضيك

وتـــمـــشــي لــــــــك الدنيـا علـى ماتمنـا



وعن كثرة الروحات قصر خطاويـك

والواجبـات الـــــيــــــا بـدن لاتـونـا



ولسانك حصانـك تـــــفــــكـــه يدهويـك

ولاتسرج خيولك عـــلـــى حساب ظنـا



و الهرج دامك ماسمـــعتـــــه باذانيـك

لا جـاك مــــــنــــــا خلـه يـروح منـا



والامر شاور بـــــه رفيقٍ مصافيـك

قـدام سفـن الــــبــــحــــر لايبحـرنـا



لو كان عرفك حسب ظنـك يقديـك

يمكـن يشـوف امــــــــــور ماشفتهنـا



والراي حلة لغـز مــــــابـــــه تشاكيـك

لو لـه مراميـعٍ لــــــــــــــه يشابهنـا



ومن لايعرفك زين ينظـر مخاويـك

يـوم الطيـور تطيـر لاشـــــباههنـا



اما امدحوك الناس لا حـل طاريـك

والا يـــــقــال الله لا يـــمـــــتــــحـنـا



جربت وانشدني عن الناس وافتيـك

وان كـان ماسدتـك رح خوضهنـا

تجاربٍ ماقلتها لاجـــــــل اوصيـك

هجوس شاعـر بالـــقـــصـــيــــد اطلعنـا


للشاعر : ضيف الله الحصني

المصدر: الملتقى الجماهيري للشاعر محمد بن فطيس المري

ٍٍ صح لسان الشاعر ٍٍٍ

ٍٍ وتسلم على النقل ٍٍٍ

والامر شاور بـــــه رفيقٍ مصافيـك

قـدام سفـن الــــبــــحــــر لايبحـرنـا

الودعاني صح السانك بقمة الروعه والجزالة
يعطيك العافيه

بصراحه القصيده من اولها لاخرها روعه وصصصصصصصصح لسان قايلها ولك مروري وتحياتي وجاري التقيم