البال ضايق والصدر صار تابوت

البال ضايق والصدر صار تابوت

بعد انقطاع اعود اليكم بنص اتمنى يرتقي للذائقه

غنيت من كثر الحزن عدة ابيوت=في كل بيت اشوف دمعي ذرايف
البال ضايق والصدر صار تابوت=والقلب جثه والنصايب نحايف
سكرات موتي نظرته والحلا موت=واطباعه تساوي جميع الولايف
ابو ثماناً لمعها صار ياقوت=والوجه بدراً والجمر فالشفايف
كنه يذوق التوت لومايبي توت=وكنه جفول الريم شارد وخايف
مبسم صغيراً دوب ياكل معه قوت=ظني يذوق من السوايل خفايف
يمشي ومشيه لامشى ينثني فوت=ترجع خصاله لاتلفت نكايف
والعين عين موحشاً سامعاً صوت=قد شاف قبل اشوي والحين شايف
صغير سنه لكن الحب مكتوت=في قلب من حبه يشوف الكلايف
ابعد وعيني عقب فرقاه بتموت=وغيره ابعيني لو جميلاً سفايف
ايوالله انه وسط هالقلب منحوت=ووصفه ابعيني كاملاً بالوصايف
ياليتني للبيب أنهوده الكوت=وادفيه من برد الشتاء بالقطايف
يشدني لاحده البرد مبهوت=ويجعلني ابعنقه كثير اللفايف
قولوله اني في بحر حبه الحوت=واني بغرامه قد رقيت النوايف
كن طعم حبه حنظله وسط بسكوت=مره وحلوه والبسيطه كلايف
غالي ولو يبعد ترى البعد ممقوت=مدامها اسمانه علينا عجايف
قولوله الكوره ترى غيري ايشوت=وانا على انظار الملايين لايف
وقولوا بناء وسط الصدر لجلك ابيوت=مانهد لو جاله بوقته صرايف
وقولوا حنين الوجد لاخالط الصوت=تبني من احزاني عليها نوايف
وقولوا يقول ان مالبسانا لنا ابشوت=مقدارنا بين الرياجيل كايف
ابن البدوا ماصيف بوسط بيروت=مصيافي (أ)من المردمه للردايف
عطوه ماعندي ترى شوفه القوت=وماراح من عمري يزيد الحسايف
وقولوله اني بعده الاوع الموت=وان الدواء عنده عسل هالشفايف

هياف حزمي السبيعي

المصدر: الملتقى الجماهيري للشاعر محمد بن فطيس المري

قولولـه*انـي*فــي*بـحـر*حـبـه*الـحـوت وانــي*بـغـرامـه*قـــد*رقـيــت*الـنـوايـف


صح لسسانتس. ابيات جزله ورائعه.


وي هلابتس من بعد غيبه. نورتي ي الغلا وابدعتي


ودي

ههههه صح بدنك اختي ومدري فيه خطاء بالإملاء ولا خطاء بالنحو واحده من الثنتين ماعنها مجناب
اتوقع اسم هياف مذكر واشوفك تناديني على ان الإسم مؤنث

على العموم صح بدنك والله لايهينك
(( أخوك)) هياف السبيعي

ماشاء الله
هيآف هلآبك والله
وصح لسآنك ملايين ولايكفون
ياويلي تجنن قسم . . ابدعت فيها خيوو
وهذا مو غريب على شآعر مثلك
الله يحفظك ويحميك يآرب
أحلا تقييم + +

ارحب ي هياف يالله انك تحيه وماجابه
جزاك الله خير على هذا الوصف اللي يحرك القلوب هههههع عساني
ماعدم هالبوح صح الله لسانك وشرفني المرور
على هذا المتصفح اللي من تفوح دلال الإبداع
والجزاله تقبل تحيات وتقدير اخوك سعيد ولاهنت

ي مرحبا ي مرحبا بـ اخوي هياف
صح لسانك قصيده جزله
وشامخه بشموخ راس شاعرها

تقبل خالص تحياتي و تقديري

حياك الله هياف
لقد أرتويت شعرا هذا المساء
من أراد الجزاله فليقرأ لهياف السبيعي
نعم شاعر لا أستطيع أن اقول الا ان الشعر لا يزال بخير طالما يكتبه أمثالك
تحيتي وتقييمي وتقديري
أختك ترانيم المطر

ياهلا ومرحبا بـ هيااف السبيعي حيااااااك الله ,,

صح الله لساااانك وصح قلبك وكلك ولاهنت على هذى المعززوفه الرائعه يالقررم وبيض الله وجهك ,,

وصف دقيق جدا ً وجميل ماشاء الله تبارك الله ,,

كل شكري وتقديري لك ووافر الاحتراام يـاغالي .

الله الله الله ابداع فريد وتمكن شعري اكيد صح لسانك يالمبدع لاهنت

قلبكـ خضر يآهيآف
صح لسآنكـ يآلغآلي
نص قمة في آلجمآل
تقبل مروري آلمتوآضع