بعد فرقاك

بعد فرقاك

في يباس الحلوق وفي خضار القلوب=ربط بين العيون وفالجسد تفرقه

حلقي من المفارق جف وهو مغصوب=والغلا لك وسط قلبي بدا يحرقه

فصل القلب حبك للمعاليق ثوب=يوم طيبك سطا ثم عذبه واسرقه

بعد فرقاك عينه فوق خده تذوب=لين سيل على وجهه مسيل اغرقه

كان يجري لجل يلقاك في كل صوب=ما تشوف الوله لك كيف صب اعرقه

لو تمل الصدور ولو تضيق الدروب=دم شريانه النضاح فيك اهرقه

جرعة الحب منك زي شد الحبوب=والحشى يا عميلي صار لك محرقه

ما يورد سوا وجهك بحل الغروب=ثم يسامرك لين الشمس تستشرقه

دق مسمار حبك لا تعب لا نصوب=فوق قلبه تثبت دق بالمطرقه

يطرق الموت لجلك ما يهاب الخطوب=سهم رمشك على قلبه ضرب واخرقه

لكن اسمع خطاب اليوم بعد الرسوب=حبك اترسب وسبب بي التفرقه

المصدر: الملتقى الجماهيري للشاعر محمد بن فطيس المري

ناصر الشريف صح الله لسانك مدى الحياه
قصيده جزله من شاعرٍ لايختلف على جزالته
ثنين تقبل تحيات اخوك سعيد والاهنت

صح السانك ناصر قصيده جميله ومعبره

أتمنى لك الخير والسعاده في حياتك

صح لسانك ياخوي ناصر لاهنت ..مبدع اضم صوتي لمن يجول انها قصيده رااااائعه جدا
ربي يوفجك ..

صح لسانك يا ناصر
مبدع وجزل دووم

صح لسانك ياناصر انت مبدع
لاهنت وسلمت

حياك الله ناصر ,,

صح الله لساانك ولاهنت وبيض الله وجهك شاعر متمكن ,,

خالص تحياتي وتقديري لك .