ْ [ .. العمـر لولا الطيـب وش هو حصيلـه .. ] ْ

ْ [ .. العمـر لولا الطيـب وش هو حصيلـه .. ] ْ

|*
_
السلام عليكم ورحمة الله وبركآته ,
صبآحم ومسآءكم بالمسك والعنبر ,
_
العمـر لولا الطيـب وش هو حصيلـه
والنـاس لولا الضيـق محـدن عرفهـا
**
ومن يتبـع المقفيـن ضايـع دليلـه
ومن لايـروم المرجلـه ماعسفهـا
**
ماكـل غايـه بررت لـي وسيلـه
ماأسـوق رجلـي ليـن أميز هدفهـا
**
إن كانهـا ترقـى لراس الطويلـه
عز الله إني ممسكـن في طرفهـا
**
وإن كانهـا تسلك دروب الرذيلـه
تلقالها غيـري يناحي سلفهـا
**
أمسـي على رجوى الأمـل كل ليلـه
وأقول بكـرا يامحمـد خلفهـا
**
أضحك مع العالـم ونفسي عليلـه
والحـزن خيـم بالضلوع وولفهـا
**
ضـاعت سنيـن العمـر من دون حيلـه
وسيـل الشقـا حلـو الأماني جرفهـا
**
عايش على ذكـرى الليالي الجميـله
ياليـت روحي باقيـه في كنفهـا

*

:: القصيدة مجهولة الشآعر ::

المصدر: الملتقى الجماهيري للشاعر محمد بن فطيس المري

لاهنت على النقل الطيب
تقبل مروري

الله الله

صح ذوقك ي مالك شبيه

رائعه القصيده


لاهنت

العمـر لولا الطيـب وش هو حصيلـه
والنـاس لولا الضيـق محـدن عرفهـا
**
ومن يتبـع المقفيـن ضايـع دليلـه
ومن لايـروم المرجلـه ماعسفهـا


...مالي شبيه

عزالله مانقلت الا الوكاد يملا العافيه

اخترت فأبدعت بجد لاهنت ولاهان منقولك وصح لسان شاعرها

تقبل مروري تستحق التقييم

يعطيك العافيه ع انتقاءك العذب

**
أمسـي على رجوى الأمـل كل ليلـه
وأقول بكـرا يامحمـد خلفهـا
**
أضحك مع العالـم ونفسي عليلـه
والحـزن خيـم بالضلوع وولفهـا
**
ضـاعت سنيـن العمـر من دون حيلـه
وسيـل الشقـا حلـو الأماني جرفهـا
**
عايش على ذكـرى الليالي الجميـله
ياليـت روحي باقيـه في كنفهـا



انشـــهد اختيار موفق ولاتحرمنا جديد طرحك

ويسلمووو يمنآآك ع هيك أختيآآر