يابوي / بقلمي

يابوي / بقلمي

هذا اول قصيدة لي بالمنتدى وهي انفعاليه نتيجة موقف حصل لي اليوم وصراحه ماكان بودي تكون

البدايه بهالشكل لكن للظروف احكاام

احيان تجبرنا انفسنا على ان نقول مابداخلها تلقائيا دون التقيد بالزمان والمكان




يا بوي يالي للعلى هامتكـ فوق

وان عدوا الاجواد لابد تنعد

يا سيد الاخلاق والعرف والذوق

يا صيرمي الجاه والعز والمجد

علمتني يابوي بان الوفا موق


مهما نزف من دمعها مالها صد


ولبستني يابوي من هيبتكـ طوق


وثوب العفاف اللي لو اموت ما انقد


يابوي عذري منكـ لو جاكـ منطوق

والا انت قدركـ يحجب الشمس ويبد

بيض النوايا اتسوقني يمهم سوق

وسود النوايا جاهزة عندهم رد

يومنت ياسربوت دواج في السوق

انا هلي درع الوطن باخر الحد

وان كان ماربوكـ ربعكـ يامطفوق

فابوي خبرة في المطافيق ويسد

له نظرتـ(ن ) تخلي القلب مشقووق

ولو لدها يمكـ قلب مزحكـ لجد

لكني احشم قومته عنكـ واتوق

حيث الحمول الكايده مالها حد

القاع لكـ وانا لي اعلى الجبل فوق


ما تاصله لو صار بحر العرب هند





وسلامتكم

المصدر: الملتقى الجماهيري للشاعر محمد بن فطيس المري

لي عوده

..


لكني احشم قومته عنكـ واتوق **حيث الحمول الكايده مالها حد

/

صح اللهـ لسآنش و طيّب فآلش

؛

بالتوفيق
واصلي مبدعة

علمتني يابوي بان ان الوفا موق

مهما نزف من دمعها مالها صد

ياليت تحذفي اللي اشرت عليه باللون الاحمر حتى ياخذ البيت سهولته ومعناه بشكل صحيح

مبدعه واسسستمري طرح راقي من شخصية راقيه ,,,,,,

صح لساانك ..

ونعم فيك .. وبمن ربآك ..

الله يحفظه لكم ..

سلمتي ودمتي وحياك الله ياهلا ,,

ونعم فيك ونعم في من رباك ,,

صح الله لساانك وصح قلبك وكلك ولاهنت على هذى المعزوفه الجزله ,,

كل شكري وتقديري لك واتمنى اتابع لك غيرها في جميع مجال الشعر .

ههههه


المسامح طيب في هذا الشهر الفضيل .


مبدعه صراحه ملاحظات ماتذكر بحكم انك اول مره تقصدين

لكن صراحه ربط البيوت في الموضوع ممتازه جداً.


ملاحظة. علي العنزي صحيحه واعتقد انه حدث سهواً منك.املائي فقط



اشكرك مبدعه الله يوفقك

ولبستني يابوي من هيبتكـ طوق


وثوب العفاف اللي لو اموت ما انقد


يابوي عذري منكـ لو جاكـ منطوق

والا انت قدركـ يحجب الشمس ويبد

بيض النوايا اتسوقني يمهم سوق

وسود النوايا جاهزة عندهم رد

يومنت ياسربوت دواج في السوق

انا هلي درع الوطن باخر الحد


كفوووووووو ثم كفوووووووو ثم كفووووووو
صح لسانك ملايين مع ملايين يعجبني كذا
ماشاء الله عليك اثاريك مبدعه يارتلوووو
واصلي واصلي ولاتحرمينا جديدك ماعليك من اهل النقد هههه

ما شاء الله عليكي

وصح لساني

والنعم فيك ............كفيتي ووفيتي