كل عام وانتم بالف خير

كل عام وانتم بالف خير

اهنئ الشعب السعودي كافه بمناسبة اليوم الوطني وكل عام وانتم بألف خير وعافيه .. وبمناسبة هذا اليوم الغالي أود ان اقدم لكم هذه المصافحه البسيطه لعلها ترقى لذائقتكم ولو اني عارف ان القصيده ماتوفي حق هذا اليوم ..

بسم الله الرحمــــن من قبــــل الكلام
ابدا بها في كل وقت وكـــل حيــــن

ذا اليوم حديت القلـــم حد الحســـام
بآقطّع اعنــاق الـــورق للمسلميــــن

حــــقٍ علي اداوي اكبـــود الانـــــام
مادامني شاعـــر ولــي جنبٍ متيــن

لعيــــــون قادتنـــــا ورواد الســـلام
باكتب شعـــر يبقى على مر السنين

ســــلام تسليمة وفــــاء في كـــل عام
للمملكــه وشعوبهــــا والسامعيــن

مافيـــه يـــومٍ مـــر من عهد الامــام
عبد العزيز القايــد الحــر الفطيـن

حتى السنـه ذي يآهل البيت الحرام
الا وكنـّـــه عيــد وانتــو شاهديـن

والحمــــد لله عِـــدّ من صلى وصـــام
اللي خلقنا في وطن دنيــا وديـــــن

المملكــه في خيـــر وبنعمـــــه دوام
والشعــب وافي والقيـــــاده طيبين

بغيت ابروزها مثـــل بــدر التمــام
لكن وطنا ويـــن وانا فيــه ويــــن

مهما كتبنــا في وطنـــــا من كـــلام
مايدرك افضاله { قلم بين اليدين }

خلوني اقفل .. يعلم الله ذا حــــرام
اكتب وطن كامل بصفحــه ماتبين

وسلامتكم

المصدر: الملتقى الجماهيري للشاعر محمد بن فطيس المري

يطولني الشرف وانا اول من يمر بكل فخرامام هذه الشامخه الابيه
من شاعرمبدع متمكن بمعنى جزالة المعاني الشاعراميرالشريف
صح لسانك بجد ولاهنت على هذه الدرة الرائعه اخوك ابومشهور

امير الشريف
الله الله عليك وصح الله السانك وموغريب عليك الابداع
ودي وتقديري

امير الشريف يجدد الابداع

ويلامس الخواطر والوجدان بنص وطني بحت

تستاهل المملكه والمليك صح لسانك حتى ترضى

والله لا يهينك ومجمل يا الامير تقبل تحياتي وخالص تقديري

مجمل يالامير ووافي صح لسانك

صح السانك يا يا يا امير كلمات قمه في الروعه


والوطن يستاهل يابعدي شكراً لك

صح لساانك

مبدع وماهي غريبة عليك

الله يديم الامن والعز للوطن

اقتباس المشاركة الأصلية كتبت بواسطة موسى ابومشهور يطولني الشرف وانا اول من يمر بكل فخرامام هذه الشامخه الابيه من شاعرمبدع متمكن بمعنى جزالة المعاني الشاعراميرالشريف صح لسانك بجد ولاهنت على هذه الدرة الرائعه اخوك ابومشهور

يامرحبا بك يابو مشهور .. مرورك يهمني كيف لا وانت الشاعر المبدع ..
صح الله بدنك والله لا يهينك وثق ثقه تامه بأن الابداع لا ياتي الا بتواجدكم .. تقبل خالص شكري

صح لسانك يا أمير مجمل في كل حالاتك
وأنت أستاذ ومبدع في كل ماتكتب والوطن يستاهل الثناء
تقبل مروري ودمت بود

اقتباس المشاركة الأصلية كتبت بواسطة الصقرالجارح امير الشريف الله الله عليك وصح الله السانك وموغريب عليك الابداع ودي وتقديري

صح الله بدنك .. مرورك شرف لي .. لا خلا ولا عدم