محاوره طريفه وغريبه

محاوره طريفه وغريبه

بسم الله الرحمن الرحيم
السلام عليكم
هذاه محاوره بين الشيبان والشباب وهي فكاهيه
اكثر منها جديه امل تستمتعون معها





يقوم بدور الشيبان الشاعر محمد سعيد المسعودي القحطاني

ويقوم بدور الشباب الشاعر حمد ذئب المهان ال فطيح اليامي








شاعر الشيبان الشاعر محمد بن سعيد المسعودي .

ياشـبـاب إسمـعـوا كــل يعـلـم خـويـه// السهل وإتركوا صيد بعالي هضابه
إسمعوا لي وأنا بأهدي عليكم هديه// كلمةعقبهـا العاقـل يحسـب حسابـه


شاعر الشباب / حمد بن ذيب المهان اليامي


أشهـد إن العـزب حظـه عـلـى الأوفقـيـه// من رداة النصيـب أقـرب قريـب حكابـه
أول كــنــت مـعـنــا بـالـيـديـن الـسـويــه// واختلف طبعك الماضي وصارت طلابه


شاعر الشيبان الشاعر محمد بن سعيد المسعودي .
للـمـوده ذهـبـت أبـغـي لـهـا صيرفـيـه// كاتباإلي ليا ماشاف المطرف هقـا بـه
لاتصـيـرون لعـبـه بـيــن هـــذي وذيـــه// مثل خمس البناني فوق سلك الربابه


شاعر الشباب / حمد بن ذيب المهان اليامي
أنــت شـايـب ولا لــك بالـهـوى قوبـلـيـه// عندبيض العذارى العود مايعتنى بـه
إيـتـرقــد ســلاحــه وإيـتـوســد حــذيــه// والعروبي ضوى ثم راح محد(ن)درابه


شاعر الشيبان الشاعر محمد بن سعيد المسعودي .
تـوكـم بـــإم خـمــس وسـلــة الحضـرمـيـه// وان سمع صوتي العشاق نجس ثيابه
بعضـكـم ليـلـة الـبـارح جــرا لــه جـريـه// أنشدوه أيـش جـاه الله يقصـف شبابـه


شاعر الشباب / حمد بن ذيب المهان اليامي

إسمعوا ياشبـاب إن كـان فيكـم حميـه// كل أبونا على الشايب نسوي عصابه
لايــســـوي عـلـيــنــا كـــذبـــة عـالـمــيــه// كل شـايــب كـــذوب مايـفـيـده كـذابــه


شاعر الشيبان الشاعر محمد بن سعيد المسعودي
منكم إلي لزم باليلة الخرمسيـه// عندما ثقل نومه يوم غلق زهابه
أخر الليل ربط بالحبال القويـه// عافته عشقته من *عقـب ذيـك اللبابـه


شاعر الشباب / حمد بن ذيب المهان اليامي

ذاك جـاهـل ولا تـطـري لـنـا مـطـرويـه// عندماطـاح بيـدك يــوم ربــي رمـابـه
والنصف نأخذه منكم صباح وعشيه// وانتحداك لـــو إنـــك كـبـيـر الـمـهـابـه


شاعر الشيبان الشاعر محمد بن سعيد المسعودي .
لـو تحدونـي الشبـان أنــا ماعلـيـه// أخذالحبل والمشعاب عندي حزابه
والله إن أربط الشاطر بمربط حويه// لا لزمته وهو ضاوي لجالي عذابـه


شاعر الشباب / حمد بن ذيب المهان اليامي
لاعدا بك إثنين ويـش حـل القضيـه// ذايغشك وذاك البيت يرفع حجابه
أو تغيّبـت مـن بيتـك تــدور مطـيـه// قدعليكم بـرأس الرجـم منـا رقابـه



شاعر الشيبان الشاعر محمد بن سعيد المسعودي .

ذاك مثل الحصيني والحصيني حليه// وذاك غشـه يعيّـب وجــه رجــل مشـابـه
والحـيـل للحـصـانـي يـاقــلال العـنـيـه// مايذوق العشـا إلا فـي غيـاب الذيـابـه


شاعر الشباب / حمد بن ذيب المهان اليامي

أنت شايـب كبيـر السـن مثـل الحنيـه// كل ماسـمـع لــه هــرج قـديـم هـرابــه
راح وقــــــت الــجــهــل *ياعودويـالـجـاهـلـيــه//حن شباب يعرف الهندسه والكتابه



شاعر الشيبان الشاعر محمد بن سعيد المسعودي .

صـــح انا شــايــب وعــنــدي فــعــول طــريــه// يوم بعض الشباب بددسنه في الشعابه
كــم قطعنـاعـلـى الأقـــدام مـــن جـرهـديـه// وكم هـقـيـنـا بــــدار ان الــــردي مـاهـقـابـه



شاعر الشباب / حمد بن ذيب المهان اليامي

حن شرينا دداسنا من العسكريـه// ويش دخلك بالي مصرفه من جرابه
في أمـان وطمـان وكـل عيشـه هنيـه// اترك إلـي مضـا لاتذكـره صـك بابـه


شاعر الشيبان الشاعر محمد بن سعيد المسعودي

رحت عامين وأرخص لك رقيب السريه// لأهلا بـالــذي مـايـنـدرى عـــن غـيـابـه
فـوق ددسـن وخـدك مثـل خـد الصبيـه// ماحدن غيـر جنـسـه قــال يامرحـبـا بــه



شاعر الشباب / حمد بن ذيب المهان اليامي

شايب بالزعل والغيض صدره حشيه// واقف ضدنا يا الربع ويـش إنعبـا بـه
كـل ماجيـت مـن غربـه عطيـته حـذيّـه// واتداراه ربـــه لـــي يــزيّــن جـنـابــه


شاعر الشيبان الشاعر محمد بن سعيد المسعودي .

أدري إن الـهـديـه مـــن نـوايــا خـفـيـه// مقصدك شرب طفطوف تطارد حبابه
ذاك مــاهـــو بـلــلــي نـيــتــه قـلـبـيــه// من بعـيـد البـشـر وإلا أقــرب قـرابــه


شاعر الشباب / حمد بن ذيب المهان اليامي
مابعد برت فيك وشايفـك بـرت فيـه// صائر ضـدنــا يـاعـمـنـا بـالـحـرابـه
صار كل الشباب إلهم معك مكرهيه// لاتبيهم عـيــال ولاتبـيـهـم نـسـابـه


شاعر الشيبان الشاعر محمد بن سعيد المسعودي .
ودي إنكم صحاح وتنجحون الشويه// بس ياللأسـف ماشفـت فيكـم شعابـه
الطمـع فـي غــلام عـنـده الـنـار حـيـه// مثل حــر يـدسـم مــن غــزاه وهقـابـه


شاعر الشباب / حمد بن ذيب المهان اليامي

أنتهينـا ولـو إنـهـا عليـنـا خطـيـه// عايفينك بعد مسيت حبل الطلابه
بس لاعاد تفضحنا بسبـع اللفيـه// عود لاعاد بـك خـظ تلافـت إركابـه


شاعر الشيبان محمد سعيد المسعودي
تكرهون الشحم والطيب والشاذليه// وطمعت قلوبكم *بمخدر والبلابه
ياهل الشاهي اللي دار بالطوفريه// عقب مكل المضير شلون لذة شرابه

*


وسلامتكم وسامحوني

المصدر: الملتقى الجماهيري للشاعر محمد بن فطيس المري

تسلم سعيد
محآوره رائعه يعني احيانا
الشايب يضحك
بس كانت حلوو
شكرا سعيد ماتجيب غير كل شي زين
الله يحفظك يارب

ياسلام وربي ابداع واشوف ان الولد الشباب تفوق على الشايب ههههه
والله العالم بس ابياته قويــه وردوده

لاهنت يا ابو محمد وبيض الله وجهك على ما طرحت استمتعنا


وصح الله السنت الشعراء الشباب والشايب

ههههههههههههههههههه

محاروه راااااائعه جداً

وأنا اشوف ان الشايب تفوق على الولد ههههه

تسلم يمينك ياولد العود ولاهنت على حسن اختيارك

لاهنت على النقل المميز وصح الله لسانهم على المحاوره

لاهنت يابومحمد على ا يراد لنا هالمحاورة الجميله وصح السانك والسان شعرءاها
وبيض الله وجهك
تقديري واحترامي

الماسه تسلمين اختي من ذوقك الله يطول عمرك
شكرًا على مرورك تحيات اخوك سعيد لاهنتي

محمد الشريف تسلم اخوي كلك نظر
يبعدي شكرًا على مرورك تحيات اخوك سعيد لاهنت

محمد عبدالهادي المري يمتعك بالعافيه
وطول العمر شكرًا على مرورك تحيات
اخوك سعيد ولاهنت