........طبع الحب ماهو كذيّا........

........طبع الحب ماهو كذيّا........

السلام عليكم ورحمة الله وبركاتة

كنت مسافر انا و الوالد الله يحفظه ويطول عمره

وقال عطني من جديدك
قلت له كل قصايدي سمعتك اياها

قال اجل سو ابيات
قلت ابشر عطني 10 دقايق

قال الخط طويل واخذ راحتك
فسويت هالابيات واتمنى ان تعجبككم

تكفى يابوظافر ترا حالتي حال
امشي معك .. والقلب صوب العليّا

غابت مراسيله وبعد الغضي طال
ويلي على وصله ولاهو تهيّا

مقدر على بعده ولانيب محتال
وغديت انا والحزن مثل الخويّا

قله ترا خلّك يوصلك مرسال
ويقول طبع الحب ماهو كذيّا

ماهوب نازل يوم والصبح رحال
تكذب على روحك وتكذب عليّا

اهديتك الخافق وجازيت باهمال
وشويت كبدي من فراقك شويّا

هي واضحه من دون قيل(ن) ولاقال
هذي هي الفرقا ولابه مليّا

تدري يابوظافر ... معد فيه مرسال
ماضن انا وياه نبقى سويّا

وسلامتكم

المصدر: الملتقى الجماهيري للشاعر محمد بن فطيس المري

تدري يابوظافر ... معد فيه مرسال
ماضن انا وياه نبقى سويّا



الله عليكـ ياخوي ياظافر ابداع الله يحفظ لكـ الوالد ويطول بعمره وصح لسانكـ وبيض الله وجهكـ ابيات قمه في الجمال والتميز <ودي وتقيمي لأبياتكـ الرائعه

هههههههه
ظافر العرجاني قافيه وكلمات اثّرت فيني كقاريء
صحّ لسانك أخوووووي ظافر لا خلا ولا عدم يا الغالي
الله لا يحرمنا جديدك القادم
مروري واحترامي
أخوكـ
عبد العزيز الهزاع

مقدر على بعده ولانيب محتال
وغديت انا والحزن مثل الخويّا

قله ترا خلّك يوصلك مرسال
ويقول طبع الحب ماهو كذيّا

حتى كلمة مبدع لا توفيك حقك
اكتفي بقول صح لسانك

وعليكم السلام ورحمة الله وبركاته ,,

ارحب ياظافر حياك الله وحي طاري الوالد ,,

صح الله لساانك وصح قلبك وكلك ولاهنت على هالابيات الجزله ,,

وابد مثل ماقال ,, وقت ٍ حرم غالي على وصل غاليه=يارب تجعل فأخرتنا تلاقي

كل الشكر والتقدير لسموك.

الله الله ... عسى الله يطول عمره بصحه وعافيه ويخليه لك ..

بيض الله وجهك دسمت شاربه بهالشامخه .. كايفه ياظافر ولا تجيب الا الكايف

صح لسانك والله لايهينك على هالتميز اللي مايستغرب منك

فرح الشهري
عبدالعزيز الهزاع
عزف المشاعر
خالد العبيريد
مركاز


صح الله ابدانكم جميع وبيض الله وجيهكم
كلامكم واطراءكم يزيدني شرف يشهد الله

الله لايهينكم على كل حال

صح لسآنك ع القصيده الجزله

الريم كسرتيم



صح بدنك ولاهنتي على المرور اللي شرفني

صـــح لساانك ياظاافر