وقّع حضورك صار حبّك قضيّه ( عبد العزيز الهزاع )

وقّع حضورك صار حبّك قضيّه ( عبد العزيز الهزاع )

السلام عليكم ورحمة الله وبركاته
من أرشيفي أتمنّى تنال على إعجابكم

مَشّيت قلبي في عجايب صفاتك=يا اللي عشانك عين خلك شقيّه
أسرتني وأعلنت قوّة ثباتك=يا قوّ قلبك بسّ هوّن عليّه
من رقّة الكلمة تعاني شفاتك=وتروح لي وتجيبني لِك ضِحيّه
من نظرتك أسّست فيني غلاتك = ومن بسمتك كل المشاعر نديّه
أنت أمنياتي يا منى الروح جاتك=أروح أنا فدوة بها البندريّه
من جا سألني قلت : يا شيخ فاتك=وأقعد أهذري والمعاني خفيّه
محدٍ درى وأخاف تظهر حلاتك=لعيون غيري والعواذل أذيّه
وان قلت لك بآموت تطري وفاتك=وإنّك تموت اليوم وايدك بيديّه
ما ابديت حبي لجل تقفي خطاتك=ابديت حبّي لأن عينك جريّه
ومن جمال الحب رمية عباتك=على عيوني وانبرت كل كيّه
لكن وصالك صار أبخل سماتك=صرت أحترق لك وأحتري منك كل جيّه
هذي علومي يا حياتي و جاتك=وقّع حضورك صار حُبّك قضيّه

وسلامتكم

المصدر: الملتقى الجماهيري للشاعر محمد بن فطيس المري

صح السانك يا عبدالعزيز
وبيض الله وجهك
للامانه قصيده جزله
الشكر لروحك الطاهره
طال عمرك

وعليكم السلام ورحمة الله وبركاته ,,

شاعرنا الغالي عبد العزيز ياهلا ويامرحبا بك ,,

سلمت وسسلم قلبك ودمت وصح الله لساانك ولاهنت على هاذي المعزوفه الجميله بارك الله فيك ,,

كل شكري وتقديري لك ووافر احتراامي وفي انتظار المزيد من الارشيف الاصيل .

عبد العزيز الهزاع
أي جمال رسم هنا من يمناك التي لاتكتب الاالجمال
لنمروتنظره اعيننا وتقراءة بصمت قلوبنا
هتان احرفك لايزال يمطرنا بذوقك وذائقتك
قصائدك مميزة ايها القديرطبت وطابت احرفك
كلك ذوق وردالكون لروح تسكنك تقيم لسموك

الله اكبر يالهزاع صح الله لسانك ملايين
ولاهنت على الابداع شاعر له مكانته بين الشعار
وبين بحور الشعر

هزاع انا زعلان

ولم اكن زعلان عليك بل على الاداريين

اللي ما صبغوك بلون شاعر
الله لايحرمنا مشاركاتك يالجزل
واصل وسوف تجد التميز بعد كل مشاركة

انت راقي لاهنت وصح لسانك

الله الله روعه وابداع لافض فوك شاعرنا
انت تثير اعجابي في اسلوبك
لاعدمناك يالشاعر
عبدالعزيز الهزاع

أبا اوقع حضوووووري هنا للجماااال والأبدااااع والروااااقااان
ارحب شاعرنا العذب
حياك ربي وحي ما جيت به
لله درك ودر هذه العذوووبة صح الله السانك وعتلا شاانك
جزل يا الجزل ومخبور بالجزاااله
واااصل يبو عبدالله انت شاااعر ونصك السابق والحالي تدل على شااعريتك
لا تقطعنا من جمال حرفك
تقبل حضوري المتوااضع اخوك عامر ال شنيف

صح لسآنك ..

ماشاء الله علييك . اذا هذا أرشييفك ..
أكيد بيكون جديدك اجمل .
لآهنت أخوي

صح الله لسانك مليووون عبدالعزيز الهزااع وبيض الله وجهك


نص متكامل جزاله حبك وسبك ومعنى