وجودي

وجودي

وجـودي


وجودي وجد من حاله تعيب وخاطره مكسور
يون الليل ويسامر صدى صوته ..ووناته
وجودي وجد عودً طايح..وماهو يشوف النور
جفوه عياله الي ..عزهم من قبل طيحاته
والا ي وقتنا يلي ...تحسب اننا بدون شعور
تجرعنا المرار ..وقسوة الضيق ومعاناته
على الفرحه تحاسبنا وحن عشنا العذاب شهور؟
على الشكوى تعاتبنا وجرحك زاد صكاته؟
قعدت ارتب جروحك وابعرضها على الدكتور
وجيته يبتسم ثم شافها ثم يبست شفاته
وقلت اش فيه ي دكتور علمني ؟ وانا مقهور
وعطاني نظرة الي ماهي تبشرك نظراته
وعلمني وخليت الخبر .....في بيره المحفور
وكل من جا يقول اشقوم ماجد وين ضحكاته؟
أقول انا بخير وحالي بخير وكذا مسرور
وعايش في سعاده والزمن وافي بمداته
وانا عكس الكلام الي طريته ي سديد الشور
ولكن عيب يشكي الرجل للعربان ضيقاته
وترى هذا الزمن ياصاحبي له منهج ودستور
تغير وقتنا ماعاده يشابه بداياته
قلوب تغيرت ونفوس وايام وليال تدور
والا يارب تستر كيف بتجينا نهاياته
والا يالله انا طالبك تجعل لي مع اهل النور
نور ومسلكً يعكس هوى نفسي ومشهاته
وعيبي كان بي عيب اجعله ياربنا مستور
وعبدك ذا فقير اليك واقبل منه دعواته
وانا في دنيتي مابغا عمارات وغناء وقصور
لان ماحد بيبعث في وسط جيبه ريالاته
انا طالب رضا رَبّي ويرزقني بنات الحور
بعدما يغفر ذنوب الفقير وكل غلطاته

المصدر: الملتقى الجماهيري للشاعر محمد بن فطيس المري

صح لسانك اخوي ماجد
قصيده عذيه وجزله وخاصه في أخر ثلاثه أبيات
ولا هنت على هذا الابداع المميز
ودي

صح لسانك اخوي ماجد

الشاعر ماجد بن خرصان

صح لسانك ولا هنت ابيات جميلة ومؤثرة

تحيتي وتقديري

صح لسانك اخوي ماجد بن خرصان ابيات جزلة

وتسلسل رائع اتمنى لك كل التوفيق والتالق

تقديري واحترامي

صحت ابدانكم ايها الراقين وبيض آلله وجيهكم على التفاعل