خطآآآيا الغرآآآآم ـ حمد البريدي ... - الملتقى الجماهيري للشاعر محمد بن فطيس المري

#1 04-07-2011, 03:20 PM

يامن ذبحت المحاني من غلاك الجموح=مرابطك في خفوقي ليه خليتها
نسيت مفلاك في ضلع الغلا والسفوح=اللي على طارف أضلاعي تخطريتها
فوّحت دلة غلاتك والمشاعر تفوح=وبن الهوى يحيي الأذهان ويميتها
وصبيت لك من بهار الطيب فنجال روح=ونثرت صبة يميني يوم مديتها
أوجعتني وأنت ماتدري لو إنها مزوح=وفهمت وش مقصدك منها وقاسيتها
ياليت جرح الهوى..لحظات عقبه يرووح=ماكان نفسي على فرقآآآك حديتها
عواصف الحزن هدّت من جفاك الطموح=في كلمةٍ لاآآآوصلت إلها ...تعديتها
أسَكّت الحزن فيّ وتنطق العين بووح=حسبي على دمعةٍ لـ رضآآآك هليتها
خلاص باح العزا لو كان قلبي سموح=يا اول وآخر أماني قد تمنيتها
الحب ماهوب غصبآآ تبي تروح روح=ذبلت ورود المشاعر وأنت ماأسقيتها
قد قلت لك والقسى في عين صدك يلوح=حدك معي بالجفا وماكنك أوحيتها
مبدأ المحبة غرام ومنتهاها جروح=هي كذا تجربتها يوم عانيتها
ماكنك اللي عرفته يالغزال الجموح=حيرتني بأربع أشياء ماتهقويتها
حبك..وداعي غلاك..وغيرتك..والوضوح=ماتت من الحزن وألا وين وديتها
إن رحت عنك تجي!وإن جيت يمك تروح=ياتنهي المسأله وألا ترى أنهيتها
كرامتي مالها إلا أستأذنك بالنزوح=فـ إجمع خطايا الغرام وشبّ كبريتها

حمد البريدي ... خطآآآيا الغرآآآآم البريدي

المصدر: الملتقى الجماهيري للشاعر محمد بن فطيس المري

الذين يشاهدون محتوى الموضوع الآن : 1 ( الأعضاء 0 والزوار 1)