احترامي للرجال !!

احترامي للرجال !!

السلام عليكم ورحمة الله وبركاته
صباح / مساء
الخير
.
.
.
.

مع احترامي للرجال اللي تشبّه بـ الرجال
أحدن بها ما قد درا .. ويسلم بها من قد درا

ما دام وصلت للخشوم و لا ورا خشمي مجال
يعني ترا اللي بـ الثرا أطيب من اللي عـ الثرا !!

لا بارك الله بـ الرجال اللي ما تذرا كـ الجبال
صلفن ليا مال الزمن تلقى تحت ظله ذرا

ما هو مثل من تعتزي به قال : يا ولد الحلال !!
عقّب صبين لا نخيته قال قول و لا ترا

الاوّله تلقى الشحم / و الهيل في وسط الدلال
و الثانيه ما تنثني لا يلتفت شبحك ورا

خلك كماه و لا تدون و لا تقول : الحظ مال
مثلك ليا من مال به حظه يحيلوا ابه الكرا

يا صوتي المبحوح جاوبني ابي رد السوال ؟
انا تعبت من السوال اللي فرا ضلوعي فرا

في راسي الكوكب كذا أشياء من رسم الخيال
ماني بـ قايل أغلبه لكن / هذا اللي جرا ؟!

أعباء تثقل كاهلي ما هي بـ للطارف محال
كم شال سمحان الحمل كنه على المتن اشعرا

الصبر .. بنك الاغنياء اليا بغينا الصبر مال
واليا رجعنا للحقيقه كل خلق الله افقرا !!

الروح تتيتم و انا يتيم من بعض الكمال
لله درك يا الشعر سويت حاجه لمن قرا

البارحه شكل المطر مدعاة رؤيه للجمال
ما ادري تبخر ذا البحر و الا عيوني تمطرا ؟!

لكنْ / يا صوت البحر أدري بـ أنك لا تزال
تشكي و انا اشكي مير لله البقى و للهْ البرا

وما دام وصلت للخشوم و لا ورا خشمي مجال
يعني ترا اللي بـ الثرا أطيب من اللي عـ الثرا

المصدر: الملتقى الجماهيري للشاعر محمد بن فطيس المري

صح لسانك ولاهنت وبيض الله وجهك

تقبل مروري

قصيدة من عيون الشعر في هذا المنتدى
سلم فاك يا كريم
لقد عطرت مجلسنا باجود انواع العطور ...
لله دركــ ، واصل وسجلني من متابعيكــ ولي الشرف!
تقييم مستحق!!!

ماشاء الله تبارك الله
ابيات من ذهب لله درك
استمتعت فيها جد ا صح السانك ملاييين
لروحك العذبه شذى ورودي

عبدالرحمن العيفان
أيها القدير ابدعت وتميزت بهكذا رقي بحرفك
صباحك بندي احرف عطرهـ مررنا هنا لتنظرها اعيننا
الف زهر لقلبك دمت بشموخ وتقيمي لسموك

الله عليك ياعبدالرحمن

صح الله لسانك وسلم فكرك وطرحك
يالجزل ابيات مليئه بجزالتها
وغير مستغربه منك

انتظر مايخبئ لنا عبدالرحمن من جزاله

عذب التحايا

و عليكم السلام و الرحمة
صح لسانكـ خوي و علاا شآآنكـ
أبدعت ما شاء الله
دُمت بخيير و سعاادة
تقبل مرووري

مرحباً ب الجميع من .. و الى

صح الله ابدانكم
و شكراً بِ حجم السماء على التواجد المشرف

و لي الشرف هنا معكم

دمت وداً