المؤمن .. يـصدّق .. ليا قـال .. ( والله) !

المؤمن .. يـصدّق .. ليا قـال .. ( والله) !

جنّبت حبّه ما هو القـصد أجـافـيه
جنّـبـت حبّــه خوفــي بيـوم ... فرقــاه!

أنا أحسب ان دربه صعيبن تخطّيه
وهو يحسب ان دربي أبعد على اخْطاه!

كم لي وانا شفقن لشوفه واراعيه
يــرقـب مجـيّـي ... وأتــرقّــب لـقـيّــاه!

يسمع سواليفي وانا اسمع حكاويه
أهم شيء .. إنّـه معي .. دون ما أقصاه!

حتى الغـزل لا جا .. حديثه وطـاريه
مــر و تــعــدّانـــا .. ولا ( كَــنْ ) شـفـناه!

الحـب يجمـعـنـا .. ولـكـن ! نـخـفّيه
كــلّــن يخـاف .. ضروف راعيــه .. تجفاه!

الله كـتـب حـبّـه بـقـلبي .. ولا أبديه
وآمـنـت .. باللي يكتـب الله .. ولا أعصاه!

والا إنّـه .. بقلبي .. ولا سامـعن فيه
ولا خــذا قلـبي مــن البيـض ... شـرواه!

حـبّـن سـكـن قـلـبي ..وثـبّت عراويه
بـمـوت .. قـلبي مــا نـسـى يـوم ذكراه!

والله ولو يدري .. قـبل مـا التقـي فيه
اش صرت من بعده .. وقلبي وش أضناه!

ما قال .. ( حبّك زايفن) .. مـنـت ناويه
مــغـيـر .. (تجبر خاطـري ).. واتّـحاشــاه!

ما يظـفـر المخلوق .. لا خاف مـاضيه
ولا هــو بــداري .. وش مـقــاديــر دنيـاه!

لا تقول لي(واشلون) .. وأقولك (ليه)
اغـفـر خـطـاي .. وقـلـبـك اغـفـر خطاياه!

(والله) .. ما يلحقك مـنّي .. مشاريه
والمؤمن .. يـصدّق .. ليا قـال .. ( والله) !

قلبن يحـبّـك .. طــالـبـك .. لا تـخلّيه
مـدام قـلـبـك .. حـب .. قـربـه .. ولامـاه!

ناظر .. وشف واشلون ضحّى لغاليه
مــا قـلّـت عـزومـه .. عـلى كثر ما جاه!

فهد الهباش!

المصدر: الملتقى الجماهيري للشاعر محمد بن فطيس المري

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

وانا اقول والله ثم والله ثم والله وانا صادق انك مبدع

وشاعر وتسلم يمينك حروف وكلمات

من ذهب الله يعطيك العافيه ولا هنت يا فهد [ تقبل مروري ].

ٍٍ صح لسانك ٍٍٍ

ٍٍ قصيده رائعه يعطيك العافيه ٍٍٍ

صح السانك مبدع من جد رائعه
راقت لي كثير
تسلم وسلم بوحك
شاعرنا المبدع

تقييييمي اقل ماتستحقه مني
لروحك العذبه شذى ورودي

فهد الهباش

أخي القدير كلمات رائعة واحساس جميل عذب
وصدق من بوح من القلب
سلم فكرك وعلو قلمك دمت برقيك
تنحني الابجدية امام هذة الاسطرك بحر لامدي لة
ولروحك ليلك وكادي تقيمي لسموك

مخاوي الدروب
صح بدنك ويسلم راس عود رباك
الشرف لي بمرورك يالأجودي!

روابي
صح بدنك وتسلمين اختي
حفظك الله

صح لسانك يابن هباش

القصيدة تحمل روح جديدة في غرض الغزل

نظامها معقد الترتيب

تدل على تميز شاعرها

كم لي وانا شفقن لشوفه واراعيه
يـرقب مجيّي ... وأترقّب لقيّاه!
يسمع سواليفي وانا اسمع حكاويه
أهم شيء .. إنّـه معي .. دون ما أقصاه!
,,
,,

الحـب يجمعنا .. ولـكـن ! نخفّيه
كــلّن يخاف .. ضروف راعيه .. تجفاه!
الله كـتب حبّه بقلبي ..ولا أبديه
وآمنت..باللي يكتب الله..ولا أعصاه!
,,
,,

ناظر .. وشف واشلون ضحّى لغاليه
ما قـلّـت عزومـه .. عـلى كثر ما جاه!



وعليكم آلسلآمَ والرحمةَ ..
يَ حياك الله يآ الشيخ والحمدلله على السلامةَ .. وهنيئآً لِ مملكة ال فطيس بكَ
ومن طولّ آلغيباتْ جاب آلغنايم .. والنص آلرائع آلفخم اجمل مَ كسبناه منكَ بعد آلغيبة
شاعر وقلم منْ ذهب .. لله دركَ من قديرَ ..
تحيتي .. تقييمي..

ماشاء الله . صح لسانك فهد
وهلابك من بعد غيابك
ابيات رائعة من شاعر اروع
الله يحفظك ويحميك يارب