عسى الله مايطول ضيقة الخاطر على بالي

عسى الله مايطول ضيقة الخاطر على بالي

على مفرق بدايات الجروح ودمعة المقهور
عرفت ان الزمن لا شان وجهه ماتت آمالي

أشوف الحزن ماخلا على وجه البسيطه نور
اجر الصوت واغني على جرحي وترحالي


اوسع خاطري وادري تضيق من الهموم صدور
وعسى الله مايطول ضيقة الخاطر على بالي

على كثر اتجاهات الوسيعه مالقيت عبور
اشوف الكون بعيون الجريح وغربته جالي


على كثر المواجع والأسى ياحظي المعثور
امني خاطري واضحك من همومي على حالي

اخفي بعض مافيني وبعضي لاحكى معذور
مادام العمر ماوقف على حزني ولا اطلالي


انا ماألوم اغصان الشجر لا ودعت عصفور
مادام العش ذكرى وش بقى للريح تغتالي

على حر المشاعر وش بقى يا صدري المهجور
نساك الود وعروقك جفاف(ن) مالها والي

تمادى الليل بعيون السهر يالخاطر المكسور
وانا مملك من الماضي سوى همي وغربالي

مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالي


يطول الصمت ماحرك على بيض النوايا سطور
و انا مهما تناسيت الزمن لابد يطرالي

المصدر: الملتقى الجماهيري للشاعر محمد بن فطيس المري

إلى أين هذه الرحلة شاعرنا عسى ما تطول ضيقة الخاطر على بالك
أتمنى مايمر عليها حزين وتزيده ألم " تحياتي وتقديري لك أخي

يطول الصمت ماحرك على بيض النوايا سطور
و انا مهما تناسيت الزمن لابد يطرالي

يسسلمو أخــ.ــوي هداج .ع. ألـأبيـ.ـأت ألرآقيــ.ـه ...

ويع ـطيـكـ.ألـ؛ـف عـآفي ـــه .ماقدمت..

والله . لـا يحرمنـ.ــأ جديدك،...

تقــ؛ــبل زيـ.ـأرتي ,,,

ابيات رائعه

اسال المولى عز وجل ان يبعد الضيق عن الجميع يارب

يعطيك العافيه

لاهنت وبيض الله وجهك

كل الشكر والتقدير لكل من شرفني بتواجده في متصفحي
لاخلا ولاعدم

الله يعافيك ي بعدي ,,
أمتناني *