المردود على شاعرنا عبدالله السناني ,,

المردود على شاعرنا عبدالله السناني ,,

بسم الله الرحمن الرحيم ,,

السلام عليكم ورحمة الله وبركاته ,,

اسعد الله صباحكم ومسأكم بكل خير وكل سرور وسعادهـ ,,

اضع لكم ابيات وهي رد على عبدالله واسف على تخير الرد الذي كان ليسى مقصود بل سبب الظروف والابيات ماشفتها ودققت فيها الا الييوم لكم الرد وعسى ان ينال اعجاب شاعرنا واعجابكم جميعا ولكم وافر الاحترام والتقدير .

ابيات عبدالله السناني ,,

من منطلق فكري وتاثير الازعاج=ايسوقني هم(ن) على الطايله سوق
هم(ن) على الخافق له ايام وهاج=بين الحنايا يشره بدون مصدوق
قلت استمع ياهم واعطيك منهاج=الصبر زين وكل مطرود ملحوق
اربع شهور اضحك معك فلّة حجاج=واليوم تظلمني وتطلبني حقوق
علاقتي صارت معك سلك ديباج=وليا قطعته تبشر بضربت العوق
بعطيك قصه وانت صوّر ف الانتاج=لجلك خبير وعارف الفن والذوق
بعطيك قصة شيخ حطو له التاج=حطو عليه التاج والتاج مسروق
شيخ(ن) خسيس وقلبه اسود من الصاج=والناس تضحك له على غير منطوق
اليا هرج قالو محنّك وهراج=وهوه بوقت الجد طايش ومصفوق
حط الصحيح بدرج والكذب ف ادراج=ولا فيه شك الغش في داخل السوق
سفينته يلعب بها صفق الامواج=شدد شراعه لاكن الباب مشقوق
بينه وبين المرجله سد وسياج=عينه على رجليه ماترتفع فوق
لو طال لابده لنا يوم يحتاج=ونذوقه من ريحة الملح مسحوق
اعطيته المطلوب واعطيته الصاج=ماني من اللي هاب له شخص مخلوق
عندي حقايق لاكن الطيش ماحاج=ادرا دموع العين لاتجرح الموق
من بير ابن هرماس لاعد هداج=راع الشواوي مالقي مرتع النوق
هذا كلامي كنّه الموج لاهاج =ينصى طويل العمر خالد ولد روق

المردود على عبدالله ,,

يالله ماغيرك انا ارجيه محتاج=في ساعة ً مابين وافق وموفوق
يامبدل ٍ بالضيق والعسر الافراج=لامن دعاك العبد فالضيم مخنوق
افرج لقلب ٍ من عذاب الزمن لاج=همه على صبره تمزع به اعروق
يومي كما طير ٍ بكبد السماء راج=يومي به الغربي على كل مرهوق
ساعة تركت الشعر والبوك والزاج=يوم انطرب للشعر صاحي ومطفوق
احدن رقا بالجزل في روس الابراج=عينه على الجزلات مع كل مرموق
واحدن يجر الصوت في كل الافجاج=احرق فنون الشعر من قلب محروق
والي غدا همه على فكره ازعاج=اهلا ً هلابه ياعسى فاله يفوق
اعداد من يلفي على البيت حجاج=وعداد مايبرق من الوسمي بروق
هذى وانا ماني بداله ولاساج=احلل الكلمه على كل طاروق
اثرُك راوي بالروايات لاجاج=تاخذ وتعطي مير منته بموفوق
انا معك ياشيخ والحق ينباج=نور ٍ على جنح الدجى صار محدوق
لي موقع ٍ مايقربه كل دواج=شيد على النوماس والتاج مدقوق
لاشك درب العدل ماهوب منعاج=ودرب الردى ياهيه ماهو بموثوق
والي سواتك دونه القفل ابو تاج=عيبه على طرق ٍ مع القيل مطروق
تلعب به الاوهام والبال صرناج=واصبح كما عاشق وللبين معشوق
هذى وانا بالحق والحق ماماج=سلم ٍ لنا ماهو على سلم فاروق
نقطع صليب الراي في كل الافواج=والعز بالله خالق ً كل مخلوق

وسـلامة نـواظركم وقلووبكم ,, خـالد العبـيريد .

المصدر: الملتقى الجماهيري للشاعر محمد بن فطيس المري

عليكم السلام والرحمه وسلمت من كل شرومكروه
وصح لسانك يبو سهيل وفيت وكفيت
جعلك تسلم وصح لسان عبدالله كلكم مبدعين
وشعراء فتل ونقض وفالكم التوفيق تقبل
تحيات وتقدير واحترام واعجاب اخوك سعيدوالاهنت

مرحبا يابو محمد حياك الله ,,

صح الله بدنك وصح كلك وقلبك ولاهنت ياغالي ولاعليك زود طال عمرك ,,

كل تقديري وشكري لك على حضورك المضئ وتعليقك العذب طال عمرك ,,

خالص تحياتي ووافر احتراامي .

صح الله لسانك ياخالد وبيض الله وجهك رد وافي ومن راس وافي لاعدمت ذا الراس يبو سهيل
شاعر ولك موقعك بيننا ولا يمشي على ذا الراس علم سلملي على راسك السلام الكثير

اررحب يالشريف ,,

صح الله بدنك وصح قلبك وكلك وجهك ابيض ياغالي ولاعليك زود عسااك سالم من كل شر ,,

كل تقديري وشكري لك ولحضورك المضئ وتعليقك العذب ياشاعرنا الغالي ,,

وافر احتراامي وخالص تحياتي لك .

صح لسانك وبيض الله ودهك أخي خالد لآهنت رد واااااااافي وكاااااافي

حياك الله يالسناني ,,

ودهك ههههههه هاذي وشو جديده مامرت علي قبل ,,

وجهك ابيض وصح الله بدنك وصح قلبك ولاهنت ياغالي ,,

كل تقديري وشكري لك وخالص تحياتي .

خالد العبيريد
وعليكم السلام ورحمة الله وبركاااته
حيااك الله وحي قصيدك الجزل
صح الله السانك يا خالد ردك وعلمك غااانم
والقصيدتين قمة الجزاااله والمعنى والمبنى
مدرسة نستفيد منها لا حرمنا هالوجه يالغااالي
وفااالك السعد يا القررم
تقبل مروري المتوااضع

اررررررحب يالشنيف حيااك الله ,,

صح الله بدنك وصح قلبك وكلك ولاعليك زود طال عمررك ,,

انت شاعر وعلم من اعلام الشعر وفي غنى عن كلامي لكن فيك تواضع دايم طال عمرك ,,

كل تقديري وشكري لك وخالص تحيااتي .

هــذى وانــا مـانـي بـدالـه ولاســـاج ,,,,,احـلـل الكلـمـه عـلـى كـــل طـــاروق

قول وفعل صح لسانك وسلمت بنانك لاحرمنا تواجدك