مجاراتي لـ : إعلان لّلي ما بَعَـد جَـرَّب الحبّ

مجاراتي لـ : إعلان لّلي ما بَعَـد جَـرَّب الحبّ

بسم الله الرحمن الرحيم

اقدم لكم اليوم وحدة من أول القصايد المتواضعة جدا اللي سويتها و السبب قراءتي ومجاراتي لأبيات للمبدع محمد بن فطيس المري و نشرتها سابقاً على صفحتي الشخصية في الفيس بوك و حاولتأاعرضها على بوحمد يوم جا دبي السنة و عام لوّل و طبعا و بدون شك القصيدة ما ترقى لمستوى أو ربع مستوى بو حمد و اسمحوا لنا على القصور اللي فيها
القصيدة و هي مجاراة من بوحمد لأبيات سمعها تقول :

اعلان للي مابعد جرب الحب *** يترك طريق الحب قدر استطاعه

فيه الهنا ياتيك ساعه ويذهب *** وفيه العنا ياتيك في كل ساعه

رد ابن فطيس عليها وقال :

اعلان للي مابعد جرب الحب *** يسلك طريق الحب بس ابشجاعه

فيه الوفاء والغدر والصدق والكذب *** وفيه الفراق وفيه شوق اجتماعه

حظك على حظك تشجع وتجرب *** ان صبت ولا غير تاخذ مناعه


و ابوه الشاعر حمد بن فطيس رد رد إضافي وقال :

اعلان للي مابعد جرب الحب *** يترك طريقآ مايجوز اتباعه

معا الرجا والخوف والياس والذنب ***لو دام وصله ماومنت انقطاعه

شين غريب ايشاع في الشرق والغرب *** ترك القلاعه واتباعه قلاعه
و الأبيات كلها فهالتسجيل الصوتي
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

و أنا بدوري كتبت قصيدة كاااملة على نفس المنوال أتمنى تعجبكم رغم تواضعها أقول فيها :-

إعلان للّي ما بَعد جرّب الحب=احذر تراه لكل قلب استطاعه


نصيحة إذا كان ودك تجرّب=الحب ميدان(ن) شديد(ن) صراعه


كلّن ولَه فالحبّ مَسلَك ومَذهب=والخير بَه والشّر تاتي ربَاعة


قلب(ن) خلي ماهو بيكره ولايحب=وقلب(ن) مجرّب فالهوى طول باعه


دايم على الغالين ماهو بيكذب=يبذل ويتعب والأوامر مطاعة


يحفظ مقام الحب لو هو معذّب=لو قال خلّه عطني العين طاعه


له فالهوى صولَة وجولَة ومَلعب=جرَّب ومارس واحترف هالصناعة


حسّاس وافي ما يماطل ويلعب=لكن همومه فازدياد وشناعة


يذوق كاس المر والقلب يتعب=ولبعد خلّه ما يروم استطاعه


يَبكي ويَشكي وما لجَرحَه مطبّب=كانَّه شقيق الحزن واخو رضاعة


ما نال مربوح(ن) ولا فادَه الحب=حتى حبيبَه مادرى بالتياعه


وقلبٍ ملوّن كل يوم(ن) وله حب=الحب عنده لعبة(ن) أو بضاعة


يبيع ويشري ثم يدفع ويسحب=ويلعب على الحبلين قدر استطاعه


ينسى حبيبه ثم يجافي ويعتَب=وان كان ما يَرضيه يشرَع شرَاعه


ويفارق الغالين حتّى بلا ذنب=ومن البداية خاطره فالقطاعة


هذا ولا له فالهوى شرع(ن) ودرب=و اَخير من وَصله لخلّه وداعه


هذي دروب الحب سالب وموجب=حب(ن) وفيّ وحب ينسى فساعه


فاقول للي ما بعد جرب الحب=الحب له في كل هاوي فظاعة


لا تبتلش وابعد وحاسب وجنّب=واترك طريق الحب وانسى متاعه


أحسن تعيش بدون قلب(ن) ولا حب=الحب مابه فايده فاتباعه


واعرف إذا قلبك شرا الماي أو صلب=واحذر تراه لكل قلب استطاعه

وسواااااااااااااااااالم ^^ و اعذروني على القصور يا الربع
و أتمنى القصيدة تعجبكم


by:unique brilliant

المصدر: الملتقى الجماهيري للشاعر محمد بن فطيس المري

ومن قال يســـــــلم ..... صح لسانك واعتلى شانــــــــك ..لاهنت على القصيده الجزله
أبدعت وربك .. من أجمل واروع القصائد اللي قريتها في هالصرح ... نهني انفسنا بتواجدك بيننا شاعر مميز وقادم بقووه ..

كل بيت أجمل من الثاني للامانه .

فاقـول لـلـي مــا بـعـد جــرب الـحـب
...الحـب لـه فـي كــل هــاوي فظـاعـة

لا تبتـلـش وابـعـد وحـاسـب وجـنّـب
....واتـرك طريـق الحـب وانسـى متاعـه

تستاهل التقييـــم .

تحياتي .

اختي : الهوَى
صحّ بدَنج و عساج ما تهونين
الروعة مرورج الجميل و إشادتج اللي أعتزّ بها و أفخر
مشكورة على التّشجيع و لا شك ان الفخر لي و المكسب لي بتواجدي بين مبدعين و مثمّنين للشعر الراقي مثلكم
و الدليل تواجدكم في منتدى أشعَر و أروع من ينظم الشعر في عصرنا و بدون منازع حسب رأيي : محمد بن فطيس

صح لسااانك الله لايهينك ابدعت بالوصف والتركيب

ننتظر جديدك

صح لسانك أخوي على هذا النص الجميل ..


وسيتم نقل الموضوع اخ ِ العزيز الى قسم المنقول لحين تغيير معرفك الى الاسم الحقيقي ..

ولمخالفة قوانين هذا القسم .. ولحفظ الحقوق الادبيه ..

نعتذر منك مره اخرى ..وبأمكانك طلب تغير المعرف عن طريق قسم بريد الاداره


وسيتم أعادة الموضوع الى قسمه الاصلي ..

تقبل مروري العطر


أبو مشاري

اقتباس المشاركة الأصلية كتبت بواسطة رائد العصيمي صح لسااانك الله لايهينك ابدعت بالوصف والتركيب ننتظر جديدك

صحّ بدَنك يا اخويه رائد و عساك ماتهون
أشكرك على التشجيع والمرور الطيب

اقتباس المشاركة الأصلية كتبت بواسطة أبو مشاري صح لسانك أخوي على هذا النص الجميل .. وسيتم نقل الموضوع اخ ِ العزيز الى قسم المنقول لحين تغيير معرفك الى الاسم الحقيقي .. ولمخالفة قوانين هذا القسم .. ولحفظ الحقوق الادبيه .. نعتذر منك مره اخرى ..وبأمكانك طلب تغير المعرف عن طريق قسم بريد الاداره وسيتم أعادة الموضوع الى قسمه الاصلي .. تقبل مروري العطر أبو مشاري

صحّ بدَنك اخويه بو مشاري
و مشكور على المرور العطر و التفاعل الراقي
الموضوع ليش منقولاً و إنما من قديمي و نزف قلمي المتأثر دائما بمحمد بن فطيس
وقد عرضت القصيدة وشاركت بها دائما تحت اسمي المستعار المعروف والدائم
UNIQUE BRILLIANT
بما في ذلك صفحتي الشخصية في الفيس بوك وغيره :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

والتي تضم معظم قصائدي التي سأحاول المشاركة بها هنا أيضاً بعد تعرفي على هذا المنتدى المتميز و الخاص جداً بأسلوب و روعة وجمال ما يتعلق بمحمد بن فطيس المري من الشعر
و بالنسبة للمحافظة على الحقوق الأدبية فأعتقد ان القصيدة لا تستحق المحافظة أو الخوف على حقوق ابتكارها و كتابتها كما لا تستحق أيضاً سرقتها الأدبية من الأساس
هههههههههههه

على العموم أتفهّم ملاحظاتك و أشكركم على الدعم والترحيب و أتقبّل بالطبع قوانين المنتدى و أحترمها و أعتبر نفسي منتمياً للمنتدى و أشرف بالتواجد فيه
وشكراً

صح لسانك ابدعت


وقصيدة بن فطيس هذي كأن فيها سحر
كل من سمعها يبي يجاريها

وذكرتن بقصيدة لشخص قريب مني جارى القصيدة نفسها
وهو الشاعر قدهي الشمري

يقول






على العموم

صح لسانك

وننتظر كل جديد منك


تحيتي اخوك بحر الكرم

صحّ بدنك اخويه بحر الكرم ^^
و صح لسان الشّااااعر ومافيه حيلة والله أبدع بصراحة

وبن فطيس ظاهرة بصراحة و فالوقت الحالي والله ماله مثيل فالشعر

مشكور على المرور الطيب

اقتباس المشاركة الأصلية كتبت بواسطة unique brilliant صحّ بدنك اخويه بحر الكرم ^^ و صح لسان الشّااااعر ومافيه حيلة والله أبدع بصراحة وبن فطيس ظاهرة بصراحة و فالوقت الحالي والله ماله مثيل فالشعر مشكور على المرور الطيب

هههههه قصدك ماركة شعريه


شكرا لك