يامرحبا مليون وأعيد وأزيد

يامرحبا مليون وأعيد وأزيد

بسم الله الرحمن الرحيم

أعزائي الاحبه السلام عليكم واسعد الله جميع

اوقاتكم هذاه ابيات متواضعه بامناسبة رجوع

خالد العبيريد الى ارض الوطن من رحلته العلاجيه

سالمٍ وغانم ويامرحبا يبو سهيل عداد السيل





يقول من عمد معانيه تعميد
............. يلعب على الطاروق يوم ستواله

مثايل ماقالها زيد وعبيد
................... تنشر وترسل يم خالد رساله

تدرون ويش اللي شرح خاطر سعيد
................ وطاب الكرى للعين واستر باله

الشاهد الله مرحبا يالعبيريد
......... ....يوم الفرح والسعد شعشع هلاله

يامرحبا مليون وأعيد وأزيد
............ ترحيبة اهل الجود وأهل الجماله

الفرحه اللي كنها فرحة العيد
...............ويترجم شعوري قصيد الجزاله

يبقاء ألوفا الجود بين الاجاويد
.................. مايترك الماجوب كود الحثاله

المصدر: الملتقى الجماهيري للشاعر محمد بن فطيس المري

في البدايه اخوي الشاعر( خالد العبيريد)

الف الحمد الله على السلامه

وماتشوف شر ان شاء الله

صح السانك مدد ياسعيد

وصح بنانك وفكرك

دمت من تألق الى تألق

لك خالص تقديري وتقييمي

{يكفيني الموقع هذا}

الف الحمد لله على السلامه اخوي خالد

ماتشوف شر وحياك الله في مكانك

وبيض الله وجهك ياسعيد راعي واجب وراعي نوماس
تسلم ياخوي ومافيك حيله ووخالد يستاهل كل علم طيب
لاهنت وسلمت

اولا الحمدالله على سلامة اخونا وشاعرنا خالد العبيريد وثانيا اشكر الاخ الشاعرسعيد بن محمد
على زفه الخبر لنا بشكل ررررررائع بابيات شعريه سحريه المعاني سعيد اللــــــــــه يسعدك في
دنياك وآخرتك اخوك موسى ابومشهور

الحمدالله ع سلامتك ياخالد والف لاباس

سعيد صح لسسانك راعي واجب
وماهي غريبه عليك

اقتباس الشاهد الله مرحبا يالعبيريد ......... ....يوم الفرح والسعد شعشع هلاله يامرحبا مليون وأعيد وأزيد ............ ترحيبة اهل الجود وأهل الجماله الفرحه اللي كنها فرحة العيد ...............ويترجم شعوري قصيد الجزاله يبقاء ألوفا الجود بين الاجاويد .................. مايترك الماجوب كود الحثاله

صح لسآنك .. يّ سعيد

وخالد يستآهل الترحيب والمدح ..

والحمدلله ع سلامته

حياك الله يابو محمد ,,

صح الله لساانك والله يبارك فيك ويبقيك على عز وغلا وتقدير يالغالي ولاهنت والله انك وافي ومن اهل الوفاء ,,

بأذن الله يكون لي رد الابيات لكن للظروف احكام يالغالي ,,

جميع من حضر واضاء بحضوره الله لايحرمني من دعواتكم الطيبه والله يبارك فيكم وعسى ماتشوفون مكرووه جميعا ً ,,

خالص الشكر والتقدير للجميع .

صح لسانك اخوي
واعتلى شانك
والاخ خالد يستحق
وعساها اخر الغيبات ان شاء الله

ودي وتقيمي

بنت برقا ياهلا وغلا شرفني حضورك
وكلامك الطيب وجعلك تسلمين شكرًا
لك تحياني وصادق ودي ولاهنتي