إبدوي يابنـت مـا أعـرف الهـروب والمعـآدي يـا أمـوت أو أهـزمـه.

إبدوي يابنـت مـا أعـرف الهـروب والمعـآدي يـا أمـوت أو أهـزمـه.

سسسسلام عليكم ورحمه الله وبركاته
.................................................. ..


ماخبرت الصبح يظهـر مـن جنـوب

لين جـاب الـدرب ذيـك المسلمـه

أبتهت .. وحرت في ذيـك الـدروب

مـن جمـالٍ جــل رب ٍ قسـمـه

جسمها متناسق ٍ مـن كـل صـوب

خلقـت الله .. كنـهـا متحـزمـه

ياكثر ماخـذت منهـا مـن ذنـوب

عآريـه جتنـي .. وهـي متحشمـه

قالت : أنت شفيك ؟ حآسب لاتذوب

والزم حـدودك .. وحـدي بآلزمـه

والله إنك مابعـد خضـت الحـروب

حـدك كتابـك .. وذيـك المقلمـه

قلت : أنا ؟ قالت : ولا عندك أسلوب

صدق .. لاقآلوا .. إبدوي وش فهمه !!

قلـت يـوم الصبـر نحـى للغـروب

ويـوم صـار النـور ظلمـا معتمـه

غير الموجـه خفـوق لـك طـروب

عقـب ماقلبـك تجـرى وحشـمـه

ما أستحيتـي لابـس ٍ غتـره وثـوب

تشتمينـه قـبـل لايفـتـح ثـمـه

إبدوي يابنـت مـا أعـرف الهـروب

والمعـآدي يـا أمـوت أو أهـزمـه

وأنشد الصادق ولا أحـب الكـذوب

والـردي لـو مـتْ والله مـا أزهمـه

وأحمد الله كـل مـا هـب الهبـوب

علـم الإنـسـان مــالا يعلـمـه

الشجـر ماهـو يدنـق للـشـروب

عادتـه يآتيـه مـن تحـت قـدمـه

وعادت المـاء لـو يـرَوب مايـرُوب

والعقـارب مـن وطاهـا تلطـمـه

ولا أشملو ربعي قنصت أقصى الجنـوب

وماحـد ٍ لَطـخ سلاحـه فـي دمـه

لعن أبوه إللي ليا أذنـب مـا يتـوب

ولعـن أبـو فـرد ٍ يثـور بمحـزمـه

شاعرها : عبدلله بن حمد ال فطيس المري

المصدر: الملتقى الجماهيري للشاعر محمد بن فطيس المري

صحّ إلسسـآإنه
شـآإعر جزل و أبيـآته دوم قمّه

لآإهنت وهم الخيـآإل



وديّ

ماشاء الله
صح لسان المري
وربي بالقمه القصيده
رووعه تجنن الله يحفظك وهم
اختيارك رائع

اشكرك على كل ماتقدمه
من ذوق الاختيار
سلمت يمناك ربي يحفظك

صح لسانه قصيدته جزله
ولاهنت عالنقل..

يعطيكم الف عآفيه على المرور
المميز
لاهنتوآ

صح لسسآنك
وتسسلم يمينك
لآهنت

صح للساااانك

يعطيكم العآفيـه
ولآهنتو