جديدي ,,اول باول

جديدي ,,اول باول

عندي عدة نصوص كل نص موضوع والموضوع مايخص احد في المنتدى من الى ومحشومين كلكم انا اتكلم
عن فئات كثرت في الاونه الاخيره في المجتمع الفئه الاولى اللي بدل المرجله بالردا
والفئه الثانيه البنت اللي بدلت عفتها وحشمتها بالتبرج والسفور
صغتها لكم بالقوافي عسى الله ينفع بها
وعشان ماحد يفهم خطاء ويحسبها اسائه له المقصود به اهل الردا عنهم انتم محشومين
على عدة بحور بعضها غير مالوفه

الـــــــــــــــــنـــــــــــــــــص الاول.
..لاشـــــــبـــــــاه= الـــــــرجـــــــال
يتبـع هـوى نفسـه بريبـه وشكـات=تضّـيـع الـلـي بـالـردا كـلـه ذنـوب
راســه يـبـدل شيـمـتـه بالـدنـيـات=بسـوق المهونـه بـدل العـز بعـيــوب
اكبـر مخاسيـر الزمـن بالكشـوفـات=تسجـلـه لـكــل الـبـريـات عـــذروب
ياصغـر عقلـه عنـد كــل التفـاهـات=سـفـيـر فـتـنـه لـلـرديـات مـنــدوب
لامن هرج مافي هروجـه مسـرات=تدمـع عيونـه دايــم كـنـه مـضـروب
نفسـه ضعيفـه و ساقتـه للمـذلات=اللي يطيع النفـس لاشـك مغلـوب
الـــــــنــــــــص= الـــــثـــــانــــــي .
.لــشــبـــيـــهـــات =الانــــــــــــــاث
ياللي تبرجتـي لنـا داخـل السـوق=خافي من الله واستـري عنناالزيـن
عطرك مركـز والصـدر ليـه مفتـوق=وش هالعطر شموه حتى البعيدين
تبرجـك فتنـه وخالـي مــن الــذوق=يـاقـو ذنـبـك شـاهــدوه المـلايـيـن
العقل ينتشلك من الجهل والعـوق=سترك ترا محرمك و تـاج العفيفيـن


.....طبعا اعتقد عدد الابيات ماهو مقياس
لانها زادت ولله الحمد والفضل والمنه . بس لم ادرجها احترام
احترام وتقدير للبندر مابي اتعداه
لذلك تخلفت عنه ببيتين عن قصد
وايضا لم اتطرق للفكرته وتصويره لانها
تخصه واعتبرها تعدي على حقوق الشاعر
اما القافيه والوزن ليست ملك للشاعر بل للجميع
فكره قصيدته مدح
وفكره قصيدتي الشعر والشعرا

..

بنـدر بـن سـرور .رحمـه الله
بديت ذكر اللي بسط سبع بوتـاد=واللي رفع سبـع بليـا عمدهـا
والكار للي صار غيـث للأجـواد=لاقبلها صارت ولا مـن بعدهـا
زايد على كل العرب بالوفـاء زاد=ساق المراجل لين وقف عددهـا
حلحيل حلـو مـر زراع حصـاد=كبـد يداويهـا وكبـد لهـدهـا
ولي عجوز من ورى شط بغـداد=سمت على شيب الفلاحي ولدهـا
تبغاه يطلع مثـل زايـد ولا فـاد=ماكل من هاز الطويلـه صعدهـا
ياشيخ انا جيتك على غير ميعـاد=من خوف روحي لايجيها وعدها
النص الثالث
مسعود ال رشيد..
الوقت هـذا صـار للشعرميـلاد=يربي علومـن مايخبـى سندهـا
يفخر بها دايم على روس الاشهاد=وموروث الامه بالفخر يعتمدهـا
الهاجس اللي في اللوازيم رعـاد=زرع جزايل حان موسم حصدهـا
ماكل شاعـر للجزيـلات صيـاد=يفرق مخاليب الهجوس بهددهـا
الشعر فكـره والثقافـه لهـا زاد=افكار راسـك لا تخيـب مددهـا
خلك على درب مشوبه الاجـداد=في جرتن ماضاع من هو سجدها

...النص الرابع
ادري انك مانسيت يوم انـك صبـرت=ياغزالن بندقـي فيـه لايمكـن تثـور
شفتك مابغيتـك لـو بغيتـك ماقـدرت=المعزه ياسريع الركض عندي ما تبـور
جيتني مكسور وانا لكسـرك ماجبـرت=خفت اجبر كسر ك تبتعد من غير شور
مقصدي وسط قافي كانك لقافي سبـرت=لا قصر عنه نضرك منت عندي بمعذور
النص الخامس
..
ضايع لو ضعت من شور سليم=في حياتي والليالي مافيها رجـا
الهموم تكسيني الضيق وتضيـم=صوتها في داخل ضلوعي صـدا
من العطش هالك مالاح غيـم=والضما من اول سنينـي بـدا
ياهجـوس مايوردهـا غشيـم=لاتهدي قاف يستشيـط ولاهـدا
اثبتي ثبوت مايزعزع مستقيـم=والقريحه للمعانـي مافيهـا ردا
يشيد القيفـان فالشعـر ويقيـم=بيت شعره بالجزيله ولفكاره مدا
شاعر للحبك محترف وفهيم=عكس من طربخ فالبحر وغدا


النص السادس..
...
ذيب تكالك فوق روس الطويلات=غنى بيوــتن تستحق القرايه
لاهنت يامحمود في بدع الابيات=تبدع جزيله والجزيله مرايه
تعكس حروفك في غزلها وبالذات=قبل المنام وتحكي احلى حكايه
حكايتن مامثلها فالحكايات=يعزف عليها راعي الناي نايه
ياواحد مايهتوي للصداقات= وكل الاوادم عند ربي سوايه
رجل شقردي يرتكي للمغيرات=من زود طيبه يسعد الناس رايه
عز الله انك حر ولافيك شكات=من روس قوم فالمصايب ذرايه

المصدر: الملتقى الجماهيري للشاعر محمد بن فطيس المري

مجهود طيب اخوي مسعود


صح لسانك ولاهنت

تقبل مروري واحترامي

صح الله لسانك مليارات
واعتلى شانك
ولا هنت على هذي النصائح القيّمة
تقبل مروري واحترامي

الشاعر مسعود ال رشيد

صح لسانك ولا هنت على هذه الجزاله والنصائح القيمة

ربي يوفقك اخي الفاضل

تحيتي وتقديري وتقيمي

اقتباسالمشاركة الأصلية كتبت بواسطة مركازمجهود طيب اخوي مسعود


صح لسانك ولاهنت

تقبل مروري واحترامي


صح بدنك لاندمت

اقتباسالمشاركة الأصلية كتبت بواسطة لولوه المري

الشاعر مسعود ال رشيد

صح لسانك ولا هنت على هذه الجزاله والنصائح القيمة

ربي يوفقك اخي الفاضل

تحيتي وتقديري وتقيمي

صح بدنك لاندمتي

صح لسانك ابيات جميله

اقتباسالمشاركة الأصلية كتبت بواسطة ذهــــــل الياميصح لسانك ابيات جميله صح بدنك ياذهل حضورك اجمل مرحبابك

تسلم اخوي على هالطرح العذب والمجهود الجزل
تحياتي