قبل يلبس البرقع وانا مالبس اعقالي

قبل يلبس البرقع وانا مالبس اعقالي

بسم الله الرحمن الرحيم

اولاً أعتذر عن الأنقطاع وهو من ظروف صراحه
ثانياً اقول اللهم بلغنا رمضان جميعاً وأعنا على صيامه وقيامه
ثالثاً هذا نص يعتبر جديد اهدأ للجميع وخاص لخالد العبيريد
اتمنى ان يحوز على رضاكم

إلا ياكريماً مدتك تكرم المحتاج=تكرم علي بلطفك اليوم ياوالي
اشوف الزمان اندار وأخلفلي المخراج=واشوف الوضع متغير بكل الإحوالي
على ذاكرة عمري تكون عليه اعجاج=وعلى واقعي ماشفت في واقعي حالي
متى ينتبه منهو غفل في الزمان الساج=تزيد العقول اهبال واهبالها طالي
تضيع العلوم اللي ضياها عليك اسراج=وعلى ظلمة الواقع تحس العقل خالي
يموت الكريم وفقره امقوعاً للصاج=ويعيش البخيل اللي كنز كل الإموالي
عباد الله اللي فالحرم قصدهم حجاج=على عكس منهو للملذات رحالي
غفلنا ولاتبنا ونطلب عفو وأفراج=غريبه على إلاولى ولانعرف التالي
حنين الخلوج اللي تجرهد حنين أخلاج=صدى صوتها يبكي سهيراً على غالي
تسامر نجوم الليل بين الفريق أزعاج=على شوفة المأخوذ تسري وتنجالي
يلاحي صداها خافقاً بالحنين الاج=يحن ابحنين الخلج والدمع همالي
ذكرته قبل لاأنسى زماناً بدى باحراج=قبل يلبس البرقع وانا مالبس اعقالي
هذيك السنين اللي عناها علي اعلاج=ماهي وقتنا اللي من دخل ضايقاً بالي
حراماً علي واللي سراء ابعبده ابمعراج=مااسج ابهواء غيره ولوقيل ماقالي
سجني بحبه ثم جود علي اسياج=وانا مارضيت اشوف غيره بالإزوالي
رحل والحزن في خافقي مرتمي وهاج=اسولف على ذكرى الليالي والامالي
ختام الكلام اني على شوفته محتاج=مثل حاجة القيعان للسيل لاسالي

اخوكم هياف السبيعي

المصدر: الملتقى الجماهيري للشاعر محمد بن فطيس المري

صح السانك مليون ياهياف
تحيتي لك

ياهلا ويامرحبابك يالجزل هياف السبيعي ,,

اولا ً مامن قاصر نعذرك عليك يالغالي ولو غيابك طايل لكن لك التقدير والاحترام ,,

ثانيا ً اهداءك على راسي والله يعلم ,,

وصح الله لساانك وصح قلبك وكلك ولاهنت شاعر جزل والله يشهد وبلا شك في غنى عن شهاده مني ,,

بيض الله وجهك واشكرك كل الشكر وجديدك وقديمك لايمل .

صح السانك ياهياف مدد

قصيده جزله و شاعر جزل

تقبل خالص تقديري لشخصك الكريم

ارحب تراحيب السيل وبنة الهيل والله يستأهل
ابو سهيل وانت ماتتعبك دروب الرجاجيل
وافي أنشهد ولو كان أبطئت ماعاد شفناك
ولكن معذور ولا انت معثور جعلك تدوم يفدونك
الرخوم وصح لسانك عدد نجوم السما واعزالله
انك حديتني على القصيد ودي بغزليه وودي
بعلمٍ ثاني تحوي مني بيض الله وجهك ولاهنت*

صحة ابدانكم جميعاً والله لايهينكم حقيقه اثلجتوا صدري بردودكم وهذا انا دل دل على رقي ذوقكم

وغير مستغرب حقيقه من هذا المنتدى

تحياتي للجميع

صح لسانك ي خوي ي هياف
وعوده سالمه