عشق العذارى هواه إفلاس

عشق العذارى هواه إفلاس

السلام عليكم ورحمه الله وبركاته

اسعد الله مساكم وصباحكم بكل حب وخير وموده

لكم هالمتواضعه واتمنى ان تشفعلي بعد انقطـــاع

الشاعر المرهف الحساس=قلبي تـولع بمزيونه
الطول والخد والنعاس=صدفه ذبحني من عيـونه
الموت لاهبهب النسناس=لاحرك القلب ياعونه
الحب يبكي على الكراس=والهاجس العذب للحونه
ارسم نجومي ولي نوماس=يرقى سماها ومصيونه
عذب المشاعر بدون قياس=والوصل من دوني ودونه
عشق العذارى هواه افلاس =ياكم شاعر يخذلونـه
الوجد طفلن طواه الياس=والطفل انا من يبكونه
حرمان روحي سهام وفاس=والشعر جنتبي جنونه
خيالي الي جهله الناس=وبالملهمه كم يعزونه
قلت الحقيقه وانا حساس=والوجد ياكبرها طعونه
البرق شعله يـدق اجراس=باامر الولي خلقه وكونه

سلمـــــــتوا ويشرفني متابعتكم لي بالتويتر
عبدالله سعود

المصدر: الملتقى الجماهيري للشاعر محمد بن فطيس المري

صح لسانك يا اخي العزيز رائع
الى مالا نهاية لا فض فوك

صدقت .. ومهوب الشعار اللي يخذلنّه ، الّا كلّ من تولّع بمزيونه ههههههه

صح الله لسانك

وعليكم السلام ورحمة الله وبركاته ,,

ياهلا ومررحبا يابو سعود حياك الله ,,

صح الله لساانك وصح قلبك ولاهنت على هالهجينيه الجزله يالجزل ,,

شهادتي فيك مجروحه يامسامر وانت تدري ,,

تحياتي وكل تقديري لك.

راقت لي تلك الدرر بصراحه
وابداع وتميز شاعرنا
صح لسانك

لاهنت ياراعي النقى وصح كلك

حبيب حيل الله اقوى ان مدحناهن تغلن وان عاتبناهن زعلن صح كلك هههه

هلا وغلا بعمي خالد اررحب يبوسهيل صح قلبك وكلك والجزل انت ومررورك

ياحيالله ابومشهور الدرر حروفك وتالئقك يبومشهور وصح كلك

صح السانك درر يالعتيبي لاهنت يشرفنا متابعتك لاهنت