بس كفى

بس كفى

ألا يا ليت وقتي بي يحس = ماصعب الغربه ودمعات الفُراق
في الحنايا غصن أشواقي يبس = جف حنيني وسط صحراء الأشتياق
في المدينه حايـرٍ دقّ الجـرس = ودعّ أحبابه و داره يوم ضاق
جاوبه حرمان وبلبسه لبس = ضيّـفه أحزان وحيره وأختناق
صاح من نار الجفاء وأخفى ودس = دمعته لا تفضحه بين الرفاق
وين كنا وكيف صارنا وليه بس = يا زمن حملـّتني مالا يُطاق
ليه وجه الفرحه لين أقبل عبس = مثل عـذرا بعرسها تطلب طلاق
ليه آحساسي مع شعوري أنحبس = في سجون الهجر من عقب التلاق
زاحمتني ضيقتي من كل نفس = يا معين اللي صرخ وقت الغراق
بـذر الأوجاع أيسر أضلوعي أنغرس = بس كفى يا وقت جرح البعد فاق
بس كفى يا غُربتي صبري يئس = ذقت منك المـُر يا مـُر المذاق
بس كفى يا دمعة الفرقاء أنحمس = قلبي من نار الهجر كله أحتراق
وألا يا ليت وقتي بس يحس = يقطـع الغربه ودمعات الفراق

28/1/34 هـ

المصدر: الملتقى الجماهيري للشاعر محمد بن فطيس المري

صح لسانك

ليـه*وجـه*الفرحـه*ليـن*أقبـل*عـبـس
مثـل*عــذرا*بعرسـهـا*تطـلـب*طــلاق

صح لسانك

قصيده رائعه

تحياتي لك

دلع الكثيري

يعطيك العافيه ع المـرور العــذب ..

شرفتيني ..

ودي مــع ردي ...,

روابي

صح كلك ..

الف شكر على المرور العذب ..

لا عدمت تواجــدك ..

ودي مــع ردي ...,

هلا بك اخوي القاف الحزين

صح لسانك اخوي قصيدة راااائعه وفيها صور رائعه جدااا

لا هنت ولا عدمنا هالتميز