حوار بيني وبين عاليه ..اول محاوره في عالم الخواطر ارجو ان تعجبكم

حوار بيني وبين عاليه ..اول محاوره في عالم الخواطر ارجو ان تعجبكم

السلام عليكم
سوالف بيني وبين عاليه من 3 شهور تقريبا
قلت خلينا نتحاور بالخواطر
مالي في الشعر ولا اعرف دربه

عاليه ماتحب المحاورات نهائيا وغير متابعه لها
قلت حاوريني مانبغى لاوزن ولاقافيه
قالت طيب

بس ان شاء الله تجد لها صدى بينكم طبعا عاليه انا متواصله معها


وحديتها على الشي اللي ماتحبه بس عاليه بتقدرني الله يحفظها
واتمنى ماتزعل عليه يوم نزلتها


......
ذكريات الأمس
ياعــــــــــــــاليه وين الـــــعرب واهل العلوم السابقه
ضــــــــــاعوا والا انا اللي في زمــــــــاني مــــتفرده


عاليه

يـــــــــــامرحبا ترحـــيبتن ياذكريات الصــــادقه
نومك عـــــــــميق ولاصحيتي من احلامك المتورده

ذكريات الأمس

البــــــــــــــــــشر من تغير عبر الــــــــــــسنين القادمه
وياحــــــــــــسرتي على ضيف يدق البـــــــــــاب ياعاليه

وين رنة الــــــــــنجر وقت الفـــــجر والناس نايمه
وين صوت شـــــــــــايب ترحيبته مثل كود يالحالمه


عاليه

خبرك عــــــــــــتيق واستريحي من الأفكار الهادمه
حنا شباب مانعرف الدله وعندنا الديو والشبس كافيه

والتواصل بيننا عبر المسن والتراحيب هااااي يالهايمه
مودك قديم وعيشي الحاضر في سعــــاده وبــــــرويه


ذكريات الأمس


الله ماخسها من حياة صار المسن للتواصل ووجييه متخبيه
وش عاد لو عشتي على التراحيب يابنت مع الوجيه الغانمه

لاتغابن لانميمه والحب جاري مثل الميــــــاه الجـــــاريه
انت ياعاليه تعيشين الـــــــــــــــغبن وانا اشوفه و عيونك تداريه


عاليه

تبين الـــــــــصراحه والله ان االحسايف في الروح مرسيه
مانبي منكم شمــــــاته والا الــقلوب ضايقه و مسلهمه

ضاع الوفا والصــــــــحبه الصـــــــــــــــادقه الصافيه
خلــــــــــــــيها على ربن يعــــــــلم السر والخــــافيه



ذكريات الأمس

الـــــحقيقه اعــــــترفتي وانــــا احييك يالــــصادقه
مــــــاكل الــــــحضاره تــــــــطرب الــــنفس ياعاليه

ماتوا شبـــــــاب من الــــــحضاره الــــــــكاذبه
تمدنوا و صارت البيره مشروبهم وصارت القاضيه

عاليه

لاتخافي ترى حنا صغار اعمار بس نعجبك يالحاذقه
مانطيح في المتاهات اللي تصيبك بالوجل في السنين الاتيه

تعلمنا من كبارنا الحياة واستفدنا من ايامهم الهاربه
لاتخافي فيه جيلن ينظر للحـــــياه بنــــــظرتن عاليه


ذكريات الأمس
هذا الـــــــعشم والـــــدعا لكم في الأيــــــام المقبله
عسى رب الأكوان يحفظـــــــكم من دروبن هـــــاويه

الزله ورى الزله ترى ياعاليه تعتبر قــــــــاضيه
الحرص واجب واللـبيب بالأشارة يفهمه


مانبغى تعليقات الشعراء نعرف لاوزن ولاقافيه
بس هنا بمجلس الخواطر
كل مافيه مدموح وجايز سواليف بطريقه مرتبه وهادفه


ياريت الكل يشارك
في مواضيع هادفه


ذكريات االأمس

المصدر: الملتقى الجماهيري للشاعر محمد بن فطيس المري

.. حوااار اجتمااعي رائع بروعة فكركم النير

الدنياا لا زالت بخير والخير موجود بأهله ..

.. الصرااحه استمعت بهذا الحوار الجميل

مابين ذكرياتناا وانتماائناا بموااثيق التربيه وتقاليدنا العريقه

فهنااك مااهو مغروس في النفوس ..

فقط يكون هنااك مواازنه ..

.. شكراً لك ياذكريات وللأخت عاليه

وين رنة الــــــــــنجر وقت الفـــــجر والناس نايمه
وين صوت شـــــــــــايب ترحيبته مثل كود يالحالمه

سقى الله ذيك

صح بوحكم والله لايهينكم

فعلا انك ذكريات الأمس وين عاليه اصلن هي راحت تنام وتترك لك ولنا ذكريات الأمس بازين سوالفكن
احسكم تسولفون على جال الضو خواطر لا قواعد ولاقافيه يازينها

امزح وياك ي اخت ذكريات الله يحفظكِ وقد كانت محاوره جميله

كجمالكن الله يذكركن بالخير تحياتي لك وللاخت عاليه

ابدعتم جميعا .,.,.,. لقد استمعت بما قراته .,.,.,

تحياتي لكم .,.,.,.,

ماشاء الله ..

لو بس علمتينا بدرري ..

كان اجبرناها تعمل محاوره ..

ذكريآت . وعاليه

لآهنتــن ... وصح السنتكم

ابدعتم

وصصح بوحكم


ودي

الله يذكر عاليه بالخير صاحبة القلم المميز
والله يذكرك بالخير ياذكريات المبدعه

حوااار راااائع وهادف وابدااع يفوق الوصف
تسلم الايادي والافكار يامبدعات الله لايضركن
استمتعت كثير بمتابعت مانثرته لنا اقلامكن المميزه

حياك الله ذكريات الامس ,,

مأجمل الماضي والبعض مازال يحن له ويتمنى رجوعه ولكن يجبرنا الامر الواقع ,,

صح الله لساانك وصح الله قلبك وصح الله لساان عاليه المبدعه وصح قلبها والله يستر عليها بغيابها ويستر على كل مسسلم ,,

شكري وتقديري لك ووافر احتراامي .

الله الله
صح السانك اختي وصح السان اختي عاليه
ابدعتوا واطربتوا لا هنتن
محاوره بالخاطره جميله ورائعه وهادفه
تقييمي ++++++