البر عشقي

البر عشقي

قصيدة / البرعشقي

ياهاجسي سوق القوافي تباشير
لابو حمد واخبرة عن ما جرالي
قله ترى حالي قضته التفاكـــير
من يوم شديت الرحايل شمالي
اشفق على خوت رجال ً مغاوير
في ساعةً قل الخوي الموالــــي
جلست رفيق وذي دلال ًمباهـير
منها يفوح الهيل ياعز حـــــالي
واذا طلعت البر جوني مسايـــــير
افرح بشوفتهم ولا ضاق بالـــــي
بين الخزامى والنفل والمباكــــير
وطاروق شعرًهيضه ماطرالـــــي
وزهراقحوان في طرفنا مناويـــــر
وباقي مساحات الصحاري خوالي
ايوالله اني بعدها ماني بخيــــــــــر
بين القصور النايفات العوالـــــــي
مثل الضرير اللي عظامه مكاسيــر
قل الرجا والحظ ياخوك مالــــــــي
البرعشقي مير هذي تدابيـــــــــــر
وحكم الولي مافيه شور ومجالـــي
الصبرفي قلبي لهيب المجاميــــــــر
يالله تبدل كل مر(ن)بحالـــــــــــــي
ادعو معي(يا عاشقين الغنــــــادير)
الله يجمعني مع كــل غـــــــــــــــالي

ابيات اطرحها بين يديكم ..للنقد البناء..وابداء ارائكم فيها...ومعذرتاً عن التنسيق السيئ
تحياتي

المصدر: الملتقى الجماهيري للشاعر محمد بن فطيس المري

عاااااااااشق الصحراااء


صح الله لسانك ولااعدمنااااااااك ان شاء لله

ادعو معي(يا عاشقين الغنــــــادير)
الله يجمعني مع كــل غـــــــــــــــالي



اللهم أمين يااعااشق,,,
صح لسانكـ ,,
وتسلم يمينكـ ,,

صح لساانك أخ عآشق

قصيده جزله..وأبيات قمه...أبدعت فيها يالغالي

لاهنت وننتظر جديدك

عاشق البر قصيده شامخه

وصح لسانك والله لايهينك على هذا الاحساس الرائع


وهذه القصيده مكانها ليس هنا بل في القسم

الاساسي الله يعطيك العافيه على ما نثرته هنا

واشكرك على التواضع تقبل تحياتي وخالص تقديري

عاشق الصحراء
صح الله السانك قصيده رائعه كروعتك
ودي وتقديري

كلمات جزلة من شاعر جزل وصح الله لسانك

صــــــــح لسانكـ




ابيااااات جميله