تبغى تعرف على الشاعره بخوت المري حييياك

تبغى تعرف على الشاعره بخوت المري حييياك

السلام عليكم ورحمة الله وبركاته




بخوت المرية.هي: بخيته بنت عايض آل عذبه المري




عاشت يتيمة الأم في كنف والدها الذي عرف بكثرة
ترحا له من أرضٍ إلى أخرى طلبا للماء والمرعى فتارة
يقطن قريبا من عد الزرنوقة وتارة أخرى يحل مجاورا
لـ بير فاضل وكلاهما موارد لقبيلة آل مره.
عاشت بخوت متنقلة في مضارب بادية آل مرة
الممتدة من الاحساء جنوباً إلى عمق دولة قطر.
ظهرت شاعريتها في سن مبكرة . وربما ساهمت
الظروف النفسية والبيئية التي مرت بها الشاعرة كموت
والدتها وتنقلاتها الكثيرة من مكان إلى آخر خلف ابل
والدها التي شغفت بحبها .وكانت قصائدها تعكس
خيال الطبيعة حيث برعت هذه البدوية الأصيلة في
جمال تصويره.وصفت السيارات فأجادت .ووصفت
الطائرات فأبدعت.وبرغم أنها لم تطرق باب الهجاء
إلا أنها قادرة على إظهار سخرية الشعراء ونقدهم
البناء تجاه مايستحق النقد فكانت إلى جانب هذا كله
بارعة في بناء القصائد اللاذعة


قالت بخوت تتوجد




ليتـه ينادينـي وأنـا بـس أناديـه
وأجاوبـه ياحسيـن لوكـان مـرة
عليه قلبـي يابسـاتٍ(ن) عراويـة
أقفا بقلبـي مـن ضلوعـي يجـره
ذا لي ليالٍ(ن) قاعدة في حراويـة
ليـن إنهـا زادت علـي المضـرة
قمت أتوجد وجد من مـات غاليـه
قبره قبالـه كـل يـومٍ(ن) يمـره
أو وجد من خلوه والليـل ممسيـه
ينخا ولا أحدٍ(ن) من هل الهجن مره
خلي طريحٍ(ن) والضواري تحاضيه
بالمقطعـة ومقابلـه ضلـع حـرة
على الذي ماشفت حيٍ(ن) يحاليـه
شيخٍ(ن) على القوم المعادين شـره

ولها أيضا




البارحـة باديـة فــي راس منـزمّـا
لا هوب حزمٍ(ن) ولا طعسٍ(ن) ولا قاره
البـارحـة والحبـايـب كلـنـا لـمّـا
ويوم أصبح الصبح كلٍ(ن) راح في داره
حسبي على الحلم يكذب جعلـه الهمّـا
سوّى بحالي كمـا عُـودٍ(ن) ونجـاره!!




وفي رائعة أخرى تفردت بالوصف كتبت هذه القصيدة
الرائعة منتقدة ً بعض النساء في عدم ثبات أقوالهن.

راكب اللي في سما الجو تمشي بحركات
صوتها من سرعها مـن وراهـا تنتلـه
الحقت ركابة الدوج مـن دون ادمـوات
ومرت الـدوج المغـرّز يدفونـه هلـه
اسمحوا لي يا محمد على ست اكلمـات
ذا كلامٍ(ن) فاضيٍ(ن) واستحي لا طوّله
يا محمد مـا الأناثـي بكفـو معامـلات
قولهن لاهـوب يصـدق ولا ينـرد لـه



وبخوت شاعرة مرهفة الحس صادقة العاطفة جميلة المعنى.
جزلة المفردة.فنجدها شديدة الوجد صادقة العبارة.ومن أشهر
قصائدها قالت تتوجد على حياة البادية وبيت الشعر.والإبل




وجودي على بيت الشعر عقب بيت الطين
وجودي على شـوف المغاتيـر منثـرّه
وجودي على خوّة هل الموتـر المقفيـن
وجودي على شوف السهل من ورا الحره
الى حلوّا البدوان صـاروا علـى بيتيـن
ومن كان له خـلٍ(ن) مـع ذاك ماغـرّه



ومن قصائد الوجد قالت مخاطبة شخصا
يدعى علي قيل انه ابن عمها


ياعلـي ياخـوي ياويـن بدوانـي غـدو؟
لاخبر.. ولا مديد(ن).. ولا قلبي بـأنيس!!
راحوا العربان في شـف قطعـان البـدو
في هوى الخلفات ما راوزوا يوم الخميس
نحف حالي ياعلي نحـف مـدراة السـدو
وزوع قلبي زوع حرٍ(ن) ليا شاف القنيص


إن المتتبع لقصائد بخوت المرية يرى بوضوح عبقريتها
في سبك وبناء القصيدة فهي شاعرة تجيد بتمكن إيصال
الفكرة وشرحها في بيت واحد فقط .فها هي تبدع عندما
أدركت أن الوقت لا يعود حين يمضي. وكأنها تقول لنا.
البقاءللذكريات والأطلال والتاريخ.


تل قلبي تل طير(ن) على الجول مهدود
يطرد المقفي وطـرد المقافـي كايـده
ما أهبلك ياللي تبا الوقت الاول لك يعود
مايرده كـون محـي العظـام البايـده

ولها أيضا في الغزل





مل قلبٍ(ن) فر وافتـر مثـل المروحـة
لاشفطها كهرب المـاص عجّـل فرهـا
إن ضحك لي صاحبي سر قلبي وأفرحـه
وان تغلى صاحبـي زاد عينـي شرهـا
صاحبي ناوٍ(ن) بذبحي وأنا ما أقوى اذبحه
شب في كبـدي سنـا نـار زوّد حرهـا



ولها في الأنين والفراق



ونتي ونة قطيعٍ(ن) على جال القليب
دوّجت ثم بركت في مراغة عدهـا
المحبة لا سطت ما يعالجها الطبيب
وروحتك ياصاحبي ليت ربي لدّهـا
عادة الدنيا تفرّق حبيبٍ(ن) من حبيب
وقطعش ياعشرةٍ(ن) والمفارق ضدها



أيضا لها في الغزل العفيف


أيست لاخبار من صوبكم ياهـل الجنـوب
داركم عقب البطا سعد أبـو مـن زارهـا
سايفوا بشراعكم صوب نسنـاس الهبـوب
ضايقٍ(ن) صدري وعينـي تهـل عبارهـا
صابرٍ(ن) ومصبرٍ(ن) مثل تصبير مغصوب
في رجا ربٍ(ن) كريمٍ(ن) يفـك زرارهـا
ماحلا عقب الضما زين لـذات الشـروب
شربةٍ(ن) من قلتةٍ(ن) ظـل ماهـا غارهـا
كانها قبلـة غـدا البـال منـي للغـروب
وكانهـا حـدرا تنشـدت ويـن ديـارهـا
عن هوى المحبوب والله حلفٍ(ن) مابتوب
وان مشيت دروب صوبه سلكت خيارهـا
من عقب فرقا هوى البال في قلبي شبـوب
الضمايـر عقـب فرقـاه شبـت نارهـا


قالت متغزلة وتصف بعض سيارات القرن الماضي





حن قلبي حن ماكٍ(ن) على سود العجل
عشق السواق والدرب ممسوكٍ(ن) وراه
إن عطا مع طلعةٍ(ن) عشقوا له بالدبـل
وان تسهل ريحه ليـن ياصـل منتهـاه
شف بالي لا (دريول) ولا ريس عمـل
شفي اللي كل ماشاف براقٍ(ن) رعـاه
قاطنينٍ(ن) فوق عدٍ(ن) على جاله عبل
طيبٍ(ن) للبل وراعيه ما يقطع ضمـاه
ونتي ونة خلـوجٍ(ن) ولدهـا ماجـدل
تشرف المرقـاب للـذود وتعـوّد وراه


وفي هذا الباب قالت بخوت




ياحن قلبي حن ماكٍ(ن) مع الطلعـات
ليا عشقـه بالعايـدي والدبـل جـره
وجرمه ثقيل وحملوا فوقـه البيبـات
ويدعس عليـه ببانزينـه ولا سـره
أنا دمع عيني بالدقايـق وبالساعـات
ولاهي على فرقا المحبيـن مستـره
هواجيس قلبي كل ماقول راحت جات
تعود علي باليوم خمسة عشر مـرة.



أبهى حله.
وفي رائعة أخرى تقول بخوت بعد أن عزم قومها على الرحيل قبل العيد بيومين .الأمر الذي احزنها
لانها ستفارق كل معنى للفرح . ويظهر من قصيدتها
انها حاولت بشتى الطرق أن لا يتم ذلك.الا ان محاولاتها
اصطدمت بمن لا يرحمها ولا يشفق عليها .اذ ستقضي
العيد وحيدة ولن تتمكن من التزين ونقش الكفوف
بالحنا كي يشاهدنها نساء وفتيات القبيلة وهي في

ياجماعة وان عزمتوا على انكم راحليـن
غمغموني عـن مظاهيركـم لا اشوفهـا
كن في قلبي سنا ضو بـدوٍ(ن) نازليـن
ولعوهـا بالخـلا والهـبـوب تلوفـهـا
ول عودٍ(ن) لاش رحمة ولا قلبٍ(ن) يلين
جعل ذودك في نحا القوم وأنت تشوفهـا
عيدوا بـي بالخـلا والفريـق معيديـن
كل عـذراً نقشـت بالخضـاب كفوفهـا
مايقرب دارهـم كـود صنـع الذاهبيـن
كون حمرا عزمها مـن صفـاة بلوفهـا
كن حنين الويل يشبـه لخلفـات القطيـن
لينوا لـه بالقـدم مـع طمـان جروفهـا




وكانت أخت الشاعره تتلقى العلاج في لندن من مرض
الم بها عندما قامت بخوت بإجراء مكالمة هاتفية لأول
مرة حيث اطمأنت على شقيقتها . وقالت مبديةً إعجابها
بعبقرية من صنع الهاتف ومتمنية لبلده المطر واخضرار
البساتين وتتمنى ركوب الطائرة كي تقوم بزيارة شقيقتها.



عسى من صنع ذا الهاتف ايديه ما تنشل
عسى داره الوسمي يخضـر بساتينـه
تعلا الحرارة وان تكلمـت بـه تنـزل
على صوتهـم قلبـي تريـح شرايينـه
وجودي على طيارةً(ن) صوبهم تنتـل
على شان مستشفاه باجـي مصاخينـه



وتقودها عبقرية الخيال . وهذه المرة لـ محاورة الموت فقالت



أنا اشهد شهادة حق ما تستحي يا موت
وأنا أشهد إن مافيك ميزٍ(ن) ولا شيمه


فترد على لسان الموت


صلاتش ردية والحكي زور يابخوت=وكلٍ(ن) خذيته من هله وانتي مقيمة!


منقول

اتمنى ان ينال اعجابكم

المصدر: الملتقى الجماهيري للشاعر محمد بن فطيس المري

سلمت على النقل المتميز

الف شكر لك هواوي

وفقت بالأختيار

لاعدمنااا جديدك المميز

لآهنت آخوي هواوي ع التقرير المفصل للشاعره العظيمه بخوت المري ..

.