شرح قصيدة الشاعر محمد بن فطيس صلف الهوى

شرح قصيدة الشاعر محمد بن فطيس صلف الهوى

السلام عليكم ورحمة الله وبركاته


<-- جبت لكم شرح جديد للشاعرنا العزيز __-؛اخذهاا حلىى


اذا مليتوو علموني



كل ما ذعذع علي صلف الهوى حدريه
يكفخ فوادي بصدري قبل يكفخ ثوبي



هنا يقول شاعرناا كل ماذعذع اي كل ماهب على الهوى حدريه .. وحدريه هنا تعني قويه وهادئه ولطيفه في نفس الوقت .. فيقال في الماضي هبوب حدريه .. وهي التي تاتي من الشرق الى الغرب في وقت الصيف
فالكثير من اهل عمان واهل الامارات وقطر يعرفونهاا .. وتسمى عندهم بهبوب الكووس او الهبوب الحدريه
ويقول شاعرنا انها اذا هبت هذه الهبوب الصلفه اللطيفه تتحرك مشاعره وترتجف قبل ان يتحرك ثوبه .. وهنا تعبير قوي عن حالته النفسيه التي وصل اليها


خص لاجا بارد ومذعذع عصريه
يجمع اللي به من الذكرى وياتي صوبي



طبعا الهبوب الحدريه عاده تأتي بارده وما اروع برودة الاجواء في وقت الصيف .. وفي وقت العصريه ... وذكر شاعرنا هنا وقت الهبوب البارده في الصيف ووقت العصريه
لان وقت العصريه له علاقه خاصه مع العشاق .. فقد ذكر الشعراء الكثير في قصائدهم لا ذعذع الغربي .. إلخ
فاوقت العصريه وقبل المغرب تشن الرياح الهادئه هجوم على العشاق فتتاثر مشاعرهم واحاسيسهم


قبل يلعبي وانا قد ريت في ماريه
ضايق من صبح والهاجوس دوبه دوبي


قبل لا يشن هجومه علي عرفت السبب .. وهو اني ضايق من الصبح وبيني وبين التفكير ضد وضديد


والله ان كنه يداوي الجرح بالشبريه
والجوارح من هواها الصلف ماصدوبي



يصف شاعرنا حاله مع هذه الهبوب القويه الهادئه والبارده واللطيفه بأنهاا قويه على قلبه ومشاعره واصفً لها بانها نبشت جرحه بقوله يداوي الجرح بالشبريه والشبريه أداة تشبه السكين وتستخدم للقطع
والجوارح .. الجوارح هي اليد والعين والعقل والقلب كما تعلمون .. ما دافعت عن شاعرنا من جبروت هذه الهبوب على قلبه


تجمع اوراق السنين وتظهر السريه
وتترس عيوني حسايف عقب ترس جيوبي



يعني تعيد له ذكريات السنين القديمه التي يذكرها وحتى التي لا يذكرهاا فقد تسببت في نبش جروحه القديمه
ويقول تترس عيوني حسايف عقب ترس جيوبي .. يبين هنا انهاا رغم ماقامت به قامت بالزياده ايضا .. فلم تكتفي بجيوبه بل زودتهاا شوي



لاذكرت اللي رحل وعيونه الدريه
كل مالديت فيها تهت لالدوبي


هنا يبين سره ويقول ان هذا بسبايب الحبيب الذي تركني ورحل
والذي كل مانظرت في عيونه وهو يناظر فيني اتووه واضيع


تمطر عيوني وخفاقي سرى ساريه
ينعصر وانا دموعي للوفى عذروبي


تمطر عيوني اي من دموع الحسايف وخفاقي اي قلبه سرى ساريه اي مجنون به وهائم عليه ويبين هذا بقوله ينعصر اي يتقطع او يتعذب
ويرجع ويقول مابيدي شي غير ابكي للوفا اللي سويته وهذا هو عيبي


صمت عن وصل المحبه لنها عذريه
والردى ماهو بمن طبعه ولا بسلوبي

يبين شاعرنا انه لا يرد شي لا يرضاه الله ولا رسوله ويرد ان يكون التواصل على سنة الله ورسوله ولا يريد طريق غير هذا يصل به المحبه ويبن ذالك بكلمة والردى ماهو من طبعي يعني ماتعودته ولا تربيت عليه
ولا هو اسلوبي ولا تعلمته من حياتي الدينيه وتقاليدي


اذكر انه قالي مره وش الحريه
قلت عكس اللي لقيته منك يامحبوبي


طبعا يذكر خياله ومايطريله انه ساله عن الحريه .. ويصف رده بقوله انه عكس اللي سويته لي من جفا وبعد ورحيل رغم انك محبوبي


اهتوي طاري هله من حبي لطاريه
والدروب اللي تجنبهم مهي بدروبي


يبين حبه لاخبار اهله ومن يعز عليه فقط محبه له ولاخبار محبوبه ويقول ان الدروب اي الاخبار او الطرق اللي توصلني الى غير أهل محبوبي ما أتبعها ولا ابحث عنها


متعب رجلي ولو هي صوبهم عبريه
وابني امالي على الترحيب لاهلوبي


هنا يصف حاله بانه متعب رجله بالمشي اليهم اي أهل محبوبه حتى ولو كان مشيه على غير فائده لانه يعلم انه بيروح لهم مثل عابر سبيل يمر فقط وهو مافعل هذا الا من غلات محبوبه يفعل ذالك
ومن ثم يصف حالهم عندما يمر على اهل محبوبه بانهم يرحبون به فيزيده امله بالقرب لهم لان قربه لاهل محبوبه يعني قربه من محبوبه فيستانس شاعرنا الحبيب وما يدري عن نواياهم


اثرهم ناويني بالنيه الشريه
واثرهم دارين وانا اقول ماشكوبي


وهنا يكتشف شاعرنا ويصف حالهم بانه عرف انه عرفو انه عشقان وقاال واثرهم دارين لانه يشك فيهم قبل يوم كان يجيهم ويرحبون فيه
حسب هالشي امر طبيعي وانهم مالحظو عليه شي لذا قال وانا اقول ماشكوبي



واثرني ضايع واصدق قصة الحوريه
وش ينجيهم من اثامي الى قفوبي



ياحبني لك يابو حمد يقول اثرني مدري وش نواياهم واني صدقت ترحيبهم لي واستقبالهم وبنيت امالي بعد ماصدقت .. لكن طلع العكس ووصف حاله بانه طفل وسمع بقصة الحوريه والكل يعرف قصة الحوريه
اللي مايعرف يرسل لي رساله خاصه اقصها عليه :d
وش ينجيهم من اثامي الى قفوبي
يقول شاعرنا وش ينقذهم من ذنبي اذا مت وودوني قبري بسبب فعلتم هذه وبسبب ابعادي عن محبوبي



جزت مادام الهوى يبغي عصا سحريه
وتبت مادام القدر عيا على مطلوبي


جزت يعني تركت .. يعني خلااص عفـــت دام الهوى من سابع المستحيلات وهو يقصد الهوى الطاهر الخالي من العيوب
وتبت يعني تووبه ارجع احب لان هالشي مو مكتوب لي وعيت الاقدار تصفى لي



قد همومي وين الاقي الصيد في البريه
وقومة في وجه ضيفي واعرف ماجوبي


يقول خلاص ببقى اشيل هم الصيد والمقناص اصرف لي من الحب وغرابيله :d
وقومة في وجه ضيفي واعرف ماجوبي
يعني اكتفي بالعلوم اللي اقدر عليها والتي رباني عليها ابوي وهي الكرم والطيب واعطيهاا جل أهتمامي واصرف النظر عن الهوى


اكبر اهدافي تزول الدوله العبريه
واكبر امالي يغفرالله جميع ذنوبي


خلااص .. اكبر هدف لي فالحياه هي زوال دولة اسرائيل واكبر أمل ان الله يغفر ذنوبي كلهاا



غير هبي وين ماتبغين يالحدريه
واتركي قلبي لحاله والعبي في ثوبي


وهناا يرجع ويخاطب شاعرناا الهبوب التي سببت له هالحركه الوجدانيه العصيبه .. بعدما اقتنع بواقعه .. فقال بالفم المليان للهبوب هبي وخذي راحتك من وين ماتبين خلاااص .. ماعاد لك فايده في قلبي يعني لا تلفين وتدورين فيه
صكيته بالشمع الاحمر على قولتهم خخخخخ فالان اصبح لا يتاثر بك ولا عاد لك حيله عليه حيلتك تجدينهاا في ثوبي فذهبي العبي به

اخيرا

هذا العمل عمل بشر فان اصبت فمن الله وان اخطاءت فمن الشيطان

اعذروني على الاخطا وعساني اكون وفقت في طرح الشرح

لاهنتم جميعاً

المصدر: الملتقى الجماهيري للشاعر محمد بن فطيس المري

شرح ممتاز لا هنت يالغالي

,والله ان كنه يداوي الجرح بالشبريه’ >>> وأنا أشهـد

عيوني حزيـنه لا والله ماملينـآ بالعـكس ننتـظـر شروووحك بشغف ,, جعلك سالم ولاتهون

تقبل مروري دايمآ ’’’ تحيتي

تمطر عيوني وخفاقي سرى ساريه
ينعصر وانا دموعي للوفى عذروبي


تمطر عيوني اي من دموع الحسايف وخفاقي اي قلبه سرى ساريه اي مجنون به وهائم عليه ويبين هذا بقوله ينعصر اي يتقطع او يتعذب
ويرجع ويقول مابيدي شي غير ابكي للوفا اللي سويته وهذا هو عيبي


وش تبيني اقووول غير صح شرحك مليون وربي انهـ تصوير وافي

دخلت جو شوي واصيح

استمتعت بهالشرح

ومستحيل نمل منك واصل واللهـ يوفقك

.
.
صح الله ألسانك يـ الأميـر , و صح شرحك
كلام كبير و شرح كافي و وافي .

ودي إذا أنت تعرف التصميم أو تعرف أحد يصمم
إنك تشرح القصائد و تضعها في تصميم و تنسبنها لك
و تكتب فيها رابط منتدى / محمد بن فطيس .

و هـ الشي راح يمنع من سرقة الموضوع
و نسبه لـ غير صاحبه بعد ما تعبت و شرحت .

لاهنت أبووي ,,

الا يا هوى الغربي على قلبي تهب بزين .. تراك محمل بشي تهد القلب وضلوعه .. ابيات ابو حمد دائماً ممتعه وطرب من يقراءهاا ويطرب من يسمع له بصوته الجميل والقاه .. وانا كذالك استمتعت معك أخي عيوني حزينه على شرحك الممتاز الذي سبحت به .. وتمتعت بعذوبه .. وروعته .. لله درك .. لا تقطع فستمر فنحن في الانتظار .. لك تحيه طاهره كطهرك

عيوني حزينة

لاهنت ع الشرح الوافي استمتعت كثير

شرررح جمييل ووآفي..لاجديد مبُدع كـ عادتك ياعيوني حزينه

سجل إعجابي بقلمك

وألف شكر لك..

لاهنتم جميعاً على مروركم


وابشرو بالرضا


لكم تحيه

الله الله الله
لا هنت ع الكلمات
لْطرَِحَكـِ هنَآِ لون َِمختلفٍْ وعلىْ ٍرونقَِ رائعَِ

كمِ َيروْقِ َلي طَِرحْكـَِ دَوْمآَِ

يسَِرْق آلَنِظْر وَِيهْذيِ َبآلعِْقولَِ
آَجِدتِْ آلآِنتقِْآَء يَِالغُلأِ
لَكـِ وُد... وَ..جَِنائِن يَاَسمُِينَََََََِْ لروٍحَْكـِ

مُِوٍْدًتَّيََُِِ..