قصة الجني الشايب وحنا بالقنيص ,,, حقيقية

قصة الجني الشايب وحنا بالقنيص ,,, حقيقية

بسم الله الرحمن الرحيم
السلام عليكم ورحمة الله وبركاته

طبعا انا بنزل الموضوع وانا بنطق من الضحك

الموضوع يختلف وبما ان القصة صارت في قنيص وصيد فاكيد ذا مكانها

ماطول عليكم أخليكم ,,,

+ قصه حقيقه ومرعبه عن الجن وحنا بالقنيص +

في ربيع عام 2006 قررت انا وثلاثه من اصحابي نطلع البر للقنيص كان الجو وقتها صافي ومعتدل واخترنا المنطقه بشمال السعوديه بين مدينتي طريف وعرعر
طبعا جهزنا اغراضنا وسيارتنا وطلعنا من مدينه الخبر بالمنطقه الشرقيه الى الشمال وحنا بطريق اتفقنا انه نتعمق داخل البر تقريبا حوالى 250 كم لان المكان
القريب من المدينه مزحوم بالعوائل وكشتات الشباب وشي طبيعي مافي قنيص ...

المهم بعد ماتعدينا مدينه عرعر واقتربنا من مدينه طريف بحوالي 40 كم طلعنا من الطريق العام ودخلنا البر كان وقت الفجر خيمنا قريب من الطريق العام بحوالي
20 كم الين الساعه 12 الظهر جهزنا اغراض الصيد واجهزه الاتصالات وتحديد المواقع فضلنا نتعمق بالبر وندور القنيص حتى وقت المغربيه لكن مانتبهنا انا تعمقنا
اكثر من اللازم وحنا بطريق الرجعه تبين لنا انه دخلنا بالبر اكثر من 310 كم .. سرى الليل المهم بصراحه ضيعنا الطريق وطبعا البر مافيه لاطرق ولا هم يحزنون
حتى انه تعدينا مناطق الرعي لاصحاب المنطقه ،، تشاورنا وتبحاثنا الموضوع بينا واتفقنا انه نخيم بالمكان واذا طلع الفجر لكل حادث حديث ..

طبعا في واحد منا مايحب لا قنيص ولا البر لكن اخذناه معنا بالقوه اول مايخمنا قال بدخل السياره وبنام وقفل ابواب السياره ونام فضلت انا والاثنين الى معاي
بالبر .. شبينا نار وقعدنا نسولف ..

وحنا نسولف لفا علينا شايب مدري من وين طلع ومعاه ولد عمره تقريبا حول 10 سنين بالبدايه استغربنا الوضع من وين طلع من ذا البران والخلا الى مافيه بشر
المهم لفا علينا وقعد معانا كان واحد منا كبير بالعمر شوي واعقلنا سئل الشايب ..

صاحبنا : انت من وين ياعم ؟؟ وش جابك بذا المكان الخلا ؟؟

الشايب : انا من هنا يمكم ماني بعيد وهذي ديارنا من زمان يعني تقول 300 سنه


300 سنه !! بصراحه انا استغربت طيب وينهم فيه وحنا من الفجر نلف البر ندور على القنيص ماشفنا بشر وثانيا حتى لو كانوا بمنطقه قريبه وين انوارهم
في ذا الظلام ؟

مادققنا على كلام الشايب قربت منه الزاد والماء لكن الغريب انه مااكل وقاعد يناظر فينا بنظرات غريبه صاحبنا الثاني كان جالس قريب مني قرب اكثر وقال :

ياولد بقلك شي لكن لا تحسب انه ابي اخوفك او قاعد استهبل عليك لكن ورب البيت قاعد اشوف مثل الناس قاعدين ويناظرون فينا

قلت له : تعوذ من ابليس واذكر الله وش تشوف ناسه مابه هنا غيرنا وذا الشايب .. انا لما قلت اذكر الله حسيت مثل لفحه الهواء الحار على وجهي
ناظرت بالشايب الا عيونه حمراء كانه تقطر دم بصراحه بلعت العافيه وماقدرت انطق خوينا الكبير فينا والعاقل قال لشايب :

اذا انت من الانس فابشر بالي تبي وتامر عليه واذا انت من ساكنين الارض فالله يكفينا شرك ،، الشايب قال بصوت عالي لاتذكر الله

هذي منطقتنا من الاف السنين ولا احد دخلها منكم من قبل ( منكم = يقصد الانس طبعا ) وانتم ازعجتونا بناركم ونبيكم تطلعون من هالمطنقه ولا تعودون لها
ابد وإن شفناكم هنا مره ثانيه راح نخفيكم تحت الارض .

بصراحه انا وخوي الثاني تجمدنا بمكانا ولا نطقنا بحرف واحد وخوينا الثالث الى بسياره نايم وياغافلين لكم الله لكن خوينا الكبير كان اثقل ويعرف لهالامور
قاله : احنا دخلنا منطقتكم بالغلط كنا ندور على القنيص لكن ضيعنا الدرب وابشر راح نطلع من منطقتكم لكن نبي منكم تدلونا الدرب .

قال شايف هالكلب ؟! ... كلب !! المشكله مانشوف شي وفجأه طلع كلب من وراء الشايب كيف ومتى صار ماندري ،، قالنا امشوا وراه بسيارتكم وراح يوصلكم
قريب من الطريق العام ولاعاد تعودون هنا ابد .

وفجأه جات مثل العاصفه واختفى الشايب والولد الي معاه وفضلنا احنا وذا الكلب ناظر فينا ومشى ركبنا سيارتنا ومشينا وراه . المشكله نشوفه قدامنا
ولا قدرنا نلحق عليه وقبل الكريق العام بحوالي 102 كم ناظر فينا وقال : اتجهوا من هنيا شرق ومثل ماقالكم ابوي لاعاد تعودون بذا الخلا واختفى وحنا
نناظر فيه .

ناظرت بخوي قلت له : الي صار حلم ولا علم ؟ .... قال تعوذوا من ابليس واذكروا الله وهذا شي حق ومذكورين بالقرآن .
المهم وصلنا الطريق العام وهوا على الشرقيه بطريق قلت له اذا تبون قنيص مره ثانيه سوق الحمام بدمام يمدحونه .

اما خوينا النايم وحنا بطريق بالبر والكلب قدامنا صحى يقول : وش بلاكم تحركتوا وماردينا عليه كلنا على الصامت قال : ماتبون تردون بكيفكم ،، ورجع نام وحنا
بطريق معودين لشرقيه حكينا له القصه قام يضحك ويقول : الحمد لله والشكر يعني مالقيتم قنيصكم قمتوا تكذبون علي ..




( هذي مو قصه من نسج الخيال هذا واقع صار معنا قبل 4 سنين والغريب بالموضوع انه حنا الثلاثه الى الوقت الحالى واحيانا نشوف لمحه من الشايب
بذات لما نكون في بر او بمكان مظلم )


منقووول لعيوونكم

.. ـآلبتــــووول ..

المصدر: الملتقى الجماهيري للشاعر محمد بن فطيس المري

يعني مالقيتم قنيصكم قمتوا تكذبون علي ..


8 8
< مات ضحك

اقول ولله مايقيد فيه الا اللي يرده صوب المكان اللي عند الشيبه

واما الثلاثه عليهم بسوق الحمام





البتول الله يبلا عدونا وعدوك وش فيني مارديت عليه يوم حجزته

ولا قريته الا الحين في ذا الليل

حي الرقااد


لاهنتي على القصه اللي يقشعر لها البدن

ههههههههههههه يوووومـه شيء يخوف ويضحك اوووومـآ مالقيتو صيد قمتو تكذبون ههههههه

بسم الله علينـآ

بتووله ي أمي زين نزلتيها بالقايله

ي شباب يمدحون سوق الحمام بالدمام

ايو الله ماعجبني الا خويهم النايم

شآسع المرى
ألريم اللعوب

هلا بكم واسعدني تواجدكم

يمآآآآآآآآآآآآآآهـ
سكنهم مسآكنهم

ههههههههههههههههههههههههههههههههههههههههههههههه
آمآ خويهم الا نآآم ماله حل قسم
ههههههههههههههههههههههههه

مسآآكين حالتهم حآآله
ههههههههههههههههههههههههههههههههههههه
هههههههههههههههههههههههههههههه
وه وه تسبدي توجعني من كثر الضحك

هههههههههههههههههههههههههه

حسآآآآفه ليتني معهم كآآن حرقت هالشيبة
ههههههههههههههههههههه

بتووووول
لبى روحتس كثري مثل هالمواضيع

مادخلت مزاجي بنووووووووب

لوكانت صحيحه فيها مبالغه

تقبل مروري خيو

موضوووع نايس يالغــلا
لك باقـــه×××مـــن اكليل الكـــادي
ودمتـــي بحفـــــظ البـــــاري

تسلمين ويكثر القصص الي زي كذاء
غراب وعجائب والدنياء مليئه بالعجاب
وتششششكرين

اومآ كلهم عالصآآآمت هههههههههههه مالومهم ,زين ارجولهم شالتهم .
,,وصآحبهم النآيم والله البرود ينفع مايخليك تشوف السّكوووووون .

بس اللي أعرفه ان الجن مايشوفه أثنين بنفس الوقت شلووون جلسوا يسولفون معه ,,مدري .


قآل انتمقنص قآآآل ههههههههههههههههه.

البتووول ,,, تسلمين وترآني ما قعدت بنص الصاله وجمعت البزارين يوم افتح موضوعش خخخخخخ.

** عيونـــ دنيتي ـــــكَـ **
** آآآهـــ ـــ ـــ ـــااات **
** محمـ الوريكي ــد **
** الهـ ـــ ـــ ـــ ــــوى **

# أسعدني مروركم يابعدي #

* رمـــــح جســـــاس *
اهلا بمرورك حتى لو لم يرووووق لك ذلك
وشكرا ع الرد المكلف ..