تنويه أدارة موقع الشاعر محمد بن فطيس

تنويه أدارة موقع الشاعر محمد بن فطيس

السلام عليكم ورحمة الله وبركاته


أسعد الله أوقاتكم بكل خيـر اخواني وأخواتي الاعضاء

حدث جدل كبير حول قصيدة شاعرنا الجديده التي تم طرحهاا في المنتدى

ووصل الحد الى التشكيك في القصيده وفي مصداقية طرحنا في هذا الصرح بغض النظر ماحدث عن تناقل لـ كثير من الاخوان ووالاخوات في مواقع عده بإن القصيده ليست لشاعرنا وانها للشاعر سليمان بن شريم

وهذا ليس صحيح .. فكيف تنشر القصيده بأسم شاعرنا هنا وهي ليست له .. فهناك من استنكر وشكك في مصداقيتناا وهالشي يسئ لنا للاسف

القصيده الجديد للشاعر محمد بن فطيس بستثناء البيت الاول البيت الاول هو للشاعر سليمان بن شريم .. وقد ذكر الشاعر محمد بن فطيس ذالك بنفسه في القصيده وفي البيت الثاني من القصيده عند قوله .. البيت ذا خابرن محبوبي يعده .. معلناً ان البيت ليس لشاعرنا ..

ولاكن اكثر الاخوان لا يقرى الا اول بيت من القصيده ثم يعلن الاحتجاج مستبعداً مصداقية الطرح .. فهذا الشي يسئ لنا للاسف فاتمنى من الاخوان والاخوات قبل كل شي قراءة القصيدتين كاملــــه والتأكد من مصادرهاا قبل اطلق الاشاعات التي تسيئ لشاعرنا العزيز

وسأطرح لكم قصيدة للشاعر سليمان بن شريم وقصيدة للشاعر محمد بن فطيس الجديده التي حولها الجدل .. ووضعتها لكم لكي تشاهدون الفرق الشاسع بينهاا




قصيدة الشاعر سليمان بن شريم

حيا الله اللي يغيب ويسـرع الـردة
اللـي يجينـي الـى منـه تباطانـي
قلبـي يـوده وحالـي كنهـا القـدة
ودي بشوفه ودونه حـوم عقبانـي
ياصاحبي جارك الله ويش هالصـدة
ماهـوب حـق تولعنـي وتنسانـي
وان كان عند ك حكى بي خامل السدة
فانت المصدق وانا حقي وما جانـي
اهرج على ما تورى والبخـت بـده
لاتستحـي يابعـد حيـي وحيـانـي
ترى حلاة الهـوى لاطالـت المـدة
ماهوب يوم صديق ويـوم قومانـي
وان كان ما انت مصافيني على الشدة

وهنا قصيدة شاعرنا محمد بن فطيس

حي الله اللي يغيب ويسرع الرده =اللي يجيني الى منه تباطاني
البيت ذا خابرن مضنوني يعده =وان غبت بالبيت ذا قام وتولاني
واليوم مضنون عيني غاب له مده =وأرسل له البيت والتقرير ماجاني
وأقول في خاطري هو صد من جده =وأرب عاده يروعني ويلعاني
يعني جميع الغلا اللي جاه ماسده= ولا كفاه إن حبه شرب شرياني
جعل الحزن والسهر والضيقه تحده=يطلع ارقام ربعي واصغر اخواني
ثم يتصل بي واشوف الرقم واسده= وأقول ياموت ذق ماذقت بلساني
وأنا تراني من الشحنه على حده=لكن خله جزا له يوم يجفاني

المصدر: الملتقى الجماهيري للشاعر محمد بن فطيس المري

لاهنت وبيض الله وجهك ابو مشاري


والله يكفينا شر العذال اللي يبون يخربون سمعت الموقع لانه موقع يعجز اللسان عن تعبير مايقدمه من جهود طيبه والله يوفقنا لما يحبه ويرضاه

الله يجزاك خير ابو مشاري

مشكور ابومشاري وابوحمد اكبر من انه ياخذ قصيدة غيره مع احترامي لبن شريم

أبومشاري
الله يعطيك العافيه ..وعسآك ع القوة
وشكرا ً لـ التوضيح
احترامي

وأنـــا تـرانــي مـــن الشـحـنـه عـلــى حــــده

لـــكـــن خـــلـــه جــــــزا لــــــه يـــــــوم يـجــفــانــي

لله دررررك يآبو حمد ..

لآهنت آبو مششاري ع التوضيح
وآلف شكر لك ع مجهودك ..



.

ابو مشاري لاهنت على التوضيح

صحيح صار فيه لبس بالموضوع عند الكثير بسبب البيت الاول ...لكن البيت الثاني موضح الاقتباس .


تحياتي .

نعم القصيدة للشاعر محمد


كبير يجاري كبير


شكرا لك يابو مشاري على التوضيح

أخواني أود أن أؤكد أن ما ذكره أخي ابو مشاري صحيح 100% ولدي تسجيل فيديو عن أمسية لندن واللتي أكد فيها الشاعر أن البيت الأول ليس له و هذا ما وضحه في البيت الثاني وسوف يطرح في المنتدى في أقرب وقت ممكن. اما القصيده فهي من أحدث القصائد اللتي لم تكتمل و لكن نزولا عند طلب الجمهور قام الشاعر بالإفصاح عنها.
بالنسبة لإستعارة بيت من قصائد الشعراء أو الإشاره أو الإقتباس فهو شيئ حميد ويدل على ثقافة الشعراء ومستوى مخزونهم الشعري ومدى إطلاعهم و درايتهم بالشعراء.

وااضحه ومايحتاج لها تعليق او تكبير

ابو حمد اكبر من انه يشبة ذا التشبيه

مشكور ابو مشاري